Allar sápur dagsins - varúð, langt blogg

Katrín Anna og Ólaf ræða málin og Kleópatra segir Vilborgu að hún telji fullvíst að þegar Steingerður ákveður að velja Hugarflugu muni Anna Björnsson óhjákvæmilega halla sér að Brynju Björgu og hætta við að giftast Sigurði. Guðný Anna segir Kela að fara til fjandans. Hann fer beint til Agnýjar.

Ívar situr og hugsar um síðustu atburði. Getur verið að Sverrir hafi meint það sem hann sagði um Killer Joe og samband hans við Kötlu? Illska Skessu er gríðarleg eftir að hún áttaði sig á því að hún er orðin tengdadóttir dóttur sinnar. Þetta getur reynst Binnu hættulegt. Ekki einu sinni Himnafaðir gæti róað hana núna.

Margrét Annie og Gua sjá léttilega í gegnum orð Eiðs Smára í viðtali hans við spænska fjölmiðla eftir the leik, þær ráða dulmálið og hringja svo í Guðrúnu Ax, þann snilldarheila. Ágúst fylgist með, ögn afbrýðisamur.
„Þegar ÞÚ leikur gegn lélegum liðum er það kannski ekki svo MIKILVÆG t að allir leggi sig eitt hundrað prósent fram, en gegn sterkum liðum er það annað mál. Ef við allir legðum OKKUR eitt hundrað prósent í leikina gæti EKKERT lið SIGRA(R)ð okkur.“

„Þú mikilvæg, okkur ekkert sigrar.“ Það líður ekki yfir Guðrúnu, innst inni átti hún átti von á þessum hjartnæmu boðum frá manni sem gæti verið afi hennar og hún hafði hingað til aðeins litið á sem dótakarl ... í sjónvarpinu.

Eineggja tvíburarnir, Gurrí og Gurrý, eru óaðskiljanlegar eftir endurfundina. Þeim finnst fyndið hvað margt er sameiginlegt með þeim á fullorðinsárum, önnur býr í Amman, hin á Akranesi, önnur er Gift, hin Gremjulega fráskilin en báðar eru enn ógeðslega fallegar.
Þær voru aðskildar eftir að þær prýddu forsíðu fermingarbæklings Kringlunnar um árið og allt varð vitlaust. Doddi er samt að springa úr stolti yfir dætrunum. Enginn hefur þó þorað að bjóða honum í fermingarveislu í yfir 20 ár.

Fúlmennskan skín af Brynju Björk þegar hún birtist í brúðkaupi Steinu og Tidda. Saumakonan sífulla hefur undirbúið brúðkaupsveisluna af miklum þokka en gleymir að gera ráð fyrir fíkn Ingibjargar í sardínur. Hallur góði kemur eins og kallaður með nokkrar tunnur. Hvað gerir hann ekki fyrir femínista?

 

 

 

Hvað verður um Hrönn og hraðbátinn þegar Halldór segist elska Auði? Mun Jenný hætta að ruglast á Elenu og Helgu Völu áður en allt springur í loft upp? Kemst Guðmundur að því að Arna Hildur sviðsetti eigið mannrán eftir að Maja bar vitni í Baugsmálinu? Hvernig tengist Forrester-tískuhúsið Katrínu ríku?   

-   -   -   -   - 0   -   -   -   -   -   -      -   0  -   -   -   -   -   -  0  -   -   -   -   -   -

Bold:
Nick og Brooke ræða málin og Stefanía segir Bridget að hún telji fullvíst að þegar Ridge ákveður að velja Taylor muni Brooke óhjákvæmilega halla sér að Nick og hætta við að giftast henni. Bridget segir Stefaníu að fara til fjandans.  

