Sætuskvísustoppistöðin ...

Held að ég geti kallað stoppistöðina mína á Garðabrautinni sannkallaða sætukarlastoppistöð, þeir bera af karlarnir mínir ...

Við erum reyndar stundum tvær konurnar sem bíðum með þeim, önnur úr blokkinni minni, og þá fyrst kann ég við að nota orðið sætuskvísustoppistöð .. eiginlega ekki þegar ég er bara ein! Ég er svo rosalega hógvær.

Við keyrðum þögul fram hjá staðnum á Kjalarnesinu sem strætó ók út af í gær. Held að umferðarmerkið „Spennið beltin“ hafi bjargað miklu því að strætó dúndraði því skilti niður á leið sinni út í móa og það dró jafnvel úr hraðanum ... Þetta gat ekki verið betri staður ... eiginlega bara algjör jafnslétta.

Sami rólegi bílstjórinn og ók út af í gær var undir stýri í morgun og svo kom auðvitað Sigþóra, hetja dagsins! Á leiðinni niður götuna og undir brúna sagði hún mér hvað gerðist. Vindurinn hvein tryllingslega og vagninn hristist og skalf. Sigþóra var dauðhrædd. Hún setti á sig húfuna, reimaði hettuna fasta, hélt sér ... og beið. Þegar hún var hálfnuð með faðirvorið keyrði strætó út af.

Nú eru 20 mínútur í að morgunverður verði framreiddur ... jesssss!

Athugasemdir

[Hrönn Sigurðardóttir, 21.3.2007 kl. 08:59]

Ég ætla sko pottþétt á þessa stoppistöð líka. En bara af því að ég er svo mikil skvísa...............

[Diana Sigurðardóttir (IP-tala skráð) 21.3.2007 kl. 09:31]

Æ Gurrí þú ert algjör snild, ég vakna og hugsa strax skildi "strætóferðarlýsingin" hennar Gurríar vera komin inn, það er svo gaman að lesa um þessar ferðir þínar. Held ég taki barasta strætó á Skagann einhvern daginn !! Eigðu góðan dag mín kæra.

[Klara Nótt Egilson, 21.3.2007 kl. 11:53]

Þegar ég verð stór ætla ég pottþétt að flytjast frá höfuðborginni, ferðast með æsispennandi strætisvagni og horfa á kynþokkafullar spennumyndir í Hvalfjarðargöngunum.

[Jenný Anna Baldursdóttir, 21.3.2007 kl. 13:40]

Rosalega spennuþrungið líf þarna á Skaganum..... og á leiðinni þangað nottla.

[Guðríður Hrefna Haraldsdóttir, 21.3.2007 kl. 14:22]

Óxla spennnnnandi! Hlakka ekkert smá til að fara heim kl. 15.50 og fara beint á kaffihúsið. Á æsispennandi stefnumót þar, reyndar við konu ... en langtíma einsemd kennir manni vissulega að slaka á kröfum.