Stórir kassar á sjávarbakka ...

Hitti bloggvinkonu af gamla blogginu í Skrúðgarðinum áðan, hana Guðrúnu Völu. Hún býr í Borgarnesi en er samt ágæt, svipað og Keli og Agný, þau eru nú aldeilis fín!

Við úðuðum í okkur kaffi og tertum, allt fyrir línurnar, en samkvæmt Heitu og Köldu í Vikunni er ekki lengur kúl að pína sig til að vera mjór. Bara leyfa spikinu að njóta sín ... ég ætla að gera það!

Tók mynd af Guðrúnu Völu og Ellýju og svo tók Ellý mynd af okkur Siggu söng sem er óperusöngkona hér á Skaganum. Ég reyndi að vera merkileg með mig á svipinn og það tókst hreint frábærlega.

 

 

Öldurnar eru ægifagrar núna og ég skrapp niður fyrir hús til að skoða svaladýrðina og komast aðeins nær sjónum. Stúkusæti eru fín ... en stundum langar mann að komast nær.

Nema á Rammstein- tónleikunum komst ég ekki niður til alþýðunnar, það var troðið í salnum svo að ég þurfti að hunskast upp í stúku aftur!

Ég tók eftir því að húsið mitt er ekki lengur blokk ... heldur svalir með áfastri blokk. Sjá mynd. Maður syngur ekki lengur Litlir kassar á lækjarbakka ... núna er það Stórir kassar á sjávarbakka. Hmmm, beiskj, beiskj.

Athugasemdir

[Guðríður Hrefna Haraldsdóttir, 18.3.2007 kl. 18:28]

Það er hún Sigga söng! Ef þú setur örina yfir myndina koma myndatextarnir! Lestu svo aðeins hægar, gamla mín!

[Katrín Snæhólm Baldursdóttir, 18.3.2007 kl. 18:29]

Mér sýnist nú alveg vera pláss fyrir litlar sætar svalir á stóru svölunum..hehe. Ertu nokkuð búin að fá pakkann með leyndóinu?

Öldurnar bara geggjaðar!!!

[Guðríður Hrefna Haraldsdóttir, 18.3.2007 kl. 18:30]

Enginn pakki kominn! Bíð bara róleg ...

[www.zordis.com, 18.3.2007 kl. 19:22]

Rosalega geggjað þetta útsýni, litlar eða stórar svalir ............................. skitir ekki mál!  Mér finst öldugangurinn vera eins og einkafarvegir fyrir sjávar eðal borið fólk.  Inni öldunum má sjá ýmislegt ...

[Guðríður Hrefna Haraldsdóttir, 18.3.2007 kl. 20:33]

Já, það verður ekki málið! Fattaði ekki fyrr en í dag hvað svalirnar eru svakalega stórar ... það verður notalegt að vera úti á þeim í sumar! Það er alla vega skjól á þeim!

[Guðný Anna Arnþórsdóttir, 18.3.2007 kl. 22:57]

Það veitir ekkert af stórum svölum miðað við sumarplön við Langasandinn 2007. Þú manst eftir pálmatrjánum, hengikojunum, barnum og sundlauginni. Ég er á leiðinni, alltaf á leiðinni....

[Guðríður Hrefna Haraldsdóttir, 19.3.2007 kl. 08:02]

Já, og þyrlupallinum og kartöflugarðinum og hvaðeina ... seggggðu!!!!

[Ólafur fannberg, 19.3.2007 kl. 08:04]

bara komin með þyrlupall  hahahaha eða á þetta kannski að vera svalir hehe

[Guðríður Hrefna Haraldsdóttir, 19.3.2007 kl. 08:29]

Þetta eru margnota svalir, Óli minn!

[Hildigunnur Rúnarsdóttir, 19.3.2007 kl. 09:49]

vá, þetta eru ekki smá hlussusvalir   Verð að viðurkenna að mér finnast þær nú ekki fara húsinu neitt sérlega vel.  En það ætti að vera pláss fyrir grillið og allt...

[Guðríður Hrefna Haraldsdóttir, 19.3.2007 kl. 10:54]

Rétt, frú Hildigunnur. Hefði verið til í helmingi minni svalir og ögn smekklegri ... ekki bara lokaðan ljótan kassa. En þetta var ódýrt og eflaust gaman að vera þarna í sumar ... þótt ég eigi ekki grill og sé ekkert voðalega áhugasöm um grillun (þótt ég elski grillmat)! Já, þetta eru skrímsli ... svalir með áföstu húsi!