Árni Johnsen, Frjálslyndir og bæjarstjórn Akraness! Hvað!!!

26.2.2007 | 17:58

Árni Johnsen, Frjálslyndir og bæjarstjórn Akraness! Hvað!!!

Nýtti mér nýfenginn lúxus og gat farið beint á kaffihús eftir vinnu. Viti menn, þar var í gangi enn einn grunsamlegi fundurinn. Fyrst Frjálslyndir, síðan bæjarstjórnin og nú þetta. Við eitt borðið sat Árni Johnsen og drakk grunsamlegt sódavatn í félagsskap fólks sem var vægast sagt ekki grunsamlegt en hvað veit maður svo sem?
Því miður tókst mér ekki að hlera samræðurnar vegna annríkis við kaffidrykkju en margt kemur til greina.

1. Að taka kosningarnar í vor.
2. Bindindissemi, gildi sódavatns fyrir góðborgara.
3. Listaverkagerð. Stórir steinar engin fyrirstaða.
4. Að stela hugmyndinni um Hvalfjarðargöng.
5. Strætó milli lands, Eyja og Akraness.
6. Að stækka Suðurkjördæmi vestur til Borgarness.
7. Mikið eru þetta góðar kökur og indælis kaffi.

Dagsskammturinn af Boldinu:

Rétt svo mundi eftir að kveikja á sjónvarpinu. Nú var Bridget, dóttir Brooke (sem hefur reynslu af því að stinga undan Bridget) að skammast í Stefaníu fyrir að vera að skammast í Brooke. Ridge talar við börn sín sem vilja allt eins og áður var og fá mömmu (Taylor) sína til sín. En líklega mun kynþokki Brooke spila eitthvað inn í málið. Ridge minnir börn sín miskunnarlaust á hvað Brooke hefur reynst þeim góð, hjálpað við heimaverkefni, hjúkrað í rauðu hundunum, gerði afmælisdaga og jól alveg sérstök. Börnin eru þakklát Brooke og þakka föður sínum fyrir að minna á góðsemi Brooke. Líklega verður Taylor kastað út í kuldann. Henni var nær.

„Hún svaf hjá manninum þínum og varð ófrísk og hún svaf hjá XXX (missti af nafninu) á meðan Ridge var enn að kólna í gröfinni (bíddu, dó hann líka og lifnaði við?)“ segir Stefanía við Bridget.

„Ridge er bara með henni af því að hann hélt að Taylor væri dáin!“ heldur gamla nornin áfram.

„Það er ekki þitt að ákveða, það eru Ridge, Taylor og Brooke sem ákveða þetta!“ svarar Bridget.

Tvíburarnir og Tómas skæla utan í Brooke. „Við elskum mömmu en viljum ekki missa þig, við elskum þig!“

Ridge kemur í dyrnar og sér ólöglega eiginkonu sína faðma börn sín og Taylor og hugsar sitt!

Flokkur: Bloggar | Facebook

Athugasemdir

Heldurðu að Árni hafi nokkuð ætlað að stela Hvalfjarðargöngunum og setja þau á milli lands og Eyja?

Sigríður Jósefsdóttir, 26.2.2007 kl. 18:09

Árni yrði súper í Boldinu. Já, mig grunar að hann hafi eitthvað í huga með göngin!

Guðríður Hrefna Haraldsdóttir, 26.2.2007 kl. 18:12

maður ætti greinilega að fara að horfa á bold ... greinilega mjög spennandi þessa dagana ...

Kleópatra Mjöll Guðmundsdóttir (IP-tala skráð) 26.2.2007 kl. 18:16

Ég er fús til að fórna mér svona fyrir bloggvini mína! Minnsta mál, alltaf nýkomin heim á þessum tíma, blogga síðdegisbloggið og hlusta á boldið á meðan, þetta kemst upp í vana. Hver veit nema ég þurfi svo að fara í Hveragerði til að venja mig af þessum ávana síðar meir!!!

Guðríður Hrefna Haraldsdóttir, 26.2.2007 kl. 18:47

en hvar er Amber?

Gunna-Polly, 26.2.2007 kl. 19:34

Vona fyrir Akranes hönd að Árni ætli sér ekki að vinna land þar, fæ bæði grænar bólur og hroll þegar ég sé framan í smettið á honum, maður sem sér ekki mun á réttu og röngu humm ekki gott mál að hann sé kominn á fullt aftur í pólítík.

gua, 26.2.2007 kl. 19:38

Takk fyrir skammtinn. Það sýnir best hvað þú ert með nauðsynlegar upplýsingar hér úr Boldinu að í dag hélt ég að ég væri að horfa á það en kemst að því við lesturinn núna að það hefur líklega verið Leiðarljós!!! How stupid can you beeeeee! Takk fyrir kveðjuna á síðunni minni.

Vilborg Valgarðsdóttir, 26.2.2007 kl. 19:51

Gunna-Pollý, þú spyrð um Amber! Ég hef ekki séð hana lengi! Ég skal njósna á Netinu, flakka um og kíkja eftir henni, hún getur ekki verið hætt, hún sem fann Ridge í Feneyjum þegar rauðhærða, klikkaða konan rændi honum minnislausum ...

Varstu að horfa á Leiðarljós, heheheh, Vilborg. Hef því miður aldrei séð þann þátt og GUA, læt þig vita ef ég kemst að erindi Árna hingað á Skaga.

Guðríður Hrefna Haraldsdóttir, 26.2.2007 kl. 19:57