Fiskiflugurækt í himnaríki!

Ég held að það sé útungunarstöð fyrir fiskiflugur á háaloftinu mínu. Spáð var miklu roki í dag og ég lokaði öllum gluggum til öryggis áður en ég fór í vinnuna. Þegar ég kom heim mátti sjá svona risastórt fljúgandi katta-sushi sem Tommi og Kubbur horfa græðgislega á og reyna að veiða til skiptis. Mér sýnist á öllu að Kubbur sigri ... en ég held með fiskiflugunni. Best að reyna að bjarga henni út.

Einu kvikindin sem fyrirfinnast í himnaríki eru fiskiflugur og slíkir aðdáendur. Aðeins ein býfluga slysaðist hingað inn í fyrravor og dó í björgunaraðgerð sem fór úr böndunum en enginn geitungur hefur þorað að láta sjá sig hingað til! Sjúkkkk. Best að setja tóbakshorn (blóm) á svalirnar í sumar en það fælir stinguflugur frá.

Annað galdradæmi gegn köttum: Appelsínubörkur og álpappír fara ógurlega í pirrurnar á kisum, sniðugt að setja t.d. appelsínubörk í sandkassa!!!

P.s. Kubbur sigraði á meðan ég var að skrifa síðustu orðin. Ja, hvort er skárra að lenda í kattarmaga eða drepast úr kulda? Það er spurning.  

Athugasemdir

[Ólafur fannberg, 5.3.2007 kl. 17:32]

hvernig væri að hafa fiskiflugusúpu.....

[Guðríður Hrefna Haraldsdóttir, 5.3.2007 kl. 17:48]

Oj, Ólafur!!! Skammmm!

[Ester Júlía, 5.3.2007 kl. 18:39]

Hahahaha..kattasushi!  Simbi minn slægi nú ekki hend..(loppunni) á móti því !  Elskar að tyggja flugur.   Ég held að stinguflugurnar forðist sjóinn , ég bý við sjó og hér sjást engar stinguflugur á sumrin.  Hef séð hunangsflugu en aldrei geitung.  Hins vegar hef ég aldrei séð eins mikið af geitungum og þegar ég bjó eitt sinn í Hraunbæ..það komu svona tuttugu geitungar inn á dag!! Pant aldrei flytja þangað aftur

[Guðríður Hrefna Haraldsdóttir, 5.3.2007 kl. 18:42]

Heheh, og pant aldrei flytja á Hringbrautina aftur. Það er allt of mikið af gróðri og blómum í Reykjavík ... (eða þannig). Við ættum að rækta skóga fyrir utan bæinn til að þessar dúllur fái dafnað og blómstrað ... geiturngarnir sko!

[Guðríður Hrefna Haraldsdóttir, 5.3.2007 kl. 19:45]

Kannski er miklu meira um flugurnar en ég veit um, mögulega hafa kettirnir innbyrt nokkur stykki áður en ég kem heim, hvað veit maður?

[gua, 5.3.2007 kl. 20:56]

fiskiflugur halda sér yfirleitt nálægt sjó og fiskvinnslu átti heima í fiskiþorpi þar sem moraði allt af fiskiflugum og ruslatunnan af fiskilifrum mér finnst þær verri en geitungarnir  hehehehehe

[bara Maja..., 5.3.2007 kl. 21:32]

Um leið og Brellan mín fór til kattahimna fylltist allt skyndilega af kátum flugum... hmmm  hún var svo góð ryksuga þessi elska

[Guðný Anna Arnþórsdóttir, 5.3.2007 kl. 21:52]

[Sigurður Ásbjörnsson, 6.3.2007 kl. 00:43]

Vorið er komið