Fermingarstress og gagnlegur pilsner í vetrarríki!

Ansi vetrarlegt í dag og allir héldu að vorið væri að koma. Sannkallað vetrarríki var á Kjalarnesinu á heimleið og gekk á með éljum. Fékk aftur far með Ástu sem er að fríka út yfir fermingunni.

Komumst að því okkur til mikils svekkelsis (ég er svo meðvirk) að ekki fæst súkkulaðiskraut á kransakökur í Mosfellsbakaríi ... að öðru leyti fullkomið bakarí!!!  

Ég spurði eins og asni: „Ertu ekki ánægð að þetta skuli vera síðasta fermingarbarnið þitt?“ Ásta urraði, gelti og sagði svo: „Spurðu mig á sunnudagskvöldið!“ Svo hló hún geðveikislega.

Ég ákvað að róa hana niður og dró hana inn á Skrúðgarðinn ... ekki til að fá kaffi, heldur pilsner! Eftir hálfan var hún farin að slaka á og fann fyrir gífurlegri þreytu ... 

Á heimleið eftir pilsnerinn ókum við Vesturgötuna og þar var því miður lítið brim í dag.

Þarf greinilega að fara að ganga með myndavélina.

Smellti þó af einni mynd af staðnum þar sem ég stalst inn á lóðina í gær. Rosalega hefði það orðið flott mynd þá ...

Koma veður, kemur brim.

Hægt að klikka á myndirnar til að stækka og klikka aftur til að stækka enn meira ...  

Athugasemdir

[Katrín Snæhólm Baldursdóttir, 15.3.2007 kl. 18:31]

Afsakið..en var það ekki örugglega hér á þessari síðu hjá Gurrísem var uppskrift af kjúlla sætum kartöflum fetaosti og spínati? Er með allt hráefnið tilbúið en man ekki hvernig maður átti að gera og finn þetta ekki aftur??? Hjálp!!!

Já voða fínar myndir sem ég skoða betur meðan ég bíð.

[Inga Lára (IP-tala skráð) 15.3.2007 kl. 18:34]

<>Gurrí mín. Svo væri gaman ef þú gætir verið svolítið móðins og tekið sjálfsmynd með annarri (Einari) hendi. Það er víst í tísku. Annars bið ég bara að heilsa þér. Þú ert frábær, eins og alltaf (e. like always). Jiii, ég er svo fyndin!

Kv, Inga kLára (og grínið heldur áfram) 

[Guðríður Hrefna Haraldsdóttir, 15.3.2007 kl. 18:40]

Frú Katrín ríka! Uppskriftin ætti að vera komin í athugasemdadálkinn á síðunni þinni.

Hæ, elsku Inga Lára! Til hamingju með litlu frænku!

[Heiða B. Heiðars, 15.3.2007 kl. 18:49]

Ehm... sjá sem sagt allir myndir nema ég?

Gurrí mín.. viltu kíkja í heimsókn til mín og gera eins og ég segi þér Smá herferð í gangi á minni síðu sko og ég vil fá þig með í hana

[Guðríður Hrefna Haraldsdóttir, 15.3.2007 kl. 18:56]

OK, ég var á leiðinni í að kíkka á öll krúttin mín ... skal byrja hjá þér!!!

[Jenný Anna Baldursdóttir, 15.3.2007 kl. 20:01]

Komstu til mín? Ég sá þig ekki

[Gunna-Polly, 15.3.2007 kl. 21:18]

hey ég sá amber í smáralind í dag hún var að kaupa nammi

[Kristín Katla Árnadóttir, 15.3.2007 kl. 21:24]

Mikið skil ég vinkonu þína, það var ferming hjá mér í fyrra ég var svo hryllilega stressuð samt er ég er búinn að ferma 3 dætur enn það var langt síðan.

[Guðríður Hrefna Haraldsdóttir, 15.3.2007 kl. 22:13]

... takk Elena! 

[www.zordis.com, 15.3.2007 kl. 22:18]

Ég ætlaði einmitt að spyrja hvort þú værir alltaf með myndavélina á þér   Ég er oftast með mína!  Á meðan að hitinn lifnar við kólnar hjá þér.  Ég er bín að ferma mína dúllu og á að ferma drenginn e. 2 eða 3 ár!  Var ekkert stressuð og var í bleikri drakt .............. Ekki að grínast!  Verð að blogga um bleiku draktina

[Guðríður Hrefna Haraldsdóttir, 15.3.2007 kl. 22:27]

Já, hahahah, bloggaðu um bleiku dragtina ... hlakka til, elskan. Hefði ég verið með myndavélina á mér í gær ... vá, vá, vá!!! Sjórinn var stokkbólginn og alveg trylltur. Mér er sagt að afi minn heitinn frá Flatey á Skjálfanda (Jónas) hafi verið svona sjúkur í brim eins og við Hilda systir ... og við afi eigum það sameiginlegt líka að fúlsa við hnetum, möndlum, döðlum og rúsínum! Hugsa sér, þetta var sælgætið í eldgamla daga!

[Hugarfluga, 15.3.2007 kl. 22:50]

Algjör snilld hvernig þú tekur myndir af hinu og þessu sem fyrir augu þín ber frá degi til dags. Gerir frásagnir þínar svo lifandi! 

[Guðríður Hrefna Haraldsdóttir, 15.3.2007 kl. 22:57]

Ég gúggla nú líka helling ... hef t.d. ekki komist í færi við Madonnu til að mynda hana ... en bíði hún bara! 

[Doddi - Þorsteinn G. Jónsson (IP-tala skráð) 16.3.2007 kl. 01:39]

Vá, ég var að koma úr miðnæturgöngu núna áðan (tja... klukkan var orðin rúmlega eitt) og það var yndislegt veður. Að sjá Kjalarnesið var svolítið scary ... en samt svolítið heillandi. Er ég skrítinn?

[Steinunn Helga Sigurðardóttir, 16.3.2007 kl. 06:41]

Myndirnar eru Ísland um vetur fyrir mér, man þetta svo vel. Er hérna í yndislegu vori ! Er bara ánægð með það. 

Ljós frá Lejre

Steina 

[Guðríður Hrefna Haraldsdóttir, 16.3.2007 kl. 07:50]

Þú ert sko ekki klikkaður Doddi ... Hver árstíð hefur sína töfra og það var mjög ljúft að keyra í gegnum Kjalarnesið í gær, eins og venjulega.

Steina ... það er víst vor um alla Evrópu. Skil ekki hvernig þeim dettur í hug að bjóða okkur inngöngu í Evrópusambandið. Við eigum heima með Ísfólkinu! heheheh

[Hrönn Sigurðardóttir, 16.3.2007 kl. 13:54]

vohó hvað þetta er flott rólustæði! Getur maður hoppað beint út í sjó? Enginn smá forréttindi að róla sér þarna!

Viltu koma að leika?

tíhí

[Guðríður Hrefna Haraldsdóttir, 16.3.2007 kl. 13:58]

Ég skal koma að leika ... held því miður að ekki sé hægt að hoppa út í sjó frá rólunni, svolítið blekkjandi. Tók myndina frá götunni, Ásta var á hraðferð ... hún er að fara að ferma, eins og komið hefur fram nokkrum sinnum