Hættulegt!

Las á mbl.is að 11 manns hafi verið kærðir fyrir of hraðan akustur á Akranesi. Glæsilegt hjá löggunni!!! Ég sat á Skrúðgarðinum, kaffihúsinu góða við Kirkjubraut, á laugardaginn um sexleytið þegar rauður sportbíll keyrði fram hjá á miklum hraða! Svo miklum að ef t.d. ung móðir með barnavagn væri á leið yfir götuna hefði bílstjórinn tæplega getað stoppað bílinn! Vonandi var þessi ökumaður/ökukona ein/n þeirra sem löggan náði!

Skil ekki þessa þörf að gefa allt í botn á aðalgötu bæjarins þar sem umferð gangandi vegfarenda og annarra ökutækja er mest! Við hin horfum ekki aðdáunaraugum á tryllitækið ... það er misskilningur en við gerðum það ef það æki hægar svo að við næðum að sjá það!!! Urrrrr, ég þoli ekki hraðakstur nema í flugvél rétt áður en hún tekst á loft ... það er það skemmtilegasta sem ég veit!  

Fyndið ... einu sinni sótti erfðaprinsinn mig í Háskólabíó á bílnum sínum, þá 17 ára. Hann var ansi rogginn og vildi meina að hann væri skrambi góður bílstjóri. Ég man ekki hvað ég taldi mörg umferðarlagabrot á þessari stuttu leið upp á Hringbraut/Hofsvallagötu þar sem ég bjó þá.

Drengurinn fór m.a. yfir heila línu, hann fór fram úr á gatnamótum, ók á tæplega 50 km/klst þar sem leyfilegt var að aka á 30 (reyndar var þetta um kvöld, engin skólabörn).

Ég uppgötvaði þetta kvöld að það sem 17 ára unglingur telur vera  góðan ökumann er ekki það að fara eftir umferðarlögunum, heldur komast upp með aka eins hratt og hægt er og fara ekki eftir umferðarlögum án þess að löggan nappi viðkomandi eða hann lendi í slysi. Svona eins og í glannamyndunum í bíó, Fast and the Furious!

Erfðaprinsinn hlær að þessu í dag ... en töffaragangurinn var bara svo mikill á þessum tíma ... en ég verð eilíflega þakklát lögreglunni í Kópavogi fyrir að leggja drenginn í einelti (eins og hann kallaði það) og sekta hann miskunnarlaust fyrir hin allra vægustu umferðarlagabrot! Hann lærði mikið á því! Hann hlustaði ekki á nöldrið í móður sinni af því að hún hafði ekki keyrt sjálf svo lengi ... og hafði alla sína visku úr Formúlunni ...

Þetta með Formúluna er hárrétt, ég var búin að steingleyma þessu með óbrotna línu ... þangað til Ralf Schumacher var sektaður svakalega fyrir þetta þegar hann ók út af viðgerðasvæðinu.

 

11 kærðir fyrir hraðakstur á Akranesi

Athugasemdir

[Björg K. Sigurðardóttir, 5.3.2007 kl. 12:01]

Algjörlega sammála þér með að löggan verður að taka hart á svona umferðarbrotum hjá ungum ökumönnum svo þeir læri sína lexíu. Ég hef vit á því að vera ekki með bílpróf þannig að löggan þarf ekki að eyða tíma í að eltast við mig

[Ólafur fannberg, 5.3.2007 kl. 12:17]

best að keyra á 30 á þessum slóðum....

[Saumakonan, 5.3.2007 kl. 13:07]

Það sem kemur við budduna.. það læra menn af er reynslan!   Um að gera að hafa bara andsk.. nógu háar sektir og þá kanski lærir fólk eitthvað!

[Frænkubeib (IP-tala skráð) 5.3.2007 kl. 13:17]

Hjartanlega sammála þér.  Ef þeir keyra of hratt þá nær maður ekki að dást að kerrunni.  Alger misskilningur hjá þessum ungu ökumönnum að keyra svona hratt, og því gott ef löggan fer í eineltisham þegar þeir eru á götunum.

[Birgir Þór Bragason, 5.3.2007 kl. 14:27]

Hvernig væri nú að leggja því lið að þeir sem vilja leika sér á bílum fái að gera það. Það vantar leiksvæði fyrir þetta fólk. Öðruvísi verður þetta ekki fjarlægt af götunum. p.s Guðríður, er í lagi að aka á 50 þar sem má bara aka á 30 ef það er um kvöld? Þú gefur í skyn að það sé í lagi að brjóta reglurnar, stundum.

[Steingerður Steinarsdóttir, 5.3.2007 kl. 14:31]

Mikið ertu alltaf skynsöm elskan mín.

[Guðríður Hrefna Haraldsdóttir, 5.3.2007 kl. 14:44]

Hjartanlega sammála þér, Birgir, það vantar almennilega "hraðbraut" til að leika sér á!!! Þá væri ég örugglega komin á bíl og þetta væri uppáhaldsstaðurinn minn. 

Æi, það mátti misskilja orð mín þannig að það væri í lagi að stráksi æki of hratt ... ég var pínkulítið að reyna að afsaka hann með því að engin börn hefðu verið á ferli ... Mér finnst ekki í lagi að brjóta reglurnar stundum!  Stundum skrifar maður hraðar en maður hugsar ... sorrí!!!

Og já, Steingerður, ég er æði!!! Hehhehe

[Bragi Einarsson, 5.3.2007 kl. 14:47]

Einhvern tímann stakk ég uppá því hér á Blogginu að það ætti gera farartækið upptækt hjá þeim sem stunda svona hraðakstur, við fyrsta brot! Og hana nú!

[Jens Guð, 5.3.2007 kl. 15:15]

Ég hugsa stundum til þess með skelfingu hvernig ökulag var hjá mér 17 - 18 ára.  Þegar kannað var hvað bíllinn komst hratt úti á malarvegum.  Eða þegar farið var í spyrnu á götum borgarinnar.  Eftir að hafa velt bílnum út í móa og slasað farþega var mér skyndilega kippt inn í kaldan veruleikann.

17 ára krakkar hafa ekki þroska til að átta sig á hvað bílar geta verið hættuleg verkfæri.

[Guðríður Hrefna Haraldsdóttir, 5.3.2007 kl. 17:04]

Þú ert greinilega frábær pabbi, Guðmundur! Bílar eru sannarlega hættuleg verkfæri. Mér tókst fyrir rest að sannfæra strákinn um að bíll er bara tæki til að komast frá A til B. Ekki leikfang! 

[Birgir Þór Bragason, 7.3.2007 kl. 14:39]

Það er þetta með leikföngin.