Stefnumót og meira rólubrim

Náði 15.50 vagninum í Mosó og við ókum sem leið lá niður í Skrúðgarð. Sá er nú góður kúnni sem fer endastöðva á milli, það kalla ég tryggð við málstaðinn. Við mættum Tomma á leiðinni, eða Rússanum, eins og Ásta kallar hann ... flott skegg á Tomma ...

Ég átti stefnumót á kaffihúsinu við snilldarhönnuð, Önnu Silfu, Skagakonu með meiru. Vildi afhenda henni í eigin persónu nýjustu Vikuna þar sem hún er hönnuður vikunnar.

 

 

Brimið var fallegt og þegar Anna Silfa skutlaði mér heim (já, hún er æði) þá komum við við á sama stað á Vesturgötunni og ég reyndi að fanga rólubrimið ...

Það hefði kannski tekist ef ég hefði haft meiri tíma og meira pláss á myndavélinni en fyrir 16 myndir!

Brimið við Langasandinn er líka flott ... en úr hásætinu virkar það minna, svona eins og maður tæki mynd af Tom Cruise almáttugum ofan frá myndi hann virka dvergur. Bara dæmi.   

 

Bold:
Ridge hlýtur að liggja meðvitundarlaus af leiðindum inni í eldhúsi við að „elda“ ostrurnar því að Brooke og Stefanía hafa náð ansi löngu samtali/rifrildi í strandhúsinu án þess að hann fatti að móðir hans er mætt á svæðið.
Nick og Bridget geta ekki gifst vegna þess að Nick gleymdi veskinu sínu í einkaþotunni. Konan í kapellunni horfði á hann og sagði: „Sjúr!“ Hehehehehe!

Athugasemdir

[Kristín Katla Árnadóttir, 21.3.2007 kl. 18:07]

ha ha ha rétt hjá þér Gurri þú klikkar ekki með Boldið

[Hugarfluga, 21.3.2007 kl. 19:20]

Eeelska þá staðreynd að þú takir myndir af öllu í kringum þig og meira að segja strætóbílstjóranum og elska líka Bóldið í leikgerð Guðríðar Haraldsdóttur. Sé Ridge alveg fyrir mér með "Þórhalls-svipinn" eldandi osturnar og talandi við sjálfan sig.

[Guðríður Hrefna Haraldsdóttir, 21.3.2007 kl. 19:29]

Hahhaha, Þórhallur er nú mun liggilegri en Ridge! Úps ... meinti huggulegri!

[Gunna-Polly, 21.3.2007 kl. 20:07]

stelpur stelpur stelpur !!!

[Anna Silfa (IP-tala skráð) 21.3.2007 kl. 20:07]

Hæ :-)

takk fyrir síðast og vel valin orð!! Ekki má gleyma að maður sogast óneitanlega að þér þar sem þú ert svo gefandi, yndisleg, falleg, og skemmtileg persóna ! 

Takk fyrir mig! kær kveðja frá okkur ,,Anna Silfa, Ásrún , Iðunn , Milla og Blíða :-)

[Guðríður Hrefna Haraldsdóttir, 21.3.2007 kl. 20:10]

Hmmm, ég sagði að þetta hefði verið æsispennandi stefnumót við Önnu Silfu ... hehehehhe!

Roðnmálaráðuneytið bannar öll svona komment en takk samt!

[www.zordis.com, 21.3.2007 kl. 20:26]

Mig dreymdi Vikuna = þig ..... Ohhhh það er svo gott að vera með svona fólki eins og Gurrí.  Ekki hægt að ýminda sér annað eftir svona falleg komment!  Pant hitta þig einhverntímann! 

[Guðríður Hrefna Haraldsdóttir, 21.3.2007 kl. 20:35]

Hmmm, það er náttúrlega ammmmli í ágúst og þér er skipað að koma Zordís mín ef þú verður á landinu! Eða bara any time!

[Gerða Kristjáns, 21.3.2007 kl. 21:03]

Ég fékk að skoða Vikuna áðan þegar frænka mín sem er á forsíðunni kom og sýndi mér......frábært að fá að sjá svona á undan hahaha

[Guðríður Hrefna Haraldsdóttir, 21.3.2007 kl. 21:16]

Frábært viðtal og yndisleg kona ... ég dáist að henni að vilja segja sögu sína og vekja þannig vonir annarra um betra líf!

[Jenný Anna Baldursdóttir, 21.3.2007 kl. 21:29]

Hér er aðdáendaklúbbur Gurríar mættur með sinn mánaðarlega félagsfund. Ég sæki um inngöngu... fljótlega.

Þessi trekant milli Ridge, Taylor og Brooke er orðinn ansi þreytandi. Rosaleg þráhyggja er þetta í konunum.

[Guðríður Hrefna Haraldsdóttir, 21.3.2007 kl. 21:37]

Þetta trekant er límið sem heldur þáttaröðinni saman, held ég! Argggggg!

[Hrönn Sigurðardóttir, 22.3.2007 kl. 08:30]

Mér finnst þessi róla alveg frábær!!

[Guðríður Hrefna Haraldsdóttir, 22.3.2007 kl. 10:24]

Já, mér líka, elska hana. Hætti ekki fyrr en ég næ fullkominni mynd af henni og hafinu! Prófa kannski að setja krakka í aðra róluna, láta hann/snúa að sjónum ...