Silfur Guðríðar, uppteknir tvíburar og syfja ...

Finn syfjuna læðast að mér ... en ætla ekki að láta undan og sofna í vinnunni. Ég sit á góðum stað og sé yfir allt ... og allir geta séð mig. Mikið væri æðislegt að eiga gleraugu með ámáluðum augum þannig að samstarfsfólkið héldi að ég væri glaðvakandi að leysa eitthvert vandamál innan kjarneðlisfræðinnar. Kláraði að lesa bók í gærkvöldi til að geta skilað umsögn um hana í morgun. Hún heitir Ósýnilegir glæpir og er voða fín, alveg þess virði að lesa fram á nótt.   

Hilda systir heldur að tvíburarnir verði ekki heima á morgun ... að þeir þurfi að heimsækja afa og ömmu eftir hádegið, nákvæmlega á þeirri stundu sem ég var búin að boða komu mína. Held að föðurnum sé illa við mig án þess að þekkja mig ... eða trúir því ekki að mér sé batnað eftir kvefdrusluna. Eitthvað Kringlukast er líka í startholum hjá móðurinni ... æ, held að ég fari bara heim í kvöld í stað þess að gista. Ég hlýt að ná að hitta krúttin fyrir fermingu, alla vega í veislunni þegar ég kem með gjafirnar! Myndir segja líka meira en mörg knús ... 

Við Vikudömur förum út að borða í kvöld, voða fínt á Silfrið á Hótel Borg, og ég er eins og umrenningur til fara ... svona næstum því.

Hélt að við ætluðum á kósí stað eins og Grillvagn Guðríðar eða Pylsuhús Pálínu en fékk þessar fréttir í morgun að Silfrið yrði fyrir valinu.

Ég er hrein, fötin hrein ... snyrtimennskan í fyrirrúmi en það er ekki nóg. Hefði ég vitað þetta í gær hefði ég farið í stífa megrun, galaklippingu, innkaupaferð til Amsterdam, ræktað japanskt dvergtré, lesið Flugdrekahlauparann og margt, margt fleira.

Vona að ég verði ekki í því að hella vatni í glösin hjá gestunum ... nei, ég er ekki einu sinni nógu fín fyrir það. Heheheheh! Só vott ... á meðan hugarfarið er hreint, sakleysið uppmálað, fegurðin kemur innan frá og ekki allt gull sem glóir þá er allt í lagi.  

Ætlaði að gista hjá Hildu eftir "útaðborðaáHótelBorg" og hlakkaði til að gera allt vitlaust í stigaganginum hjá henni, berja á dyrnar hjá grönnunum og þykjast vera Hilda alveg á rassgatinu! Múahahahahah! Finnst líka óþægilegt að skilja saklausa og viðkvæma kettina eftir eina heima yfir nótt þótt allt sé flæðandi af kattamat og hreinu vatni í himnaríki!  

Æ, heima er best og ég þarf yfirleitt að pína mig til að fara EKKI beint heim úr vinnunni! Ef ég get hætt snemma í dag, kannski um kl. 17 eða fyrr, ætla ég til elsku Davíðs frænda á Barnaspítalann, get kannski gert allt vitlaust þar ef frétti að Davíð sé ekki kysstur stanslaust á bágtið!

Athugasemdir

[Ólafur fannberg, 16.3.2007 kl. 15:24]

innlitskveðja

[Hrönn Sigurðardóttir, 16.3.2007 kl. 15:32]

ég fann upp alveg nýja týpu af gleraugum.... svokölluð skjáhvíligleraugu, þau eru þannig að ef maður er ekki einbeittur að íhuga eitthvað svakalega gáfulegt, eða vinnutengt - má vera bæði  þá detta þau öll út í svona fiðrildum sem svífa fram og tilbaka.....

...en þig vantar kannski ekki svoleiðis?

[Ragnar Bjarnason, 16.3.2007 kl. 15:39]

Gaman að lesa, innlitskvitt.

[Guðríður Hrefna Haraldsdóttir, 16.3.2007 kl. 15:45]

Mig myndi vanta sko ... svona gleraugu þar sem utan frá virðist ég mjög einbeitt  ... en svo stökkvi rollur yfir grindverk innan frá svo að ég sofni örugglega!!!

