Líður að flottum svölum ...

„Nú, bara alvörunni!“ sagði píparinn glaðlega eftir að hafa tekið sopa af kaffinu sem ég gaf honum. Hinn kinkaði kolli með sælubros á vör. Já, ég fékk tvo karla í heimsókn í morgunsárið. Heppin.

Gefin hefur verið út ný reglugerð á Akranesi. Hún miðast við að aldrei færri en tveir menn fari í himnaríki. Þetta var gert eftir skelfilega lífsreynslu arkiteksins sem Ásta færði Guðríði eftir Akrafjallsklifrið í sumar og hann leið áþján heimilisverka í hálfan mánuð eða þar til ég sleppti honum. Eins og maður ráði ekki við tvo!

Nei, nei. Þeir þurftu að vera tveir til að halda á stofuofninum niður stigana. Og ég held að ég sé komin með pípara til að hjálpa mér þegar ég skipti út baðdótinu. Kaffið gerði útslagið.

Þeir spurðu hvenær svalirnar kæmu svo að þeir gætu sett upp nýjan og minni stofuofn. Ég notaði uppáhaldsbrandarann minn á þá: „Hann sagðist ætla að koma seinni partinn í febrúar en nefndi ekki árið.“ Það er mikið að gera hjá Gluggasmiðjunni en þetta er víst traust og gott fyrirtæki svo að ég þarf ekki að bíða neitt allt of lengi.

Það líður að svölum.  

Athugasemdir

[Guðríður Hrefna Haraldsdóttir, 27.2.2007 kl. 10:46]

Ég fer þá bara í megrun og treð mér út og inn um litla gluggann! Út á svalirnar skal ég komast með góðu eða illu!

[Steingerður Steinarsdóttir, 27.2.2007 kl. 11:23]

Ég mun mæta á svalirnar hjá þér, come rain or shine, hvenær sem fært verður þangað út. Ég treysti mér ekki til að troða mér í gegnum litla gluggann nema ef vera kynni að ég breyttist í hlaup og gæti liðast út um allt eins og gelið í gömlu Steve McQueen myndinni The Blob. Það var yndisleg hryllingsmynd þar sem stórt grænt jelló from outer space fór um og át unglinga í amerískum smábæ.

[Guðríður Hrefna Haraldsdóttir, 27.2.2007 kl. 11:25]

Hahhaha, vona að þú breytist ekki í hlaup, elsku krútt! Það væri laglegt!

[bara Maja..., 27.2.2007 kl. 11:37]

Ohh þetta jafnast á við bestu spennumynd... svalir í ár eða ekki damdaradam...

[Ólafur fannberg, 27.2.2007 kl. 12:41]

svalirnar að koma jibbi.....

[Bragi Einarsson, 27.2.2007 kl. 16:04]

Hey, hafið þið heyrt það þegar Guð var að skapa heiminn? Þá sagði hann: Verði ljós! Og þá kom rafvirki og sagði: Ég kem í næsta mánuði! Þannig varð fyrsti iðnaðarmaðurinn til!

[Guðríður Hrefna Haraldsdóttir, 27.2.2007 kl. 16:20]

Hehehhehe, get alveg trúað þessu!