Hádegismóðganir ...

Sat við sama borð og tvær skvísur í hádeginu. Önnur spurði hina: „Hvað ætlar þú að gera um helgina?“ Sú hugsaði sig um og svaraði: „Æ, ég veit það ekki, fer reyndar á árshátíð með karlinum á laugardaginn ... ekkert annað planað.“

Með því að spyrja mig ekki hvað ég ætlaði að gera um helgina gáfu þær í skyn að ég eigi mér ekkert líf, jafnvel að ég væri of feit!

Ég gat ekki stillt mig og sagði: „Þið spyrjið mig ekki ... ég sem ætla að stunda kynlíf alla helgina!“

Þetta vakti meiri lukku en ég hefði kosið, þeim fannst þetta greinilega voða fyndið sem móðgaði mig jafnvel enn meira. (Þetta átti bara að sýna þeim að ég væri ekki alveg dauð úr öllum æðum)

„Nú, með hverjum?“ spurði önnur. „Ja, bara einhverjum sem er til í tuskið,“ svaraði ég alvarleg í bragði.  „Ja, hérna, Gurrí ætlar að r... alla helgina,“ tilkynnti önnur skvísan fólkinu á næsta borði. „Bíddu, hver var að tala um hestaíþróttir?“ spurði ég sakleysislega.

Þegar ég horfði á svipinn á hinni gellunni ákvað ég að nóg væri komið ... flýtti mér mjög hratt út áður en þessar „dömur“ (eða hitt þó heldur) færu að tala um kynlíf með hestum, slíkt hallærisspaug var á leiðinni, ég fann það á mér.

Þetta þarf ég að búa við í vinnunni nema  ég sé svo heppin að ná sæti hjá körlunum í hádeginu. Með þeim upplifi ég alltaf daður og aðdáun ... ekki fliss og dónaskap eins og með stelpunum!

Já, það er heilmikill munur á kynjunum ... ég held sko með strákunum ... og auðvitað  bloggvinkonunum mínum!  

Athugasemdir

[Hrönn Sigurðardóttir, 23.3.2007 kl. 13:05]

 ég held sko með þér líka!

[Guðríður Hrefna Haraldsdóttir, 23.3.2007 kl. 13:09]

Hehehhe, vertu óhræddur, þú ert karlmaður! Aldeilis í náðinni, Keli minn!

[Ingibjörg Gunnarsdóttir, 23.3.2007 kl. 13:42]

Hvað ætli "skvísunum" hafi þótt svona fyndið við kynlíf alla helgina....... Kannski er svona lítið um það hjá þeim - eða hvað?  Vita þær ekki hvað kynlíf alla helgina er mikil snilld - jafnvel andlegt kynlíf 

[gua, 23.3.2007 kl. 13:49]

fliss þetta er drepfyndið, það þarf nú ekki endilega karlmann til að stunda kynlíf  hehehehehe

[Guðný M, 23.3.2007 kl. 14:12]

hey þú hefðir átt að sitja á okkar borði...þar voru mjög menningarlegar umræður um það hvort að Angelina Jolie sé með ættleiðingaráráttu og hvað sé eiginlega að Kate Moss að vera með þessum ógeðslega gæja sem hvorki baðar sig né snyrtir....... Veit svo sem ekki hvor umræðan er betri...... 

[Jenný Anna Baldursdóttir, 23.3.2007 kl. 14:13]

Sko búin að lesa pistil x2 og þær voru defenately að segja þér að þú værir orðin of feit.  Hef margra ára analysisreynslu í þessum málaflokk.

[Jenný Anna Baldursdóttir, 23.3.2007 kl. 14:14]

Átti að vera  þetta tákn en ekki hjartað.  Einhver gæti haldið að ég væri að meina þetta

[Guðríður Hrefna Haraldsdóttir, 23.3.2007 kl. 14:17]

Heheheh, þóttist fatta þetta! Þetta var líka framhaldsdjókur frá mér síðan um daginn ... ég var búin að lofa ykkur að segja þetta við hvert tilefni: Hva, finnst þér ég svona feit? Hahhaahhaah

[Guðríður Hrefna Haraldsdóttir, 23.3.2007 kl. 14:18]

Já, skrýtið hvað ungum, giftum eða trúlofuðum, konum finnst svona fyndið við kynlíf alla helgina. Þær vita greinielga ekki hverju þær eru að missa af ...

