Lokaþáttur dagsins + bold of the day

Katrín gengur út úr dyngju sinni, kinkar kolli góðlátlega kolli til eiginmanna og barna, það dugar vanalega. Hún er löngu hætt að nenna að bjóða góðan dag. Hún stígur ofan í morgunbaðið sem butlerinn hafði látið renna í af alúð. Hún tekur óútkomin morgunblöðin og les fréttir sem eiga eftir að sjokkera heimsbyggðina klukkutíma síðar. Hún lítur augnablik upp og virðir fyrir sér gullkranana án þess þó að sjá þá. Svo er eins og hún taki ákvörðun. „James, handklæði!“

Butlerinn kemur hlaupandi með drifhvítt, upphitað handklæði sem hann vefur vandlega utan um Katrínu. Þótt hann megi ekki horfa á hana getur hann ekki still sig um að dást að líkama hennar, engin fertug kona getur litið svona vel út. Katrín veifar hendinni, James hleypur og sækir símann.
„Hólmgeir, sæll, þetta er ég! Þú átt að gera mér stóran greiða!“

Á sama tíma situr Karólína bundin við stól. Elena liggur kefluð á gólfinu. Hún þurfti endilega að rífa kjaft. Þær brjótast um þegar Sverrir kemur askvaðandi inn og hlær óhugnanlega.
„Ég vil Grafarþögn!“ urrar hann. „Hvað heitir hún réttu nafni? Og hver er þessi Sólargeisli? Þið hafið of lengi staðið í vegi fyrir áformum mínum um að yfirtaka Flugleiðir!“

Hugarfluga kemur í dyrnar og læðist hljóðlega að Sverri! Hún segir DÖHHH mjög hátt og Sverrir hnígur niður. Hún bindur hann og segir harkalega: „Þetta færðu fyrir að halda ekki með West Ham!“ Karólína og Elena brosa í gegnum fjötrana. Þetta hefði Gunna Pollý átt að sjá.

„Kikka sagði mér frá ykkur, þið eruð ekki blóðskyldar mér en samt tengjumst við og nú ætla ég að komast að því hvernig,“ segir Hugarfluga og hugurinn hvarflar til Steingerðar. Kannski er Hulda lykillinn að þessu öllu saman. Skyldi vera flugvöllur á Grundarfirði? Og hvenær hringir Björg?

 

Hvernig líður Braga þegar hann sér að kynþokkinn virkar ekki á Gerðu? Mun Doddi taka til sinna ráða áður en það verður of seint fyrir Katrínu Önnu? Hver er Ágúst í raunveruleikanum? Fararstjórinn ræður för en Hólmgeir er hræddur um að Ólafur kjafti öllu í Ragnar!

-    -    -    -    -    -    -   

 

HINN ÞÁTTUR DAGSINS: 

Blóðfaðir Ridge, Massimo, ráðleggur varkárni í málinu: Val Ridge milli Brooke og Taylor.

Stefanía segist hugsa um hag barnabarnanna en samtalið við Bridget síðan í gær stendur enn.  

„Ég held að þú sért afbrýðisöm út í mömmu,“ segir Bridget.

Nick og Jackie hafa áhyggjur af afskiptum Stefaníu. Nick elskar Brooke þótt hann ætli að kvænast dóttur hennar og Jackie hugsar bara um hamingju Nicks.

Jackie hittir Taylor í fyrsta sinn og segir að heimkoma Taylor sé guðsgjöf. Konurnar skiptast á þýðingarmiklu augnaráði.

Jackie hittir Brooke einslega úti fyrir og segir henni að líklega muni hún vera áhorfandi, ekkert annað, að ást Ridge og Taylor.

Stefanía talar við mynd af Brooke: „Þegar Taylor kemst að því sem þú hefur gert mun hún ekki leyfa þér að dvelja stundinni lengur í húsinu!“

Jackie gefur Brooke í skyn að Forrester-fjölskyldan muni aldrei kunna að meta hana á svipaðan hátt og hún og Nick muni gera.

Hmmm, held að Flækjur fallega fólksins/Blogg and the Bjútífúl sé skemmtilegri sápuópera, alla vega eru persónurnar mun áhugaverðari!   

