Skánandi veður, alla vega hér ... og funheitt bold

Veðrið hefur lagast, kannski er það bara lognið á undan storminum aftur, en það er ansi blautt úti. Æ, vona að allur snjór verði farinn í fyrramálið ... Tók mynd af sjónum sem er hvorki ljótur né fallegur núna, hann bara er. Svo mikil rigning er að það virðist sem myndin sé tekin innan úr himnaríki ... en svo er ekki, ég laumaði vélinni út. 

The Bold:
Ridge gerði alveg rétt með því að hlaupa skrækjandi út úr sturtunni  undan ólöglegri eiginkonu sinni. Henni tókst samt að skella honum á bakið í rúminu og fikta við handklæðið sem hann notaði til að hylja ættargersemarnar. Til að sleppa úr örmum hennar sagðist Ridge ætla að finna eitthvað gott að borða handa þeim, þetta væri svo ósanngjarnt gagnvart Taylor. Brooke hvíslaði þá daðurslega: „Mér finnast ostrur góðar!“ Nú er hún að opna kampavínsflösku á meðan hún lætur karlinn finna mat. Jafnrétti. Nú er bankað.

„Opnaðu, dækjan þín,“ hvæsir tengdó. Dækjan dregur fyrir en Stefanía er með lykla.

Nick og Bridget eru blindfull í Vegas og ætla að giftast. Í kapellunni er eitt par á undan og þau þurfa að bíða. Parið á undan ... er Tómas, bróðir tvíburanna og frumburður Ridge og Taylor, og vinkona hans sem þarf landvistarleyfi. Þau eru nú pínku skotin samt.

„Eiginkonu ber að vera með manni sínum,“ heldur Brooke áfram.

„Þinn tími er ekki fyrr en á morgun,“ segir Stefanía.

Frú Guðríður skellir upp úr.

Skyndiheyrnarleysi hefur gripið Ridge, hann ætti að heyra í móður sinni nöldra í ólöglegu eiginkonunni í pínulitla strandhúsinu.   

Athugasemdir

[Ólafur fannberg, 20.3.2007 kl. 18:12]

köfunarhæfur sjór þarna heheheh

[Hugarfluga, 20.3.2007 kl. 19:21]

Eins og mér finnst lítið gaman að horfa á Fallega og Feita fólkið, þá fylgist ég spennt með útdráttunum þínum. Lesturinn virkar jafnvel enn betur ef ég set Richard Clayderman ofan á geislann og hef hann lágt í bakgrunninum.

[Hugarfluga, 20.3.2007 kl. 19:22]

Fallega og sköllótta fólkið, meinti ég! duh

[Guðríður Hrefna Haraldsdóttir, 20.3.2007 kl. 19:25]

Clyderman hlýtur að hljóma dásamlega með ... hahahahhahahaha, passar fáránlega við efni þáttanna!

[Kristín Katla Árnadóttir, 20.3.2007 kl. 19:58]

Horfði á boldið í morgun , Já stebba er nú meiri grippan he he.

[Guðríður Hrefna Haraldsdóttir, 20.3.2007 kl. 20:10]

Þú mátt endilega leiðrétta mig ef ég hef ekki fylgst nógu vel með eða mistúlkað eitthvað, frú Kristín Katla!!! Flott að hafa okkur tvær í þessu ... heheheh

[Kristín Katla Árnadóttir, 20.3.2007 kl. 20:25]

Já gurrí mín ég geri það he he he.

[Karolina , 20.3.2007 kl. 21:08]

gott að geta fengið update á Boldinu hérna hjá þér Gurry mín

[Steinunn Helga Sigurðardóttir, 20.3.2007 kl. 22:00]

smá innlitakvitt.

ljós frá mér

steina 

[Guðríður Hrefna Haraldsdóttir, 20.3.2007 kl. 22:50]

Þú neyðist til að horfa á Neyðarljós, Anna mín. Þessi dýrðardásemd, eða boldið, er á Stöð 2 ... kl. 9 á morgnana og síðan endursýnt undir kvöldmat. 

[Gunna-Polly, 20.3.2007 kl. 22:54]

iss er hætt að horfa þar til Amber kemur aftur og giftist eric gamla 

[Jenný Anna Baldursdóttir, 20.3.2007 kl. 23:01]

sá þetta einhverntíman fyrir xx árum.   Er litla strandhúsið enn við líði?

[Klara Nótt Egilson, 20.3.2007 kl. 23:01]

Frú Guðríður (sem skellihlær jafnan) ég vill að þú vitir að ég fylgist með daglegum útdráttum þínum, lömuð af spenningi. Að öllu jöfnu góni ég reyndar hljóðlát á skjáinn, en ég ræð ekki við gleði mína lengur. Komment á konuna! Og ekki EINUNGIS hefur þér tekist að endurvekja áhuga minn á Sköllótta og Fagra fólkinu, heldur talar þú svo fjálglega um rútuferðir að mér er skapi næst að fara niður á BSÍ og kaupa mér farmiða út á land. Hið snarasta. Þú ert yndisleg!!!

[Guðríður Hrefna Haraldsdóttir, 20.3.2007 kl. 23:14]

Já, Jenný, litla strandhýsið er sko enn þarna ...

Og Klara mín, krúttmolinn minn, það nægir að taka 2 X 280 krónur og fara fram og tilbaka á Skagann. Það kostar sama og í strætó. Endastöðin á Skaganum er við yndislega kaffihúsið Skrúðgarðinn sem allir eru farnir að elska, enda frábært kaffi þar og kökur. Það er meira að segja hægt að fá heita súpu þar í hádeginu núna!

Ég heimta samt að þú komir líka til mín í einn kaffibolla (eða fleiri) ef þú heimsækir mitt fagra Akranes!!! Finndu sjóinn og Langasandinn ... svalir með áföstu húsi ... og þá ertu búin að finna mig! Ég er alltaf úti í glugga með kaffibolla í annarri og kött í hinni ... alveg eins og galdranorn ... múahahahhahah! 

[Vilborg Valgarðsdóttir, 21.3.2007 kl. 14:32]

Sá hluta af Boldinu í gær og verð að segja að ef yfirleitt fyrirfinnst meiri aumingji en þessi blessaður Ridge þá vinsamlegast bendið mér á hann!