Borat búinn, Bond næstur!

Ég gat skellihlegið að sumum atriðum hjá Borat en samt ... smávonbrigði! Bjóst við svo mikilli snilld.

Þá er það bara James Bond! Verst hvað ég er farin að geispa mikið. Það er svona þegar maður vaknar fyrir allar aldir, eða rúmlega 10 á laugardagsmorgni!

Vona að ég geti bætt úr þessu í fyrramálið og sofið til hádegis. 

Athugasemdir

[Brynja Hjaltadóttir, 24.3.2007 kl. 23:39]

Þegar kemur að Borat er ég næstum húmorslaus. Finnst hann stórlega ofmetinn

[Katrín Snæhólm Baldursdóttir, 24.3.2007 kl. 23:41]

Gurrí mín..þú ert nú alveg yndisleg. Meðan venjulegt fólk leitar að tíma til að geta horft á kvikmynd eða lesið í bók...ert þú með rununa fyrir framan þig sem skylduverkefni. Bond er góður. Horfðum á hann í gær...ferlega flottur og ágætis mynd sem skilur ekkert eftir sig en er fín á meðan á henni stendur. Ég er meira fyrir myndir sem maður losnar ekki við úr hausnum í einhvern tíma á eftir.

Planið hér er að sofa út á morgun...vakna ekkert fyrr en maður vill sjálfur. Útsofelsi er stundum betra en hjásofelsi.

Í alvöru!!!!

[Guðríður Hrefna Haraldsdóttir, 24.3.2007 kl. 23:46]

Segggðu. Hættið svo öll með tölu að finna hjásofelsi fyrir mig þegar ég þarf bara útsofelsi! Katrín, þú ert snillingur! Var að kíkja á barnabarnið þitt (myndina). Hún er algjör gullmoli, telpan sú!

[Svava S. Steinars, 24.3.2007 kl. 23:48]

Mér fannst Bond dúndurgóður.  Er loksins komin í netsamband !!!  Gerðist fyrst í DAG !  Hlakka til að lesa bloggið þitt á fullu aftur

[Guðríður Hrefna Haraldsdóttir, 24.3.2007 kl. 23:49]

Elsku Svava! Heldur þú virkilega að ég hafi ekki tekið eftir því að þú værir komin aftur? Hver varð fyrst til að kommenta og gleðjast? Hmmmm!

[Kristín M. Jóhannsdóttir, 25.3.2007 kl. 00:19]

Bond er góður. Þú verður varla svikinn. Og þessi Daniel er kannski ekki sá sætasti í heimi en þvílíkur skrokkur!!!!

[Steinunn Helga Sigurðardóttir, 25.3.2007 kl. 07:28]

he ekki séð bond, og er ekkert sérlega hrifinn af honum, en hafðu fallegan og góðan dag.

ljós frá mér.

steina

[Heiðdís, Ísak og Úlfur (IP-tala skráð) 25.3.2007 kl. 10:35]

Hæhæ:) Mér fannst nú Borat algjör snilld! Ótrúlega góð ádeila.. Fyndið samt hvað Kasakstanar urðu móðgaðir en ekki Bandaríkjamenn, en það var nú fyrst og fremst verið að gera grín að þeim, það sá allur umheimurinn! (Nema Kasakstanarnir og kanarnir auðvitað)

En ég átti að skila til þín Gurrí að englarnir voru að koma m. nýja færslu og Úlfur náðist loksins brosandi á mynd- og þá sem um munar

Vonandi gastu sofið lengur í dag en þú gerðir í gær.. og P.S. Útsofelsi er margfalt minna vesen en hjásofelsi. Útsofelsið er pottþétt ekki abbó út í gömul útsofelsi t.d híhíhí...

[Saumakonan, 25.3.2007 kl. 12:54]

Bondinn stendur nú yfirleitt fyrir sínu... vorum að horfa á Casino Royal í fyrradag og ég er nú sammála öðrum hér... hann er kanski ekki sá fríðasti.. en skrokkurinn maður!!! *blístr*   

[Kristín Katla Árnadóttir, 25.3.2007 kl. 13:11]

É hef ekki séð nýjustu bond myndina, verð að sjá hana Gurri.

[Guðríður Hrefna Haraldsdóttir, 25.3.2007 kl. 13:14]

Ég er hálfnuð með Bond ... og hún lofar mjög góður ... já, mikill kroppur!

[Brynja Hjaltadóttir, 25.3.2007 kl. 13:22]

Ég var að horfa á Bondarann í gær og mér finnst hann bæði sætur og sexý. En ég hef líka frekar undarlegan smekk á karlmönnum  Og mér fannst þessi nýja Bond mynd töluvert öðruvísi en hinar...það meira að segja sást blóð á kauða. Að vísu sofnaði ég yfir myndinni og sá ekki endinn...bæti úr þvi á eftir.

[Guðný Anna Arnþórsdóttir, 25.3.2007 kl. 13:27]

Góða skemmtun, sjónvarpskvikmyndaáhugasápuóperuhöfundardúllan þín!

[Sigríður Jósefsdóttir, 25.3.2007 kl. 14:21]

Varð ekkert sérstaklega hrifin af Bond, horfði á hana um síðustu helgi.  Mér fannst endirinn byrja inni í miðri mynd, og vera afskaplega langdreginn að mínu mati.  Ég ætti kannski bara að halda mig við Harry Potter og Hercule Poirot

[Doddi - Þorsteinn G. Jónsson (IP-tala skráð) 25.3.2007 kl. 19:38]

Bond er æðislegur - Craig er frábær sem Bond og ég er virkilega ánægður með hann. Fannst samt Brosnan alltaf æðislegur!

[Guðríður Hrefna Haraldsdóttir, 25.3.2007 kl. 19:43]

Sammála ... ég á eftir að sakna Brosnan en líst vel á Craig, hann er töffari!

[Anna Ólafsdóttir Björnsson, 25.3.2007 kl. 22:15]

Treysti því að Borat verði skemmtilegri heima með Óla heldur en í fluginu heim um daginn, þegar ég hætti að horfa á hann og fór í staðinn yfir í flugslysamynd, sem reyndist alveg frábærlega raunveruleg inni í flugvélinni, þangað til ég varð batteríslaus. Mun áhrifaminni þegar ég horfði á restina í faðmi fjölskyldunnar (Flug 93). Varðandi Bondinn þá finnst mér þetta frábær spennumynd, með þeim betri, en ekki búin að smella Craig saman við Bond ennþá, kannski vantar bara Q og Moneypenny.