Tveir kettlingar og "hefnd" strætisvagnafarþegans

Mikið var ég tryllingslega heppin. Tveir litlir kettlingar eiga heima þar sem ég tók viðtalið áðan. Strætó stoppaði svo við húsið og ég ákvað bara að taka hringinn með honum á leið heim, fínar dömur labba ekki langar leiðir í roki og rigningu. Hoppaði þó út við Skrúðgarðinn og keypti cappuccino og súkkulaðistykki fyrir ljúfa innanbæjarbílstjórann. Rétt svo náði honum uppi á horni sjö mínútum síðar.
Ef ég sofna ekki í kvöld veit ég að það er óverdós af kaffi að kenna.

Vissi að það yrðu ekki allir sammála mér með Evróvisjónlagið ... það verður bara að hafa það en ég hefndi mín með því að kalla þessar tvær sem mótmæltu kynþokkahatara. Ef lagið verður rokkað meira upp hugsa einhverjir með sér að það gangi ekki að láta rokklag sigra tvö ár í röð. Eða hvað? Þessi keppni er svo óútreiknanleg. Við höfum sent sannkölluð sigurlög í keppnina ár eftir ár og oftast gengið illa.

Brooke og Taylor keppa enn um hylli hönksins í boldinu. Hvor um sig fékk einkaviðtalstíma hjá honum í þættinum áðan þar sem þær lýstu ást sinni til hans og ástæðu þess að hann ætti að velja þær. Munur að vera svona eftirsóttur. Ætla að prófa að vera með svona viðtalstíma í Skrúðgarðinum á mánudögum milli 17 og 18. Skyldi einhver sætur karl mæta? Það væri nú gaman. Ef hönkið velur ljóshærðu konuna, Brooke, mun ég velja dökkhærða manninn og öfugt. Held að dökkhærðir menn um allt land þurfi að fara að pússa brúðkaupsskóna. Ja, hvað sagði aftur Anna frænka, miðillinn sem sá í gegnum holt og hæðir, ... tilvonandi minn verður víst ljóshærður og með ættarnafn.

Þar fór í verra. Jude Law er alls ekki mín týpa!     

Athugasemdir

[Kleópatra Mjöll Guðmundsdóttir (IP-tala skráð) 13.3.2007 kl. 18:26]

Jude Law er svona augnakonfekt en einhvern veginn alltof kvenlegur til að verða eitthvað meira .. eða það finnst mér... leggjum höfuðið í bleyti og finnum einhvern hönk sem er alvöru karlmaður og með flott ættarnafn ....

[Guðríður Hrefna Haraldsdóttir, 13.3.2007 kl. 18:40]

Ég vil nú helst einhvern íslenskan, ég er sko enginn kynþokkahatari eins og sumar skvísur hér á blogginu sem dissuðu myndbandið með Eiríki Haukssyni.

[Eydís Rós Eyglóardóttir, 13.3.2007 kl. 19:12]

Clooney slær Jude við, spurning hvort að hann sé fánlegur til að breita um háralit.

[Guðríður Hrefna Haraldsdóttir, 13.3.2007 kl. 19:16]

Goggi er líka nær mér í aldri en Jude, held ég. Brad Pitt er nú ljóshærður en hann er á föstu.

[Margrét Annie Guðbergsdóttir, 13.3.2007 kl. 21:27]

Líst ekki á Judda, er fekar Georgie girl, mér líst samt vel á Eirík í Euróvisjón. Viss um að við komumst langt þetta árið, finn það á mér. Ég verð illa svikinn ef það rætist ekki.

[Guðríður Hrefna Haraldsdóttir, 13.3.2007 kl. 22:01]

æ ... hallast bara að þessum íslensku eftir að ég sá myndbandið með Eiríki ... vil frekar einn alvörunni en einhvern úr glyskenndum gerviheimi. Þarf þó að hugsa þetta betur ef mér byðist nú Goggi karlinn. Hann hefði gott af því að búa á Skaganum og vinna í Járnblendinu eða sem strætóbílstjóri!  

[bara Maja..., 13.3.2007 kl. 22:02]

Ætli ég sé ein um að hafa ekki séð myndbandið með Eika bleika,,, verð bara að fara að skoða það til að vera viðræðuhæf á bloggheimum

[Vilborg Valgarðsdóttir, 13.3.2007 kl. 22:23]

Ég verð að játa að ég hef heldur ekki séð umrætt myndband, sofnaði áður en Kastljósið var endursýnt í gærkvöldi. En ég hef það eftir MJÖG áræðanlegum heimildum að það er EKKI búið að lita hárið á okkar manni, það var birtan eða birtuleysið sem fór svona með rauða litinn.

