Óvænt lúxuslíf á heimleið

Guli Skagastrætó í Mosfellsbænum sem beið okkar leit út eins og hver önnur rúta eða langferðabifreið ... þar til við gengum um borð. Inni í honum var stjórnlaus lúxus og þeir farþegar sem voru komnir og búnir að fá sér sæti sátu gapandi og horfðu á ... sjónvarpið! Myndin G.I. Jane stytti okkur stundirnar og það var dásamlegt að sjá Jane pyntaða og lagða í einelti í hernum þar til vagninn staðnæmdist fyrir utan Skrúðgarðinn. Allir gleymdu að fara út úr vagninum, líka Kjalarnesingar. Snjallt bragð til að halda okkur farþegunum á mottunni!

 

Well, þetta var alla vega afar þægileg rúta og fannst okkur farþegum engu líkara en við værum í flugvél. Vantaði bara kappklædda flugþjóna með kælda drykki sem veittu smá axlanudd. Sjónvarpssjúklingurinn sem sat við hliðina á mér horfði stjarfur. „Ohhh, núna kemur þetta atriði þar sem nemarnir lenda í yfirmönnunum sem pynta þá, þetta atriði er tú möts, finnst mér!“ Jamm, við kunnum bæði myndina utan að.

 

Næst vona ég að myndin Hvalfjarðargöngin (eins og ég þýddi hana), man ekki hvað hún heitir, kannski með Bruce Willis í aðalhlutverki, verði sýnd. Þetta er stórslysamynd sem gerist ofan í göngum þar sem olíubíll springur eða eitthvað, rosa hasar. Fín mynd í strætó!
 

 Það er nú heilmikill hjónasvipur með Demi og Bruce á þessum myndum. 

Athugasemdir

[Guðríður Hrefna Haraldsdóttir, 19.3.2007 kl. 17:59]

Var það kannski John Travolta?

[Ólafur fannberg, 19.3.2007 kl. 18:06]

ha Jón Travolta?

[Guðríður Hrefna Haraldsdóttir, 19.3.2007 kl. 18:19]

Segðu, Elena!

Mr. Fannberg, ég er að reyna að rifja upp stórmynd um fólk sem festist inni í svona hvalfjarðargöngum þegar olíubíll springur. Það var einhver hetja í henni ... Travolta, Willis eða einhver slíkur! Get ómögulega munað hvaða mynd þetta var!  

[www.zordis.com, 19.3.2007 kl. 19:09]

Bruce er algjör ofurtöffari svo er Demo flott í mörgum myndum!  Lúxusinn er greinilega á réttum stað!

[Anna Ólafsdóttir Björnsson, 19.3.2007 kl. 22:02]

Láttu mig einhvern tíma segja þér frá því hvernig Dússa (Ragnhildur Vigfúsdóttir) gerði rútuferð að flugferð og talaði eins og flugfreyja nokkurn veginn alla leið á milli Akureyrar og Reykjavíkur. ,,Og hér sjáið þið Teppaland, Dúkaland ...."

[Guðríður Hrefna Haraldsdóttir, 19.3.2007 kl. 22:10]

Heheh, já, það væri gaman að heyra!