Brimenglar eða mögulega mútuþægir veðurfræðingar

Annar píparinn dásamaði útsýnið mitt í morgun og svo kom hann með áhugaverða spurningu þegar hann horfði á loftnetsskrímslið í stofuglugganum.

„Dettur sjónvarpið þitt ekki út þegar sjórinn er spegilgljáandi og sólin endurkastast af honum?“

Á sekúndubroti small ýmislegt saman í höfðinu á mér og ég svaraði játandi. Hef ekki skilið hvers vegna myndin frýs stöku sinnum og hef hvorki menntun né reynslu til að skilja útvarpsbylgjur þótt ég trúi vissulega á þessi ósýnilegu kvikindi.

Nú þarf ég sem sagt að hlaupa út þegar allt frýs í sjónvarpinu og hræra svolítið í sjónum með þeytara eða höndunum til að fá hreyfingu á hann.

 

Ég bið bara brimenglana mína að vera svolítið vakandi fyrir þessum þörfum himnaríkis!

Svo er líka alltaf hægt að múta eins og einum veðurfræðingi til að fá soldið brim þegar sem mest spennandi er í sjónvarpinu.

 

 

Athugasemdir

[Doddi - Þorsteinn G. Jónsson (IP-tala skráð) 27.2.2007 kl. 13:09]

Ég skal koma og hoppa reglulega í sjóinn til að skapa smá hreyfingu ... eitt hopp ætti að duga eina viku, svo mikill verður öldugangurinn

[Ólafur fannberg, 27.2.2007 kl. 13:10]

og ég get svamlað þarna fyrir utan til að halda við ölduhreyfingunni og buslað með látum..

[Guðríður Hrefna Haraldsdóttir, 27.2.2007 kl. 13:14]

Þið eruð frábærir! Takk fyrir þetta. Mánudagskvöldin eru einna bestu sjónvarpskvöld vikunnar þannig að takið þá daga frá. Gott kaffi í boði fyrir bestu buslarana!!!

[Gunna-Polly, 27.2.2007 kl. 13:25]

eru ekki til einhverjir fjarstýrðir þeytarar sem þú getur stjórnað út un gluggann ekki máttu missa af bodinu ég verð að fá minn daglega skammt af því þar sem ég missi af þessu

[Kleópatra Mjöll Guðmundsdóttir (IP-tala skráð) 27.2.2007 kl. 14:11]

ég skal svamla með ólafi ...

en skemmtileg staðreynd samt ... alltaf gaman að læra eitthvað nýtt

[Guðríður Hrefna Haraldsdóttir, 27.2.2007 kl. 14:16]

Gunna-Polly. Ef ég dey úr leiðindum yfir Boldinu þá skal ég bara semja sápu sérstaklega fyrir bloggvinina! Hver veit nema svo verði.

Moggabloggslöður? Hvaða nafn gæti slík sápuópera borið?

Tillögur vel þegnar! 

[Guðríður Hrefna Haraldsdóttir, 27.2.2007 kl. 15:10]

Anna mín, er ekki píparasaga nóg?

[Gunna-Polly, 27.2.2007 kl. 18:56]

The blogg and the Bjútífúl

[Guðríður Hrefna Haraldsdóttir, 27.2.2007 kl. 19:14]

Takk Gunna-Polly, hér með er nafnið komið!!!