Losti, tregi og tunglmyrkvi - 9. þáttur lopasápunnar

3.3.2007 | 19:47

Losti, tregi og tunglmyrkvi - 9. þáttur lopasápunnar

Arna Hildur situr við tölvuna og flissar subbulega. SMS-ið til FBI hafði greinilega komið við kauninn á HB&Co.

Nú myndi Hallur loks endurheimta málverkið sem hann hafði fengið í afmælisgjöf frá Dodda og Katrínu þegar þau voru gift.

Á sama tíma: Gerða horfir lostafullum augum í kringum sig á Kringlukránni. Hvar eru myndarlegu karlarnir sem hún hefur einsett sér að njóta? Þarna kemur Fannberg gangandi, en er ekki einhver glyðra með honum? Jú, þetta er Guðný Anna, sprelllifandi þrátt fyrir sprengjutilræðið. Kvöldið lofar góðu.

Í Kópavogi: „Ég treysti Guðmundi, eiginmanni mínum, þótt hann sé bæði spenntur fyrir Guu og Hugarflugu,“ segir Steingerður en illskuglampinn í augum hennar segir þó allt annað.

Pétur reynir að hugga Gurrí vegna þess að hún missti af Manchester United-leik. Gurrí er óhuggandi en þó afar kynþokkafull í fasi og skyldurækin á svip. Mikilvægara var að sjá dularfullu boðin frá Einari X-Factor-dómara þar sem eitt tár táknaði Haldið áfram en tvö tár Hættið við aðgerðina!

Þau vita ekki að Fannberg treystir á að almyrkvi á tungli skýli Tidda og Kikku þegar þau ráðast til uppgöngu á nýju svalirnar. Þau vita heldur ekki að áætlunin er í uppnámi eftir að Ágúst harðneitaði að sjá til þess að skuggi jarðar færist yfir tunglið kl. 21.30 og almyrkvi verði kl. 22.44 og ljúki 23.57.

Á Akranesi: Halkatla þýtur eftir Skagabrautinni á svörtum sportbíl sem hún stal frá Elenu.

Í framsætinu situr Karólína og daðrar við Dodda í símann. Í aftursætinu eru tvíburarnir, skelfingu lostnir. Hallur gætir þeirra og sér til þess að þeir nái ekki að vekja athygli Braga sem er í bílnum fyrir aftan. Engum er treystandi síðan Kleópatra borðaði næstum eitraða rækjusalatið í boðinu hjá Kela og Agnýju.

Mun auðlindaákvæðið hleypa öllu í bál og brand hjá Saumakonunni? Hvenær fær Svava næst að borða? Getur verið að Sigga reyni að dulbúast sem fangavörður til að nálgast svarið? Er María í Skrúðgarðinum heilinn á bak við allt, ásamt Hólmgeiri harða?

Ekki missa af næsta þætti þar sem næstum allur sannleikurinn kemur í ljós.

Flokkur: Bloggar | Breytt s.d. kl. 19:49 | Facebook

Athugasemdir

Stórkostleg spenna og bara yndislegt, Gurrí! Gott að fá smá daður eftir jafnerfiðan dag ...

Doddi - Þorsteinn G. Jónsson (IP-tala skráð) 3.3.2007 kl. 19:54

alltaf þegar ég er búin að ná þræðinum... þá tapa ég honum aftur!!! ehmm.. ekki beint gott fyrir saumakonu!! ROFL!!!!!!!!!!!!!!

Saumakonan, 3.3.2007 kl. 19:55

Æ, það gerist allt svo hratt í sápuheimum ... þeir sem voru giftir í gær eru farnir að daðra í dag ... vondu orðnir góðir og öfugt! Næstum eins og í venjulega lífinu.

Guðríður Hrefna Haraldsdóttir, 3.3.2007 kl. 19:59

LOL flækjurnar alveg útum allt.....

Gerða Kristjáns, 3.3.2007 kl. 20:47

sönn sápa, flækja á flækju ofan, eins gott að fylgjast vel með

Karolina , 3.3.2007 kl. 21:03

Ég hef löngum grunað Guðmund um græsku og nú er kannski ýmislegt að koma á daginn.

Steingerður Steinarsdóttir, 3.3.2007 kl. 21:07

Ertu ekki forvitin um hvor Guðmundurinn á í hlut? Hehehehhe

Guðríður Hrefna Haraldsdóttir, 3.3.2007 kl. 21:11

..... ekki minnkar spennan. Endar þetta með því að maður þurfi að kaupa sér svört sólgleraugu og lögfræðing. Huumm... er samt ekki minn stíll, en maður verður bara að bíða og sjá hverju fram vindur ... takk sögumaður fyrir skemmtunina