[Klara Nótt Egilson, 16.3.2007 kl. 16:57]

omg hahahaaha þú ert óborganleg fröken Guðríður *lol*

[Guðríður Hrefna Haraldsdóttir, 16.3.2007 kl. 16:58]

Já ... hann!  (Hvað gaur er þetta annars?)

Hmmm, líka Halldóra Geirharðsdóttir, Thor Vilhjálmsson, Baldvin Jónsson, Mark Knofler ...

[Heiða B. Heiðars, 16.3.2007 kl. 17:36]

Mark Knofler!! Djö... yrði hann ánægður með að heyra þetta

[Jenný Anna Baldursdóttir, 16.3.2007 kl. 18:44]

Bon apitit

[Steingerður Steinarsdóttir, 16.3.2007 kl. 18:51]

Verði ykkur að góðu Vikustelpur. Ég var að koma til landsins aftur í gær. Hlakka til að heyra frá þér.

[Sigríður Jósefsdóttir, 16.3.2007 kl. 19:33]

Afi líka, var fæddur 12. ágúst 1906, dó á afmælisdaginn minn þann 9. maí 1982.  Blessuð sé minning hans.

[Hugarfluga, 16.3.2007 kl. 19:52]

Úúúú Silfrið! Á maður núna að fara að kalla þig Posh, segja "daaaahling" þegar maður heilsar þér og "túrilú" þegar maður kveður þig?

[www.zordis.com, 16.3.2007 kl. 20:24]

Bara uppreisnarhugur í frjokunni!  Ég skellti upp úr og brosti til skiptis!  Góða skemmtun og ljúfan snæðing með Vikustúlkum!

[Anna Ólafsdóttir Björnsson, 17.3.2007 kl. 01:13]

Þegar ég sá fyrirsögina var ég þegar komin með samsæriskenningu um að Egill væri hættur með Silfrið og þú tekin við. Not. En ef svo hefði verið þá hefði ég alla vega lagt til að þinn þáttur héti Gull Guðríðar! Taktu það til athugunar. En alla vega þá finnst mér ég finna til ákveðinnar tvíburakenndar núna, þar sem við höfum báðar staðið í fataveseni í dag, sé ég. Fluginu mínu heim seinkaði í dag, þannig að í stað þess að ég færi heim beint úr fluginu og skveraði mig upp í flott föt fyrir Loftorkuafmælið kl. 17 (45 ára afmæli verktakafyrirtækis er ekkert smá afrek!) þá varð ég að róta í huganum í ferðatöskunni sem var komin í einhverja ferðatöskuhít á Stansted og komst að þeirri niðurstöðu að þar leyndust skammlausir skór og nothæfur grár jakki. Sígildu svörtu buxurnar mínar ganga með öllu (eða alla vega tel ég mér trú um það) en mig sárvantaði topp. Ég gat valið um hreinan stuttermabol (sem ég var í í dag) með einhverju ,,tribal" mynstr, sem passaði ekki baun við restina, eða sveittan svartan topp og ég bjóst ekki við að í farangursgeymslu flugvélarinnar væri þvottaþjónusta. En hvað gerir maður þegar tafir verða á flugvelli, fiktar má í tölvunni og VERSLAR. Og ég fann þennan fína topp í French Conncetion á Stansted og mætti í litskrúðuri fiðrildablússu í Loftorkuafmælið á nokkurn veginn réttum tíma, með því að sleppa því að fara heim í millitíð. Úti í bíl beið litla ferðataskan mín þolinmóð og ég skemmti mér rosalega vel, enda flott afmæli. Kannski hendi ég nokkrum myndum inn á annað hvort bloggið mitt.

[Adda bloggar, 17.3.2007 kl. 10:27]

Góða helgi og hafðu það sem allra best

[Guðríður Hrefna Haraldsdóttir, 17.3.2007 kl. 11:13]

Anna, til er ég taka við Silfrinu ... ég myndi alveg leyfa körlum að koma þangað í viðtöl, múaahhahah, hlakka til að fá ferðasöguna og þú ert snilldarreddari!

Ferðasaga mín kemur seinnipartinn eða í kvöld ... ég stalst í tölvu, heyri fótatak ... arggggggggggggg

[Guðmundur G. Hreiðarsson (IP-tala skráð) 17.3.2007 kl. 17:43]

12. ágúst fékk líka Isaac Singer líka einkaleyfi á saumamaskínunni sinni - Múahahahahaha...