Smábatnelsi í himnaríki - Taylor heyrir allan sannleikann

Vaknaði um tíuleytið í morgun rosalega lasin ... reyndi að vinna eitthvað, skellti samt inn sápuóperuþættinum Blogg and the Bjútífúl sem ég hafði skrifað í gærkvöldi og fór svo að sofa ...svaf til hálffimm í dag. Nú held ég að mér sé loks að batna. Ég snýtti mér í morgun og þurfti að styðja mig við vegg, mig svimaði svo. Djísus! Langt síðan ég hef orðið svona lasin.

 

Er að skrifa ofsafengilega spennandi grein núna og þegar hún er búin skelli ég í eina sápu ... nú langar mig að troða smá ofbeldi og kynlífi inn í þetta, allt of teprulegt það sem komið er miðað við það sem gerist í sjálfu Boldinu:

Stefanía sagði Taylor að Brooke hefði stungið undan dóttur sinni, Bridget, og eignast barn með Deacon (sem var áður ástfanginn af Amber). Og hefði þar að auki sofið hjá Nick sem er í þann veginn að verða tengdasonur hennar.

Tómas segir við Eric, afa sinn, þó ekki blóðskyldan, að hann hafi áhuga á því að feta í fótspor hans og Ridge, föður síns, og gerast tískuteiknari! Eric er eitthvað hikandi og segir að sumarið sé ekki réttur tími. Tómas er þó ekki alveg tilbúinn til að vera sendisveinn allt sumarið.

Brooke svaf víst hjá Nick daginn eftir að hún hélt að Ridge væri dáinn (já, hann dó víst eða var úrskurðaður látinn) og Brooke hélt á tímabili að Nick ætti RJ, litla barnið sem þau Ridge eiga saman. Ridge og Brooke hlera við dyrnar ... og koma svo inn. Taylor spurði Brooke hvort þetta væri allt saman satt!

Þetta er hinn nýi Rick sem kemur inn í þáttinn á næstu mánuðum eða árum!

Svona er maður nú klár að njósna.  

Athugasemdir

[www.zordis.com, 28.2.2007 kl. 17:59]

Ertu búin að vera heima í allan dag ljúfan, að drepast úr veikindum ... svo heldur fólk að þú drepir og drepir (hehe)  Láttu þér batna ......

[Katrín Snæhólm Baldursdóttir, 28.2.2007 kl. 18:06]

Æ elsku kerlingin mín...láttu þér nú fara að batna. Knús!!!

Þú heldur okkur öllum svo heilbrigðum með því að láta okkur hlægja svona mikið..við verðum öll arfagömul með þessu áframhaldi!

[Guðríður Hrefna Haraldsdóttir, 28.2.2007 kl. 18:10]

Takk, elskan!

[Gerða Kristjáns, 28.2.2007 kl. 18:15]

Farðu vel með þig ljúfan, og láttu þér batna

[Guðríður Hrefna Haraldsdóttir, 28.2.2007 kl. 18:26]

Heheheh, hvað er skvaller? Íris er snillingur í fréttum af fræga fólkinu ... ég er ekki góð í slíku ... ertu eitthvað að dissa mig? Passaðu þig, þú gætir lent í óvæntu slysi í Blogg and the bjútífúl!!! Múaaaahahahah

[Guðríður Hrefna Haraldsdóttir, 28.2.2007 kl. 18:27]

Gerða verður í stóru hlutverki ... fyrst hún er svona mikil dúlla við mig!

[Bragi Einarsson, 28.2.2007 kl. 18:35]

Hm, skondið handrit! Sé ég Skara gullskalla þarna í flokki frumsaminna handrita?
En endilega láttu þér batna, ég hef sloppið við flensuna hingað til (7-9-13 -  bank bank bank) 

[Guðríður Hrefna Haraldsdóttir, 28.2.2007 kl. 18:40]

Ja, ef þetta ... ég meina þegar þetta verður kvikmyndað veit maður aldrei hvað gerist!

[Kleópatra Mjöll Guðmundsdóttir (IP-tala skráð) 28.2.2007 kl. 19:01]

auðvitað verður að koma ofbeldi og kynlíf ert sko alveg með frjálsar hendur með minn karakter ... get alveg höndlað ýmislegt sko :) nema að gera mig feita þá verð ég brjáluð ;)

[Gunna-Polly, 28.2.2007 kl. 19:10]

láttu þér batna

ps pant vera lík sem lifnar við í blogg and the bútífúl  

[Saumakonan, 28.2.2007 kl. 19:21]

"skvaller" er sögusagnir eða kjaftagangur á sænsku hehe     Láttu þér nú batna almennilega og vertu ekki að rjúka neitt út í bráð... þessi flensuskratti er skæður  og það er betra að taka aukadaga undir teppi heima í staðinn fyrir að láta sér slá niður aftur.   Hlakka til að sjá framhaldið af B&B...   nú er maður orðin húkkt! LOL

[Guðný Anna Arnþórsdóttir, 28.2.2007 kl. 21:53]

Góðan bata, kæra kella, mundu engifer og koníak, Kristófer og salmíak.

[Pétur Þór Jónsson, 28.2.2007 kl. 21:59]

Sæl kæra vinkona, vona að þú sért nú að hrista af þér allan krankleika og slappelsi, lét eftir mér í síðustu viku að horfa á BB og svo aftur í dag og ég hef það á tilfinningunni að ég hafi ekki misst af neinu, segi þér seinna hvar ég faldi gimsteininn, smá hint, hann er ekki inn til dala eða upp til fjalla.

Góð hugmynd engifer og koníak.

[Guðríður Hrefna Haraldsdóttir, 28.2.2007 kl. 23:12]

Hæ Pétur minn, já ég ætla að hrista þessi leiðindi af mér! Á hvorki engifer né koníak en það má bæta úr því fyrir helgina. Verst að ég get ekki drukkið koníak. Ég finn eitthvað annað. Hheheheheh