Súpa og stjórnmál ...

Íhugaði alvarlega að kíkja á frú Sigríði bloggvinkonu sem kemur á eftir upp á Skaga með framboðinu sínu ... hugaði svo nje ... of hvasst, blautt og kalt til að ganga ... brrrrrr.

Hringir þá ekki frú Sigríður þegar ég var að hugsa um þetta. Ég sagði henni mínar strætófarir eigi sléttar, en Rvíkurstrætó má víst (held ég) ekki skutla Skagamönnum á milli staða hér þótt innanbæjarvagninn gangi aldrei um helgar og ekki á kvöldin. Annars er það ekkert á hreinu og ég treysti mér ekki til að láta reyna á það! Held að ekkert svo margar hræður myndu notfæra sér það ... og þó! Það væri kannski ekki galið að senda fyrirspurn til Stætó bs og komast að þessu. Er ekki alltaf gott að fá 280 krónur? Ég nenni ekki að kaupa mér bíl. 

Frú Sigríður ætlar bara að kippa mér með. Vonandi verður heit súpa í hádeginu í Skrúðgarðinum. Maður afplánar nú einn stjórnmálafund fyrir súpu. Svo hef ég skammarlega lítið kynnt mér það sem er í gangi í stjórnmálum, bíð bara róleg eftir bæklingum. Það er gaman að vera ópólitísk ... eða óflokksbundin ... maður er eitthvað svo frjáls.

Ómar er æði, hef tekið viðtöl við hann í gegnum tíðina ... tók líka eitt sinn viðtal við konuna hans og sú er ástfangin af honum eftir öll þessi ár og barnafjölda. Mér hefur líka alltaf litist vel á Margréti Sverrisdóttur ... það er bara tilfinning, hef aldrei hitt hana. Jakob Frímann kallaði mig einu sinni (1986) ægifagurt sprund ... en þá var ég að deita vin hans. Mér hefur verið sæmilega hlýtt til hans síðan.

Mér finnst reyndar Geir Haarde æðislegur líka og Katrín Fjeldsted og Steingrímur J. Sigfússon, Helga Vala Helgadóttir ... og svo hefur elskan hún Helga Sigrún nokkrum sinnum bakað svívirðilega góðar kökur fyrir afmælið mitt en við unnum saman í útvarpi í gamla daga. Ætla þó ekki að gera úllen dúllen doff á kjördag, heldur taka upplýsta og afar greindarlega ákvörðun.  

Athugasemdir

[Hugarfluga, 24.3.2007 kl. 13:19]

Ætla einmitt líka að taka upplýsta ákvörðun á kjördag! Verði þér súpan að góðu og megi hún hlýja þér í hráslaganum

[www.zordis.com, 24.3.2007 kl. 14:05]

ÉG kýs ekki.  Væri til í þessa girnilegu súpu .....

[Guðmundur G. Hreiðarsson (IP-tala skráð) 24.3.2007 kl. 14:28]

Hvúaaa, er ekkert að frétta af hurðinni út á altan? Er nú annars svolítið skeptískur á útkomu summunnar: Iðnaðarmaður + föstudagur + leiðindaveður .  

[Guðríður Hrefna Haraldsdóttir, 24.3.2007 kl. 14:57]

Guðmundur, þú er klár ..... dyrnar koma á mánudaginn!

[Ágúst H Bjarnason, 24.3.2007 kl. 14:59]

 Ég var að hugsa það sama.  Hvenær ferðu að geta notið sólarinnar og strandlífsins af svölunum?  Allt hurðarlaust ennþá?

[Jenný Anna Baldursdóttir, 24.3.2007 kl. 15:50]

Ég tek yfirvegaða og vel ígrundaða afstöðu þ. 12. maí nk. Vi. græn er minn flokkur. Ég vona að dagur verði þér unaðslegur og að þú fáir mikið af ullabjökkum og öðru góðgæti í Skrúðgarði

Hvernig er hægt að setja svona mynd inn á athugasemdir?

[Guðríður Hrefna Haraldsdóttir, 24.3.2007 kl. 15:59]

Mynd inn á athugasemdir ... því þarf snillingurinn og jafnvel kannski kjarneðlisfræðingurinn hann Ágúst minn að svara ... Þetta er algjör dýrðarmynd af sólinni þarna!

[Kristín Katla Árnadóttir, 24.3.2007 kl. 16:31]

Maðurinn minn er strætóbílstjóri, ég skal bara biðja hann að pikka þig upp og keyra þig í vinnuna

[Guðríður Hrefna Haraldsdóttir, 24.3.2007 kl. 16:35]

Hehehhe, takk Katla! Ég þigg það! Hvaða leið keyrir hann?

[Kristín Katla Árnadóttir, 24.3.2007 kl. 16:41]

Hann keyrir margar leiðir Gurri mín ha ha

[Guðríður Hrefna Haraldsdóttir, 24.3.2007 kl. 17:13]

Held að þú hefðir skemmt þér vel ... framboðið hefði líka haft gott af því að fá spurningar frá þér ... þú liggur sjaldnast á skoðunum þínum, heillin! Sem er frábært!