Skagastrætó fauk út af!!!

Skagavagninn fauk út af á Kjalarnesinu í morgun! Ekki hefði ég viljað vera í sporum elsku farþeganna og bílstjórans þegar þetta gerðist, ég er nógu oft smeyk þarna í roki.

Bílstjórarnir hreyfa ekki bílana þegar komið er uppfyrir 32 metra á sekúndu (í hálku) en svo geta komið enn sterkari hviður eftir að vagninn er kominn upp á Kjalarnes. Það hefur eflaust gerst í morgun.

Ég hef farið með strætó í miklu hvassviðri, meira að segja 34 m/sek en þá var ekki hálka. Hann Hafþór var þá undir stýri og hef ég dáð hann sem bílstjóra síðan. Við ókum hægt og komumst þetta á seiglunni! Það hafði verið ófært allt síðdegið og þetta var síðasta ferð heim, kl. 22.30 og aðeins örfáir farþegar um borð. Hafþór var öryggið uppmálað og það róaði okkur farþegana mikið. Það var gott að þurfa ekki að gista í bænum með kettina sísvanga og svolítið veðurhrædda.  

Sá fréttina um þetta á ruv.is, skrýtið að fleiri fréttastofur minnist ekki á þetta.  Segi bara eins og aðrar landsbyggðartúttur ... það er ekkert fréttnæmt nema það gerist í bænum ... hehehhe, nei, nei, kannski ekki alveg!

Hilda systir hringdi rétt áðan en Ellý vinkona var nýkomin til hennar og hafði séð strætóinn út af! Hann var þó ekki á hliðinni eða neitt. 

Viðbót frá Sigþóru, elsku dúllunni minni sem var um borð:

Nú misstir þú af ævintýri og drama Gurrí mín. Ég fór ekki suður fyrr en með 9.47 vagninum og viti menn, við vorum langt komin í Grundahverfið þegar strætó fauk útaf já Gurrí, við lentum úti í móa ekki kannski veður til að vera í piknik akkúrat þarna en svona fór það.

Þvílíkt drama sem betur fer fann ég eftir smá leit :) nothæft öryggisbelti þannig að ég hentist ekki til hahaha en það meiddist enginn sem betur fer allt fór vel. Hafþór kom svo á lítilli rútu og sótti okkur og LÖGGAN kom og allt.  Svo keyrði elsku Hafþór okkur heim á Skaga og keyrði mig meira að segja alveg heim að dyrum, hefur ekki treyst því að þessi miðaldra kona gæti fótað sig vel í rokinu. Jæja svo við erum báðar heima í dag og höfum það bara gott    Sjáumst vonandi á morgun í STRÆTÓ

Ekkert ferðaveður á Sandskeiði, Kjalarnesi eða undir Hafnarfjalli

Athugasemdir

[Hrönn Sigurðardóttir, 20.3.2007 kl. 12:57]

gott þó að allir sluppu með skrekkinn. Hefði ekki viljað vera  í vagninum núna..........

Ábyggilega flottar öldur hjá þér núna

[Guðríður Hrefna Haraldsdóttir, 20.3.2007 kl. 12:58]

Var að bæta við færsluna mína lífsreynslusögu frá farþega ... henni Sigþóru minni. 

Öldurnar eru ekki stórar eða flottar núna ... sjórinn er bara úfinn og langt í burtu, enda er fjara núna. Bíð spennt eftir háflóði um sjö, átta í kvöld!  

[Doddi - Þorsteinn G. Jónsson (IP-tala skráð) 20.3.2007 kl. 13:00]

Mér heyrist á öllu að Sigþóra þessi sé þó ótrúlega jákvæð manneskja, þegar hún strax talaði um að það væri kannski ekki veður til að fara í piknikk ...  ég dýrka fólk sem getur tekið svona á hlutunum.

Knús að norðan til þín og auðvitað Sigþóru líka!

[Guðríður Hrefna Haraldsdóttir, 20.3.2007 kl. 13:03]

Já, hún er ótrúlega jákvæð og skemmtileg manneskja! Knús norður til þín!

[Hrönn Sigurðardóttir, 20.3.2007 kl. 13:33]

Það liggur við að maður skammist sín að flissa yfir viðbótinni - en það var bara svo fyndið að sjá hana fyrir sér í pikknikk með hárið út í allar áttir í rokinu........

flissssssssssssssss

[Heiða B. Heiðars, 20.3.2007 kl. 13:39]

hvað er svona jákvætt við að geta ekki farið í pikknikk í smá golu?

[Ingibjörg Gunnarsdóttir, 20.3.2007 kl. 13:48]

Ég vil frekar hafa þig heima hjá kisunum - en fjúkandi um í strætisvögnum- og hana nú!

