Kjalnesingar loks dekraðir og fleira

Strætóferðin frá Akranesi gekk dásamlega vel. Það var meira að segja búið að hirða upp Kjalnesingana þegar við komum þangað og þótt Skagamenn og Kjalnesingar eigi í blóðugu stríði (um kvenfólk, karlmenn, göngin, sæti í strætó o.fl.) gat ég vel unnt þessum elskum að komast fyrr í vinnuna en vanalega ... nógu oft lentu einhverjir þeirra í því að standa í strætó í gamla daga.  

Ég kom fáeinum sekúndubrotum á eftir Gullu pró í vinnuna en hún bauð þó ekki gott kvöld, hún má eiga það. Það verður tryllt og vitlaust að gera í dag. Samt ætla ég að reyna að ná vagninum heim rétt fyrir kl. 16.  

Nýjasta Vikan kemur út í dag. Hún er mjög fjölbreytt og áhugaverð (eins og venjulega). Á forsíðunni eru mæðginin Hrefna Björk og Nóni Sær en Nóni lifði af bílslys í desember þar sem systir hans, Svandís Þula, lét lífið, Nóni er í hjólastól! Sorglegt en samt fallegt viðtal!

Lífsreynslusagan er djúsí að vanda og viðkomandi fær Vikuna fyrir að hvísla henni að okkur, Endilega hafið samband við ef þið hafið góða, erfiða, fyndna, sorglega sögu til að segja ... nöfnum er alltaf breytt og jafnvel aðstæðum líka í sumum tilfellum.

Jæja, best að fara að vinna! Finna mynd með ljúfu lífsreynslusögunni sem verður í næsta blaði ...

Athugasemdir

[Ólafur fannberg, 1.3.2007 kl. 08:50]

vinna...hvað er það hehehe er i fríi...gangi þér vel..innlitsknús frá

[Kleópatra Mjöll Guðmundsdóttir (IP-tala skráð) 1.3.2007 kl. 09:21]

ætli maður byrji ekki að lesa vikuna .. þar sem maður er orðin svona góð vinkona þín hehe

[kikka (IP-tala skráð) 1.3.2007 kl. 09:49]

Vikan er eina blaðið með viti fyrirgefiði, og hvað er hún aftur búin að koma út í mörg ár 2, 4???  þetta virðulega blað er á 69. árgangi og "still going strong" Æi Gurrí getur þú ekki gert mig að áskrifanda? Er búin að vera að leiðinni að gera það í mörg ár En gleymi því alltaf...

[Gerða Kristjáns, 1.3.2007 kl. 10:37]

Spurning um að fjárfesta í vikunni

[Saumakonan, 1.3.2007 kl. 15:08]

Les alltaf Vikuna þegar ég kemst í hana.... mikið búið að reyna að fá mig til að verða áskrifandi bæði af henni og fleirum þar sem systir mín er víst eitthvað að vinna við þetta en ekkert hefur gengið.nema jú henni tókst að lokka mig til að kaupa Húsfreyjuna.   Kanski það verði Vikan næst.. hvur veit?

[Hugarfluga, 1.3.2007 kl. 16:12]

Nú verð ég að fara að kaupa Vikuna fyrst þú ert með puttana í'enni.  Þ.e.a.s. Vikunni. 

[Pétur Þór Jónsson, 1.3.2007 kl. 16:43]

Þau eru alltaf hræðileg þessi slys, ég man eftir þessu slysi sem þú minnist á og eins og öll önnur foreldri fékk ég tár í augun, vona bara að fjölskyldan nái að lifa með svona áfalli, þar er vissulega erfitt og allar mínar bestu hugsanir eru með þeim.

[bara Maja..., 1.3.2007 kl. 17:35]

Sé það að ég verð að kaupa Vikuna

[Guðríður Hrefna Haraldsdóttir, 1.3.2007 kl. 19:02]

Fimmtudagar eru killer-dagar, maður getur ekki einu sinni notað matartímann í að kíkja á bloggvinina sína ... bara borða, hviss, bang, vinna! En nú skal haldið á rúntinn. Það kemur að sjálfsögðu sápa í kvöld! Ég er að verða háð þessu helvíti líka ... hehehehehehe