Skrúðgarðsundirbúningsbloggfundarnefnarfundurinn afstaðinn

Þá er undirbúningsbloggarafundarnefndarfundur nýbúinn í Skrúðgarðinum á Akranesi. Einhverjir urðu þó eftir til að taka kaffihúsið enn betur út.

Margir kaffibollar, kökur og skemmtilegt spjall. Við vorum svo full ... spennings yfir því að hittast að við gleymdum að telja þá sem komu en ég reyndi að kasta tölu á þá komnu áður en ég var búin með of marga bolla af kaffi og held að við höfum verið sjö, jafnvel átta þegar mest var! María Skrúðgarðsmeistari var búin að taka frá borð fyrir okkur, sem betur fer því að allt fylltist af fallegum og glaðværum Skagamönnum.

Umræðuefnin voru margvísleg; Frjálslyndi flokkurinn, Margrét, flugeldar, kirkjubygging, tengdafólk, tölvur, stjórnmál, aðeins komið inn á trúmál, ljósmyndavélar og ég komst að því að Guðný Anna er heilmikið tengd uppáhaldssýslumanninum mínum sem kemur yfirleitt í afmælin mín! Og Grafarþögn (Sigríður) var eitt ár í menntaskóla með Katrínu Snæhólm. Já, þeir sem ekki mættu voru samt hjá okkur!

Keli kom með þá hugmynd að einn enn undirbúningsfundur yrði haldinn í Borgarnesi á laugardegi í hádeginu (fyrirgefðu, Heiða) í næsta mánuði til að spjalla enn frekar.

Já, þetta var mikið fjör og við sátum þarna í rúma fjóra tíma. Allir voru miklu sætari en þeir virðast á vélsagarmorðingjamyndunum af þeim á blogginu og enn skemmtilegri en það sem þeir skrifa um, eða svona næstum því. Held að staðurinn fyllist af bloggfólki í apríl, svei mér þá. En hér eru nokkrar myndir.

Þetta var góður dagur og flottir bloggarar! 

Athugasemdir

[Pétur Þór Jónsson, 24.2.2007 kl. 17:35]

Það var leiðinlegt að missa af þessu, en ég tók Man. Utd. framyfir og það er auðvitað eitthvað sem allir skilja enda eruð þið öll fótboltafrík eins og ég.

[Guðríður Hrefna Haraldsdóttir, 24.2.2007 kl. 17:50]

Hlakka til að kíkja á síðuna þína, Keli, mundu að setja mig í photoshop annars drep ég þig ... djók. Pétur, sem fótboltaáhugamaður sjálf skil ég þig algjörlega!!!

[www.zordis.com, 24.2.2007 kl. 17:58]

Ég varð sem sagt út undan ............. Oooooooooooog á landinu   Ég er samt ekki sár, sko .............  gaman að sjá ykkur dúllur en ég var á fullu í Selvoginum að vaða í svellköldum sjó!  Birti myndir af því á mínu bloggi á eftir!

Hefði etið eina Hnallþóru og drukkið Latte með! 

[Guðríður Hrefna Haraldsdóttir, 24.2.2007 kl. 18:01]

ERTU Á LANDINU??? Æ, æ. En í apríl? Gott að þú hafðir það gott í Selvoginum!

[bara Maja..., 24.2.2007 kl. 18:12]

Ennþá á bömmer yfir að missa af ykkur í þetta sinn...  flottur hópur !!!

[Guðríður Hrefna Haraldsdóttir, 24.2.2007 kl. 19:03]

Og ég er búin að skoða

[Doddi - Þorsteinn G. Jónsson (IP-tala skráð) 24.2.2007 kl. 19:05]

Hefði viljað vera þarna sjálfur ... væri virkilega til í að hitta einhvern svona blogghóp ... vitiði kannski um einhverja aktíva bloggara á Akureyri?

[Guðríður Hrefna Haraldsdóttir, 24.2.2007 kl. 19:13]

Þú neyðist til að kíkja suður, karlinn. Múahahhaha! Fyrst Katrín kemst frá Englandi ...

[Ágúst H Bjarnason, 24.2.2007 kl. 21:02]

Sæl Guðríður

Til hamingju með vel heppnaða samkomu. Ég er einn þeirra sem laumast inn í himnaríkið þitt svo lítið beri á, enda alræmdur skýjaglópur. Vona að þú fyrirgefir það. Bestu kveðjur.