[Diana Sigurðardóttir (IP-tala skráð) 20.3.2007 kl. 13:52]

Gott að heyra að allt fór vel !! Þetta er eitthvað sem ég hef alltaf verið dauðhrædd við að upplifa. Hún Sigþóra vinkona þín tók þessu frábærlega, vildi bara ekki fara í pikknikk þennan daginn, en örugglega einhvertíma seinna !! Hafið það báðar gott í dag

[Guðríður Hrefna Haraldsdóttir, 20.3.2007 kl. 13:56]

Já, hlæið bara að pikknikkferðinni hennar Sigþóru ... heheheh! Hún hlær reyndar allra hæst sjálf og lenti þó út af!

[Ólafur fannberg, 20.3.2007 kl. 14:23]

bara fjör alltaf missi ég af svona

[Guðríður Hrefna Haraldsdóttir, 20.3.2007 kl. 14:30]

Heyrðu mig nú Fannberg!!! Hver er alltaf að kafa í kringum krókódíla og svona? Og tengdapabbinn með lífverði í bunkum? Hehehhehe

[bara Maja..., 20.3.2007 kl. 14:44]

Fjúff að enginn slasaðist  já skemmtileg frásögnin hennar Sigþóru. Létt á þessu konan  snilld.

[Adda bloggar, 20.3.2007 kl. 14:51]

kæra vinkona, góða viku.mér er farið að þykja ansi vænt um þig

[Guðríður Hrefna Haraldsdóttir, 20.3.2007 kl. 15:02]

Já, frábært að enginn slasaðist! Sigþóra er snilld! Góða viku, sömuleiðis, elsku Laugatúnskrúsídúllan mín!

[Hrönn Sigurðardóttir, 20.3.2007 kl. 15:03]

hédddddna, geturðu kannski sent fallega strætóbílstjórann eftir mér, svo ég geti horft á öldurnar með þér úr hásætinu í himnaríki?

Heldurðu að hann væri ekki alveg til í það?

Fyrst yfir Kjalarnesið - svo yfir heiðina.......

tíhí

[Guðríður Hrefna Haraldsdóttir, 20.3.2007 kl. 15:17]

Ekki spurning ... ætla samt að velja betra veður fyrir þig ... því að öldurnar eru ekkert sérstakar núna.

Skal henda inn einni mynd af þeim á eftir. Vindurinn heldur þeim niðri, ormurinn! Þær lagast kannski þegar þær komast nær landi, nær mér ...

[Hulda (IP-tala skráð) 20.3.2007 kl. 16:30]

já ég skil ekkert í því að fólk vilji yfir höfuð búa á kjalarnesi miðað við svona veður... auðvitað allt í lagi að búa allstaðar ef það er sól og blíða eða frost snjór og stillt. En maður heppinn að losna við svona veður, fór einmitt uppá skaga í gærkvöldi og það var enginn vindur en kalt og fallegt og bjart veður. Ég sem var einmitt að spá í að sækja um vinnu hjá Speli en um daginn þegar ég fór um kjalarnesið í roki (kannski ekki eins miklu og núna) þá ákvað ég að ég vil ekki vera að standa í að keyra í svona veðri... er nógu stressuð þegar ég fer útúr bænum þó svo að veðrið sé ekki að skipta sér að.

[Katrín Snæhólm Baldursdóttir, 20.3.2007 kl. 16:43]

Úff...þetta eru sko alvöru íslensk veðurævintýri. Gott að þú ert bara heima Gurran mín...

[Anna Ólafsdóttir Björnsson, 20.3.2007 kl. 19:53]

Úff, gott að allir eru heilir á húfi. Og ég er eiginlega alveg hress á því að þú skulir hafa misst af þessu.

[Guðríður Hrefna Haraldsdóttir, 20.3.2007 kl. 19:59]

Já, ég er bæði hress með það og ekki hress ... if you know what I mean ...

[Bertha Sigmundsdóttir, 20.3.2007 kl. 23:49]

Jedúdda mía, það er sko gott að enginn slasaðist og gott að vera með jákvæðnina í fyrirrúmi. Það er rosa gaman að hafa bara pikník inni hjá sér þegar svona vont veður gengur yfir. Ég geri það oft með börnunum mínum og við flissum og flissum og þykjumst sjá maura og köngulær.

Það er alltaf jafn gaman að lesa bloggið þitt, þú kemur mér alltaf í rosa gott skap. Jæja, þarf að fara að elda ofan í liðið, það svelta bara allir hér á meðan ég er á fullu að blogga, verð að fara að kokka

[Birgir Þór Bragason, 21.3.2007 kl. 08:35]

32 metrar á sekúndu er nú enginn smá vindur. Þetta er 115 kílómetrar á klukkustund.