Allt gekk upp ... gáfulegar samræður í stað ofsahlaupa

Ég verð að viðurkenna að það var ögn hlýrra í Reykjavík en á Akranesi ... og það er mjög óvenjulegt! Við skulfum okkur til hita á strætóstoppistöðinni á Garðabraut og það hitaði okkur líka svolítið að nöldra yfir  því hvað langt væri að labba heim frá stoppistöðinni á Garðabraut þegar maður kæmi frá Reykjavík. Garðabrautin er sirka jafnlöng Kjalarnesinu og þar eru þrjár stoppistöðvar ... bara ein á Garðabraut. Ásta benti á þetta, stórhneyksluð, annars hefur hún eiginlega hvorki tillögurétt né málfrelsi, hún býr á Mánabraut, langt í burtu!    

Það gekk einhvern veginn allt upp í morgun. Bílstjórinn spurði hvort einhver færi út á Kjalarnesi og fékk ekkert svar þannig að við brunuðum framhjá og aukastrætó hirti upp fólkið þar og einnig Karítas í Mosóbrekkunni. Ég þurfti sjálf ekki einu sinni að hlaupa niður brekkuna hjá Vesturlaandsveginum, við Sigþóra gengum eins og fínar frúr áleiðis í vinnuna og héldum uppi gáfulegum samræðum um himingeiminn, hættuna af því að ganga í Evrópusambandið og ekki síst: vernd svæðislýsinga smárása í hálfleiðurunum ... málefni sem hafa brunnið á okkur.  

Ég var langfyrst í vinnuna og bíð nú róleg en skrambi svöng eftir því að mötuneytisfólkið leggi morgunmatinn á borð.

Ég fæ mér alltaf eina brauðsneið sem ég sker í tvennt, ostur fer á aðra og pínku sultuklípa (maður verður að fá eitthvað sætt fyrst sætustu strákarnir eru ekki mættir svona snemma) og á hina hálfu fer kotasæla, grænmeti og egg.

Þetta er mjög girnilegt og gott. Og heldur mér pakksaddri.

Hef reynt að vera eldsneytislaus til hádegis og ég mæli ekki með því!

Athugasemdir

[www.zordis.com, 19.3.2007 kl. 08:35]

Girnilegt hlaðborðið hjá þér ...... væri til í vöfflur með sultu, heimabakaða eplaköku og jafnvel gulrótarköku.  Japplað með góðu kaffi Hjá mér eru það ávextir og safar út vikuna svo ég brosi C allan hringinn út vikuna!  Verst hvað maður grennist við þessi fæðuskipti!  Eigðu yndislegan mánudag ..... besti dagur vikunnar!

[Guðríður Hrefna Haraldsdóttir, 19.3.2007 kl. 08:38]

Mmmm, takkkk sömuleiðis! Já, ég birti mynd af hlaðborði ... fjarlægur draumur, ég veit! Datt ekki í hug að setja mynd af HAFRAGRAUT á bloggið mitt, allt of hversdagslegt fyrir svona flotta bloggvini eins og ykkur!!!

Mánudagar eru kúl!

[Steingerður Steinarsdóttir, 19.3.2007 kl. 09:30]

Ég skalf eins og hrísla á göngu með hundinn í morgun og saknaði Kanaríeyja ósegjanlega. En það er þó orðið bjart á morgnana. Ég býst við að það sé eitthvað.

[Guðríður Hrefna Haraldsdóttir, 19.3.2007 kl. 10:15]

Bjart? Já, það er sko orðið bjart! Fann hvað það birti hratt frá kl. 6.30-7 í morgun, ég náði meira að segja að sjá nokkrar flottar öldur áður en ég hljóp út í strætó! Það er sko geggjað! Og velkomin frá Kanarí!

[Katrín Snæhólm Baldursdóttir, 19.3.2007 kl. 10:36]

Þetta er bara óraunveruleiki fyrir mér þessi kuldi og þetta myrkur. Brrr...mér verður bara kalt og ég verð þreytt bara af því að elsa þetta. Fannst nógu erfitt að hlusta á manninn skafa af rúðunni á bílnum fyrir utan gluggan hjá mér í morgun..það kom nefninlega smá kuldahret í miðri vorblíðunni...hvað þá að hugsa um hremmingar Gurríar hvern einasta morgun. Hjálp. Þú ert hetja!!!!

[Ólafur fannberg, 19.3.2007 kl. 10:45]

kalt hvað

[Guðríður Hrefna Haraldsdóttir, 19.3.2007 kl. 10:52]

Já, kalt hvað og hremmingar hvað??? Þetta er sko ekkert erfitt, Katrín mín! Nú fer reyndar flóttinn undan geitungunum að hefjast og þá verður virkilega gaman fyrir alvöru!!! Arggggg!

[Jenný Anna Baldursdóttir, 19.3.2007 kl. 12:16]

Ég bíð spennt eftir geitungakomunni (Gurríar vegna)ég er viss um að þá verða sögurnar þannig að hárin eigi eftir að rísa á höfði manns.

Gurrí bloggfærslurnar þínar verða gerðar upptækar í framtíðinni og notaðar af skrásetjara sögu Akranesstrætó!  Þær verða vaðandi heimildir

[Diana Sigurðardóttir (IP-tala skráð) 19.3.2007 kl. 13:08]

Sæl Gurrý mín

 Vildi bara láta þig vita að ég er nú með síðu á 123.is og er þetta slóðin mín: http://www.123.is/diana/

vil endilega halda sambandi við þig áfram !!

kveðja Díana

[Sverrir Einarsson, 19.3.2007 kl. 13:46]

Það sama á við um Skagann og Kjalarnesið......lognið er á frekr mikilli ferð þar alltaf.

Flottasti steinn í heimi (það er eftirlíking af honum á torginu) er steinninn stóri í fjörunni fyrir neðan Krókatúnið.....þar eru líka öldurnar flottastar.

Já ein sementsverksmiðja, eitt kaffihús, einn taxi og einn alki (róni er svo ljótt orð) hvað þarf meira....er svo ekki einhver Einar með búð þarna (Einarsbúð) til aðgreiningar ....ja sennilega frá Jónsbúð........hvað veit ég borgarbarnið.

[Guðríður Hrefna Haraldsdóttir, 19.3.2007 kl. 14:16]

Heheheh ... það er nú oftar logn á Skaga en á Kjalarnesi ... miklu oftar!

[Guðríður Hrefna Haraldsdóttir, 20.3.2007 kl. 17:19]

Heheheh, aldeilis pakksödd ... þú lest heilmargt úr skrautmyndinni sé ég. Næst set ég vatn og brauðskorpu! Hehhehe