Gurrí, ekki hugsa tvisvar um gaura eins og þennan sykurpúða (Judda). Hann mun víst vera heldur fjölþreyfinn fyrir svona penar eins-manns konur . Svo er mér sagt að um leið og maður hættir að hugsa um að mann vanti mann - þá komi einmitt einhver sem smellpassar í hlutverkið sem maður var búin að gleyma að vantaði í!!

[Guðríður Hrefna Haraldsdóttir, 13.3.2007 kl. 22:30]

Þetta er nú meira bara í nösunum á mér. Ég sárvorkenni þeim vesalings manni sem myndi  reyna að fara á fjörurnar við mig ... í alvöru. Það yrði strembið verkefni! Heheheh! Bloggvinirnir og kettirnir eru eins og besti eiginmaður!  

[www.zordis.com, 13.3.2007 kl. 22:48]

Að þeim degi sem hann birtist með selshreifa í munni og kastar sér skeljarnar ... með dobíu af ullar treflum sem móðir hans hannar og selur í kolaportinu um helgar!  Mæ, God þvílíkt hönk!  Þú kemur til með að ganga í uppbrettum sokkum með heimaprjónaða glæsitrefla .............

[Guðríður Hrefna Haraldsdóttir, 13.3.2007 kl. 23:12]

Zordís, ertu nokkuð spákona? Ég er svolítið veik fyrir treflum en þetta er kannski tú möts ...

Guðmundur, ef ég vaki mikið lengur þá vaki ég með þér ef þú vakir mikið lengur ... skilurðu þetta, heillin mín? Hehehhe, varla ég!  

[Gerða Kristjáns, 13.3.2007 kl. 23:13]

Ég fer nú bara að verða mesta lumman af öllum hérna í bloggheimum.....ég drekk ekki kaffi (er hægt að fá heitt súkkulaði þarna í Skrúðgarðinum?), hef ekki séð eitt einasta lag af þessu Eurovision dóti og finn aldrei neitt sniðugt, töff og kúl til að kommenta með.......ég þarf að fara að dusta af sönglagabókinni og syngja fyrir þig eins og Guðmundur

[Guðríður Hrefna Haraldsdóttir, 13.3.2007 kl. 23:18]

Þú ert sko engin lumma ... og já, það er hægt að fá heitt súkkulaði með rjóma! Hlakka til að hugsa um þig syngja fyrir mig. FLott að fá dúett með ykkur Guðmundi!

[Doddi - Þorsteinn G. Jónsson (IP-tala skráð) 14.3.2007 kl. 01:32]

Þú lætur vita ef eitthvað kemur út úr þessum viðtalstímum hjá þér. Það er alltaf gott að kunna ýmsa hluti og kunna ýmsar leiðir - og ef árangurinn verður jákvæður ... þá er um að gera að dreifa gleðinni og láta aðra vita...

[Agný, 14.3.2007 kl. 01:33]

Alltaf jafn skemmtilegt að lesa skrifin þín en svei mér þá ég held ég ætti að fara að lesa þau á morgnana en ekki miðjar nætur... ...maður getur nú æsts upp við að lesa skrif um svona mikið af föngulegum karldýrum.....kanski minn karl fái bara að njóta góðs af því.

[Hrönn Sigurðardóttir, 14.3.2007 kl. 11:49]

...var að horfa á myndbandið með Eiríki, skil ekki alveg hvað er málið, það eru engir litir í því af hverju ætti hárið á honum að vera rautt þegar engir litir eru í umhverfinu heldur?

Svo er Eiríkur ALLTAF flottur, svakalega flottur, myndi skipta Georg út fyrir Eirík

[Jenný Anna Baldursdóttir, 14.3.2007 kl. 11:52]

Woman you make my day.  Í orðsins örgustu.

Gurrí ætli við séum skyldar? Sá þig skrifa um "hertahandavinnupokaheilkennið". Sá frasi hefur reyndar fengið vængi. Eftir miðja síðustu öld í handavinnupokaskyldunáminu tók 13 ára systir mín, illa haldin af gelgju að kalla pabba þetta. Maðurinn átti það til að læsa veskinu sínu og henda lyklinum.  Enda sjö ungar konur í mikilli fjárþörf á ferðinni.

[Guðríður Hrefna Haraldsdóttir, 14.3.2007 kl. 12:24]

Heheheh, Jenný ... ég sá fyrir mér svona herptan handavinnupoka ... sem líkist munnsvipnum á fólki sem er soldið leiðinlegt ... með fullri virðingu fyrir handavinnupokum. hehehehhe! Sjö ungar konur!!! VÁ, VÁ, VÁ!!! Heppin!