Skemmtilegt skutl með Samfylkingar-vinstri grænum

Svo mikið var að gera í vinnunni að ég náði ekki 15.50 vagninum heim. Blaðið fer í prentun á morgun, sjálft páskablaðið, hnausþykkt og guðdómlegt! Kemur út eftir viku.  

Ásta sendi SMS úr strætó og óttaðist að ekki yrðu farnar fleiri ferðir  í dag! Það var hálfgert logn á Kjalarnesinu ... hreyfðist varla strá! Held þó að það eigi að hvessa all svakalega í kvöld með rigningu, er tilbúin með handklæði í bunkum.

Ákvað að hringja í frk. Önnu upp úr fjögur og tékka á því hvort hún nennti að henda mér á sínum vinstri græna Subaru upp í Mosó svo að ég næði næsta vagni ... hún er í fríi og svona!

Anna gerði sér lítið fyrir og henti mér alla leið á Skagann, fleygði mér út á ferð við himnaríki og rauk svo í bæinn aftur. Fundur hjá henni klukkan hálfsex! Skömmu eftir að við komum út úr göngunum Skagamegin mættum við 15.50 vagninum á leið í bæinn aftur. Anna sagði mér frá því að á meðan hún bjó í Svíþjóð hafi hún búið svo langt frá vinnunni sinni að það tók hana stundum rúma tvo tíma að komast á milli ... fimm tímar alls í ferðalög til og frá vinnu. Ef ég verð einhvern tíma þreytt á ferðalaginu milli Skaga og Rvíkur mun ég hugsa um þetta!

 

BOLLLLD

Ridge er alveg brjálaður út í móður sína fyrir að hafa mætt í strandhúsið og hrakið vesalings Brooke þaðan. Steffí rífur kjaft á móti og segir ákvörðunina einfalda; hann skuli velja Ridge.

Tómas er nú kvæntur maður ... þessi elska sem tiplaði á stuttum fimm ára fótunum fyrir örfáum árum! Nick sá Tómas og stúlkusnúlluna í kapellunni og Tómas grátbiður hann um að segja engum frá þessu! Skrýtið að Nick hafi ekki fengið lánaða peninga hjá Tómasi til að geta kvænst Bridget þar sem veskið gleymdist í einkaþotunni!

Ridge öskrar svo mikið á mömmu sína að hún fær aðsvif og brýtur bláa skál sem virðist þó ekki vera ómetanleg. Best að nota þetta á erfðaprinsinn, fá alltaf aðsvif ef hann gerir ekki allt sem ég bið hann um.   

Athugasemdir

[Guðríður Hrefna Haraldsdóttir, 22.3.2007 kl. 18:18]

Úps ... vá, hvað það hlýtur að vera hvasst hjá þér, elskan. Bíð spennt eftir veðurfregnum til að vita hvort þetta er á leiðinni hingað! Farðu varlega!!!

[Kristín Katla Árnadóttir, 22.3.2007 kl. 18:48]

Steffí verður alltaf sona brjáluð  útí veslings Brooke nú er ég nær vissum að Steffí vær hjartaáfall   og Ritge  og verður að gera það sem hún segir sjáðu bara til  He he

[Anna Ólafsdóttir Björnsson, 22.3.2007 kl. 19:25]

Ekki hrifin af veðrinu en nafna mín er greinilega til mikillar fyrirmyndar! Gott að þú ert komin heim, alla vega.

[Guðrún Eggertsdóttir, 22.3.2007 kl. 21:25]

Það er skammt stórra högga á milli hvað veðurfarið varðar hér í Ammríkunni: nú er klukkan að verða 1/2 6 og hitinn?  Jú, 24°C, - ég legg ekki meira á þig.

[Guðríður Hrefna Haraldsdóttir, 23.3.2007 kl. 15:13]

Hmmm, MISSA skálina þegar þú þykist fá aðsvif ... ég myndi ekki þora að breyta mikið út af þessu handriti ... fyrst það virkar svona vel á Ridge!

[Sigga www.kvika.net (IP-tala skráð) 23.3.2007 kl. 19:58]

D... hvað ég skemmti mér alltaf við að lesa lýsingarnar þínar á B&B. Tær snilld!