Verð að benda á þessa færslu ...

Ég las blogg eftir Kristján Logason ljósmyndara nú í kvöld þar sem hann tjáir sig um Smáralindarbrjálæðið. Fínt að mesta fárinu er lokið því að þá er pláss fyrir eitthvað vitrænt.

Endilega kíkið á færsluna hans Kristjáns ... hún er hans fyrsta og ég er skíthrædd um að hún týnist í bloggheimum ef enginn bendir á hana.

http://stjaniloga.blog.is/blog/stjaniloga/#entry-145187

 

 

Fann ekki Smáralindarforsíðuna ... stal þessarri af síðunni hans Denna ... en spænsk yfirvöld hafa heilmargt við þessa auglýsingu að athuga!

Athugasemdir

[Jenný Anna Baldursdóttir, 13.3.2007 kl. 01:38]

Ég hef líka heilmargt við þessa auglýsingu að athuga.  Þarna er klárlega verið að kyngera amk. aðra telpuna, þessa sem er í brjóstahaldara og ber að ofan aöl. Þetta gerir mig reiða

[Agný, 13.3.2007 kl. 03:05]

Flottar ljósmyndir á síðu Kristjáns.... á eftir að skoða hana oftar fyrst að ég er eitthvað að smella af sjálf.. Góða nótt knús og kvitt fyrir öll þín skemmtilegu skrif   þú ert alveg frábær penni.. ´Því miður kemst ekki orðið yfir að kvitta hjá öllum ..maður verður líklega að ráða einkaritara í það jobb..ef vel ætti að vera.... 

[Steinunn Helga Sigurðardóttir, 13.3.2007 kl. 06:54]

kveðja frá lejre !

Steina 

[Ólafur fannberg, 13.3.2007 kl. 08:02]

kvitt

[www.zordis.com, 13.3.2007 kl. 08:40]

Blygðunarkennd fólks er greinilega mismunandi.  Mér finnst myndin hér að ofan mjög falleg en þarf svo sem ekki að vera hissa miðað við margt sem fólk er að skrattast yfir.  Þessi eilífða flokkun er fyndin! 

[Eydís Rós Eyglóardóttir, 13.3.2007 kl. 10:55]

Myndin á Smáralindarbæklingnum kemst ekki með tærnar þar sem þessi er með hælana... Miklu verri stílistinn sem vann þessa mynd en sá sem hafði Línu Langsokk í huga fyrir Smáralindarbæklinginn.

[Kristín Katla Árnadóttir, 13.3.2007 kl. 11:18]

kvitt

[Guðríður Hrefna Haraldsdóttir, 13.3.2007 kl. 12:12]

Við erum orðin svo blind fyrir öllu svona ...  alla vega ég. Mér fannst gaman að sjá sjónarhorn ljósmyndarans. Ekki hefði ég séð neitt athugavert við Smáralindarmyndina ... fötin kannski svolítið gæruleg en það er jú tískan. Guðbjörg Kolbeins horfði á myndina eins og fagmaður og þar sem hún hefur án efa séð milljón klámmyndir í námi sínu sá hún strax eitthvað sem ekkert okkar hinna gerði. Ég var búin að gleyma klámmyndunum um Línu langsokk og get ímyndað mér að Astrid Lindgren hafi snúið sér við í gröfinni.

Ég áskil mér þó rétt til að vera í sexí bikiní niðri á Langasandi í sumar án þess að nokkur skammist út í mig ... nema þá helst umhverfisráðuneytið. Hehhehehe! Skárra væri það nú, rígfullorðin skvísan!

[Hugarfluga, 13.3.2007 kl. 12:23]

Því miður finnst mér að margir þeir sem hæst halda upp vörnum fyrir ungar stúlkur og kvenþjóðina almennt, séu farnir að skaða málstaðinn frekar en að styrkja hann. Að kyngera alla mögulega hluti og sjá klám handan við hvert horn finnst mér bara sjúkt. Vissulega ber að vera á varðbergi, en þetta má ekki verða svo, að þegar raunverulega ástæða er til aðgerða séu allir hættir að hlusta.

[Guðríður Hrefna Haraldsdóttir, 13.3.2007 kl. 12:27]

Við eigum að vera á varðbergi, alveg sammála ... öll lætin á báða bóga verða einmitt til þess að aðalatriðið gleymist!

[Jenný Anna Baldursdóttir, 13.3.2007 kl. 13:58]

Mér dettur ekki í hug að ber hinn nokkurnveginn sárasaklausa Smáralindarbækling við þessa telpumynd.  Mér finnst ekki fallegt að klæða lítil börn eins og fullorðið fólk. Tel mig ekki þurfa að taka til í höfðinu á mér vegna þessa.

Auðvitað verðum við að vera á varðbergi.  Ef fólk er það ekki eykur maður þolþröskuldinn og hættir að taka eftir því sem stingur í augu.