[Eydís Rós Eyglóardóttir, 23.3.2007 kl. 16:19]

haha... brilljant....

innlits kvitt......

[Sigríður Jósefsdóttir, 23.3.2007 kl. 16:59]

Gurrí mín, er að senda þér liðið mitt á Skrúðgarðinn í hádeginu á morgun.  Súpa, spjall og fjör, Ómar, Margrét, Jakob og Ósk.  Vona að þú sjáir þér fært að kíkja.  Tími 12:15.  Bestu kveðjur,

[Guðrún Eggertsdóttir, 23.3.2007 kl. 17:14]

kvitt

[Katrín Snæhólm Baldursdóttir, 23.3.2007 kl. 17:21]

Gurrí fer og njósnar um hvernig kynlíf er á stefnuskrá íslandshryfingarinnar. Vonandi bara mikið og röftugt svo við verðum orðin ekki færri en 500.000 2050.

Kynlíf á dagskrá hjá mér alla helgina bæði líkamlegt og andlegt og eins dvd. Little Miss Sunshine ..nei tvær meina ég. Horfum svo á Bond í kvöld á milli atriða. Andlegra og líkamlegra. Góða helgi öll sömul !!!!

[Ólafur fannberg, 23.3.2007 kl. 17:38]

hehehehe

[Kristín Katla Árnadóttir, 23.3.2007 kl. 17:46]

Gurrí þú ert æðisleg ha ha ha.

[Anna Ólafsdóttir Björnsson, 23.3.2007 kl. 18:40]

Sumir eru greinilega ennþá að komast yfir það að mega segja dónaorð, grey skinnið. Mamma lenti einu sinni í bíl með svona körlum sem voru allir í kjaftinum og kunnu engin siðmenntuð orð eins og kynlíf heldur bara einhver dónaorð sem mamma þeirra hefur bannað þeim að nota (þetta var líka til meðal karla ;-). Mamma var orðin svolítið mikið leið á mannalátunum í þeim. Svo hún sagði þegar þau voru að komast í áfangastað: ,,Viljið þið vita hvað konur segja?" ,,Já," sögðu þeir slefandi. ,,Þeir tala mest sem geta minnst."

[Sigríður Jósefsdóttir, 23.3.2007 kl. 19:11]

Ég var einn vetur til sjós, ein með 20 körlum, og komst að þeirri gullnu staðreynd að karlmenn eru aldrei eins orðljótir og þegar þeir eru í návist kvenna.

[Hugarfluga, 23.3.2007 kl. 19:32]

GARG, Gurrí!! hahahaha!!

[Heiða B. Heiðars, 23.3.2007 kl. 20:31]

Hehe.. það er svo gaman þegar maður nær að sjokkera fólk með tilsvörum sem eru ekki í neinum takti við það sem búist var við

[www.zordis.com, 23.3.2007 kl. 21:00]

Argandi snilld að elskast alla helgina, stuðla að fjögun mannkyns ........ eða ekki   Flower Power helgi, best að mæta ekki í vinnu á morgun .... Making Looooove!

[bara Maja..., 23.3.2007 kl. 22:58]

Ekkert blogg þá um helgina ?? Allir í útreiðartúr. Bolungarvík hvað

[Guðríður Hrefna Haraldsdóttir, 23.3.2007 kl. 23:13]

Hhehehehe, þarf að hugsa betur um þetta ... steingleymdi alveg að redda mér gæa ... fer á Skrúðgarðinn á morgun og tæti í Íslendingaflokknum nýja ... múahhaha! Gera þeir ekki allt fyrir mann þegar kosningar nálgast? 

[Jón Sigurðsson (IP-tala skráð) 24.3.2007 kl. 12:30]

Verður það ekki bara öll helgin með Stuðmanninum í kynlífsstuði? Þeir gera jú allt fyrir kosningar!!