The Granns (fyrir Maríu í Skrúðgarðinum):
Vondi þríburinn falsaði inn á símsvarann sinn ástarjátningu frá Izzie til sjálfs sín, leyfði föður sínum að heyra og hann fleygði Izzie út, akkúrat daginn sem hún uppgötvaði að hún elskaði hann (Paul Robinson (ekki markmann)). Karl læknir er farinn að deita stjórnmálakonu með skrýtinn húmor. Timmins-fólkið er alltaf í stuði; Bree veit að hún er ekki blóðdóttir foreldra sinna en vill samt ekki finna þá réttu. Foreldrarnir eru að fara að gifta sig.
Carmela er orðin nunna og svo einstaklega heppilega vill til að hún hjúkrar góða þríburanum sem liggur í kóma  ... það hlýtur því að styttast í að komist upp um ógeðið bróður hans. Vondi þríburinn er farinn að vera með eldri stjúpdóttur Susan, hjúkkunni sem tók að sér yngri systkini sín þegar seinni eiginmaður Susan dó skyndilega. Timmins-pabbinn hefur selt sjóræningjaútgáfur af myndum til að fjármagna brúðkaupið og viðurkennir það fyrir “konunni” sinni. Dylan, eldri sonurinn, er kominn á kaf í þetta og foreldrarnir óttast að hann náist! Carmela fer á djammið með gamla kærastanum, Connor, hún er ekki orðin alvörununna enn. Þau kyssast en finna ekki gamla neistann.   

Athugasemdir

[Kristín Katla Árnadóttir, 8.3.2007 kl. 21:21]

Jæja er Katla bara komin í sápu óperuna

[Doddi - Þorsteinn G. Jónsson (IP-tala skráð) 8.3.2007 kl. 21:21]

Þú ert svo yndislegust, Gurrí! Frábær sápa - algjört æði.

Ha, Doddi??!!!? Ertu að lesa bloggið hennar Gurríjar í vinnunni??

- Já, og fíla það í tætlur.

 Tí hí hí...

[Heiða B. Heiðars, 8.3.2007 kl. 21:24]

...

[bara Maja..., 8.3.2007 kl. 21:29]

Spennan magnast í lopasápunni um fallega bloggfólkið...  

[Ólafur fannberg, 8.3.2007 kl. 22:06]

[Gerða Kristjáns, 8.3.2007 kl. 22:16]

 Snilld eins og ávallt

[ása (IP-tala skráð) 8.3.2007 kl. 22:59]

haltu þig við strætóinn og tilveruna það er skárra en þetta sápu djönk

[Guðríður Hrefna Haraldsdóttir, 8.3.2007 kl. 23:18]

Þú hefur greinilega misst af viðvöruninni efst um að þetta væri löng færsla, Ása mín!

[Saumakonan, 8.3.2007 kl. 23:21]

SKAMM!!!!   og ég sem VAR að þrífa tölvuborðið mitt! nú er það OG lyklaborðið allt í kókfrussi!!!!  ROOOFFFLLLLL.. !!!!!   Saumakonan sífulla????? SNILLD!!!   (kallinum dauðbrá þegar ég allt í einu frussaði kók yfir allt og veinaði úr hlátri við tölvuna!) 

[Guðríður Hrefna Haraldsdóttir, 8.3.2007 kl. 23:27]

Úps, saumakonan sífulla MEÐ KÓK?

[Katrín Snæhólm Baldursdóttir, 9.3.2007 kl. 01:08]

ÁsaPjása....bæði er gott í bland.

[TIDDI (IP-tala skráð) 9.3.2007 kl. 07:13]

hahaha, las einmitt 2svar yfir þessa setningu, sagt að fara til fjandans og endar hjá henni. 

Snilld as always....

[Hrönn Sigurðardóttir, 9.3.2007 kl. 19:56]

ó mæ ó mæ er ég orðin persóna í löðri? Á hraðbát? Ég get sko sagt þér það að ég stíma á fullri ferð einn hring í kringum baujuna ef Halldór ætlar að elska Auði

tíhí