Ágúst, www.agust.net

[Sigurður Ásbjörnsson, 24.2.2007 kl. 22:02]

Það hefur augljóslega verið gaman hjá ykkur.  Svona atburður hljómar sem einhvers konar "blind-hóp-deit" sem virkar hálf skrítið svona fyrirfram.

[Ester Júlía, 24.2.2007 kl. 22:04]

JÁ Það hefur greinilega verið mikið fjör!!  Flottar myndir og gaman að lesa.  Dauðöfunda ykkur af kökunum...

[Guðríður Hrefna Haraldsdóttir, 24.2.2007 kl. 22:04]

Aha, góð pæling. Nú get ég loksins sagst hafa farið á hóp-blint stefnumót! Maður þarf nú að prófa allt í lífinu.

[Guðríður Hrefna Haraldsdóttir, 24.2.2007 kl. 22:07]

Þetta var mjög gaman, skemmtilegt fólk, gott kaffi og dásamlegar tertur, Ester.

Og, Ágúst, þú ert alltaf velkominn í himnaríkið, ég kíki reglulega á stjörnurnar á síðunni þinni!  

[Ólafur fannberg, 24.2.2007 kl. 22:47]

dem missti af ....

[Guðríður Hrefna Haraldsdóttir, 25.2.2007 kl. 00:33]

Þú ættir þá að sjá myndina af mér hjá Guðmundi! Ég er 50 kílóum þyngri en í rauninni ... Hann hefur notað photoshop, karlormurinn!

Ég skal kippa út þessari mynd ef þú vilt ... ég er sammála, hún er ekki góð af þér!  

[Guðríður Hrefna Haraldsdóttir, 25.2.2007 kl. 00:39]

Anna mín. Ég framdi glæp fyrir þig. Ég rændi mynd af bloggsíðu dásamlegrar konu frá Borgarnesi en þar lítur þú mun betur út! Hjartanlega sammála þér, hin myndin líktist þér ekki einu sinni.

[Guðný Anna Arnþórsdóttir, 25.2.2007 kl. 04:13]

Vá, hvað hefur verið gaman hjá ykkur! Hlakka ekki smávegis til í apríl; veit ekki með Borgarnes í mars

Ég slysaðist til að verða tengd uppáhaldssýslumanninum ykkar, með því að hann er föðurbróðir dóttur minnar, en að öðru leyti er ég lítið sem ekkert skyld honum. Hann er samt     hinn ágætasti maður, eins og hann á kyn til, - samanber dótti rmín. Ég er mun skyldari bræðrum mínum, systur, foreldrum, frændum, frænkum, -  et cetera.....!

[Svava S. Steinars, 25.2.2007 kl. 12:48]

Svekkjandi að ég komst ekki !!!  En íbúðarsalan og sú staðreynd að ég ætla að flytja strax setti allt úr skorðum.  Kem bara næst

[Jórunn Sigurbergsdóttir , 25.2.2007 kl. 13:53]

Gaman að sjá myndirnar. Þekki Guðmund, Kela og Agný á þeim. Gott að heyra að þið skemmtuð ykkur vel.

[Kleópatra Mjöll Guðmundsdóttir (IP-tala skráð) 25.2.2007 kl. 18:52]

takk fyrir æðislegan "fund"... skemmti mér bara konunglega. mæti pottþétt næst líka

[Bragi Einarsson, 25.2.2007 kl. 23:09]

þetta hlítur að hafa verið svakalega gamann!

[Guðríður Hrefna Haraldsdóttir, 25.2.2007 kl. 23:26]

Já, þetta var rosalega gaman, Bragi. Við vorum í rauninni bara að undirbúa aðalfundinn sem verður á Skaganum í apríl ... þá komast milljónir bloggara, t.d. Katrín Snæhólm frá Englandi, GEggjun sem er í Washington ofl ofl. 

[Heiða B. Heiðars, 25.2.2007 kl. 23:34]

....og þá vil ég ekkert helv.. kaffi!! Nema ég fái koníak með! Fæst svoleiðis í sveitinni þinni?

[Guðríður Hrefna Haraldsdóttir, 25.2.2007 kl. 23:46]

Ójá, Heiða! Staðurinn hefur vínveitingaleyfi. Einn bloggarinn lagði ekki í kaffið og drakk bara bjór! Svo getum við líka hist kl. 17 ... ef þú verður vöknuð þá

[Heiða B. Heiðars, 26.2.2007 kl. 09:39]

Vantar alveg kall sem ullar eða sparkar í rassa hérna!! Ég verð ekki í neinum vandræðum með að komast á lappir fyrir kl 5... ef það er áfengi í boði