 

Athugasemdir

[Gerða Kristjáns, 27.2.2007 kl. 20:56]

Bwahahahahahaha !!  Tær snilld

[TIDDI (IP-tala skráð) 27.2.2007 kl. 20:58]

Sammála

[Katrín Snæhólm Baldursdóttir, 27.2.2007 kl. 21:05]

Jiiiiii þetta er bara svo mikið ég að ég þarf ekki einu sinni að leika. Bara draga inn magann og bíða róleg eftir því að þið fáið lindur.  Oh afsakið. Linsur. Aðeins of mikið kampavín í morgunmat.

Lol!!! Skemmtilegt!!

[Hólmgeir Karlsson, 27.2.2007 kl. 21:38]

Óoo... ó ég þori ekki að víkja frá símanum ...

[Gunna-Polly, 27.2.2007 kl. 22:12]

and the oskar goes to..............

[Guðríður Hrefna Haraldsdóttir, 27.2.2007 kl. 22:15]

GUNNA POLLY! FYRIR frábæran leik í sápunni Blogg and the Beautiful!

[Gunna-Polly, 27.2.2007 kl. 22:26]

ég þakka föður mínum , móður fyir að búa mig til , öllum Hríseyingum og nærsveitum og svo auðvitað Gurrihar fyrir að veita mér þetta tækifæri einnig vil ég þakka manninum með bleika hattinnn fyrir að setja mig ekki í spennitreyju , ég brosi gegnum tárin við fjólublátt ljós við barinnn

[www.zordis.com, 27.2.2007 kl. 22:28]

Hva var ég drepin ............ eða?  Gurrí, the ewil twin getur ekki bara dáið .... er ekki come back?  geðklofa ástand og gúrkutíð .....

[Guðríður Hrefna Haraldsdóttir, 27.2.2007 kl. 22:30]

Zordis, þú varst ekki drepin, skjúsmí, það eru bara þrír þættir komnir! Þú ert enn á Spáni, bíddu þar til þú verður komin til Grundarfjarðar í demantaleit!

[bara Maja..., 27.2.2007 kl. 22:46]

Vá bíð spennt eftir framhaldi

[www.zordis.com, 27.2.2007 kl. 23:02]

This my stuffffff,  var orðin svo líkleg eitthvað!  Sjúkkettý ...........

[Kleópatra Mjöll Guðmundsdóttir (IP-tala skráð) 27.2.2007 kl. 23:36]

þetta er æðislegt! Hlakka til framhaldsins. Næ ég að passa demantana? Hvernig er Ólafur skyldur mér? Er ég ástfangin af honum? hehehehe

[Saumakonan, 27.2.2007 kl. 23:56]

óboyyy óboyy.... *grenjúrhlátri*

[Doddi - Þorsteinn G. Jónsson (IP-tala skráð) 28.2.2007 kl. 00:07]

Yndislegt ...  ég vona að ég nái að gera flugvélina ready og bjarga Katrínu Önnu! ... enda gömul og góð vinkona mín ...

... woo hoo - spennandi: hvað gerist næst...

(pssst: þú ert frábær, Gurrí!!!) 

[Svava S. Steinars, 28.2.2007 kl. 00:13]

Úff, ekki langt í að allir fari að giftast öllum og eignast börn með stjúphálfsystkinum ! The plot thickens !

[Guðríður Hrefna Haraldsdóttir, 28.2.2007 kl. 00:19]

Það má alltaf hafa áhrif á söguþráðinn. Með hverjum blogvinanna vildir þú helst eignast barn í laumi? Held að þeir séu flestir kvæntir ... en það gæti verið yfirvarp njósnarans!

[Doddi - Þorsteinn G. Jónsson (IP-tala skráð) 28.2.2007 kl. 00:39]

Mér þætti vænt um að fá að eignast börn með 2-3 hérna (skiptir ekki máli hverjum - bara upp á söguþráðinn sko ... ).... svo væri gaman að komast að því hvort einhver hérna sé blóðfaðir eða blóðmóðir mín ...

[Guðríður Hrefna Haraldsdóttir, 28.2.2007 kl. 00:45]

Ok, mun láta ykkur Svövu hlaða niður börnum og Steingerði, systur Svövu, vera blóðmóður þína ... æ, ég finn eitthvað!

[Katrín Snæhólm Baldursdóttir, 28.2.2007 kl. 08:33]

Ég er vöknuð og bíð spennt eftir hvað gerist næst í lífi mínu. Ég er svoleiðis að lifa mig inn í að vera söguhetja. Kallaði meira að segja manninn minn James í morgun og skipaði honum að spæla handa mér egg!!!

[Ólafur fannberg, 28.2.2007 kl. 08:41]

Farinn að verða forvitinn á sambandi okkar Kleópötru og demantanna