Sætir tvíburar

Get ekki stillt mig um að stela, rétt enn einu sinni, mynd af sætustu prinsunum í fjölskyldunni, þeim Ísaki og Úlfi. Þeir hafa glímt við eyrnabólgur og hefur læknir ráðlagt foreldrunum að setja stopp á miklar gestakomur. Þeir verða að vera frískir áður en þeir fara í næstu aðgerð í byrjun maí.

Þótt þeir séu svona ungir (f. 19.12 sl.) er auðvelt að finna hvað það er mikill munur á persónuleika þeirra ... og þeir eru báðir frábærir, algjörlega ómótstæðilegir.

Ég hótaði foreldrunum því að ræna þeim yfir helgi í himnaríki þegar þeir yrðu sjö ára ... held að biðröðin eftir þeim sé svo löng.   

Athugasemdir

[Hugarfluga, 25.3.2007 kl. 17:16]

Elskurnar litlu!! Þeir eru guðdómlegir  Sendi mína sterkustu hugarstrauma um gott gengi í aðgerðinni í maí.

[www.zordis.com, 25.3.2007 kl. 17:50]

Þvílíkur dúllusar þessir drengir.  Það er víst betra að passa upp á að þeir verði frískir þegar tíminn kemur fyrir næstu aðgerð.  Líkir en samt svo ólíkir!

[Doddi - Þorsteinn G. Jónsson (IP-tala skráð) 25.3.2007 kl. 19:39]

Þeir eru svo sætir!!! Algjörar dúllur! Kossar og knús í tilefni af því!

[Jenný Anna Baldursdóttir, 25.3.2007 kl. 20:37]

Mér finnst þessi krútt eins og tveir vatnsdropar, alveg svakalega líkir.  Elskurnar litlu að þurfa að fara í aðgerð á aðgerð ofan.

[frænkubeib (IP-tala skráð) 25.3.2007 kl. 21:20]

Það heyrist hér í kringum mig að það sé ættarsvipur á ferðinni þarna....og gettu bara í hvaða ætt....ef ég nefni nafnið Jónas..þá kemstu á sporið.  kv. Frænkubeib..

[Guðríður Hrefna Haraldsdóttir, 25.3.2007 kl. 21:20]

Já, þetta er rétt að hefjast! Það kom mér á óvart þegar ég hitti þá um daginn hvað þeir eru einmitt líkir þótt þeir séu tvíeggja! Annar líkist í móðurættina og hinn í föðurættina ... en samt!

[Guðríður Hrefna Haraldsdóttir, 25.3.2007 kl. 21:22]

Sko ... frænkubeib. Pabbi hennar mömmu hét Jónas Jónasson. Pabbi hans pabba hét líka Jónas Jónasson! Heheheheh, þetta Jónasarnafn er mjög sterkt í báðum ættum! Væri gaman að fá fleiri vísbendingar. Flatey á Skjálfanda eða Skagafjörður?

[bara Maja..., 25.3.2007 kl. 21:44]

Mikið rosalega eru þeir fallegir, þessi augu... maður missir sig alveg  Hlýjar óskir um gott gengi í aðgerðinni í mai

[Hólmgeir Karlsson, 25.3.2007 kl. 23:15]

Það er ljómi yfir þessum litlu andlitum. Vonandi gengur allt vel í maí, því þetta er varla áreynluslaust fyrir smáfólkið. Þú skalt fá þetta skriflegt með "ránið" að 7 árum liðnum, tel það vissara

[Hulda (IP-tala skráð) 25.3.2007 kl. 23:49]

Þeir eru líkir og algjörar dúllur... það er rétt með það að eineggja tvíburar eru nú ekki beint líkir persónulega, systir mín á eineggja stelpur og þær eru ekkert með líkan persónuleika þó útlitið sé eins en samt sem áður sést stundum munur á þeim... t.d. þegar önnur er ekki dugleg að borða matinn sinn.

[Brynja Hjaltadóttir, 25.3.2007 kl. 23:59]

Algjörar bjútíbollur..það fer að hringla í mér við að sjá svona mynd

[frænkubeib (IP-tala skráð) 26.3.2007 kl. 21:36]

Skagafjörður að sjálfsögðu......þessi sem var með biluðu teygjuna..hehe...Annars er sniðugt hvað þinn leggur hefur haldið sig við Jónasarnafnið......

[Jónasína (IP-tala skráð) 27.3.2007 kl. 15:05]

 Hmmmm.... Kæri/a óskráða frænkubeib !  Meiri upplýsingar um persónu þína væru vel þegnar.  Þar sem Jónas í Hróarsdal ættfaðir Skagafjarðar-Jónasanna átti aðeins um 33 börn innan hjónabands fyrir utan ómerkinga og frjósemin þvílík hjá afsprengjunum þá er útilokunaraðferðin nánast útilokuð...???

[Guðríður Hrefna Haraldsdóttir, 27.3.2007 kl. 16:19]

Langalang: Jónas frá Hróarsdal (Theodóra???) man ekki löngu ömmurnar ... 

Lang: Jósteinn (Lilja?) bara gisk ...

Amma/afi: Mínerva (Jónas, bóndasonur frá Helluvaði á Rangárvöllum)

Foreldrar: Bryndís - (Haraldur Jónasson Jónassonar frá Flatey á Skjálfanda)

Ein spurning, elsku frænka ... Með biluðu teygjuna HVAR/HVENÆR ... ?

[frænkubeib (IP-tala skráð) 27.3.2007 kl. 22:11]

Mjamm...svona eru tengslin:

Lang: Jónas frá Hróarsdal (Lilja konan hans, sú síðasta)

Afi: Páll Kona: Þóra

Foreldrar: Lilja (Pétur, ættaður af Rangárvöllum)

Frænkubeib: Svafa

Og ....miðað við barnafjöld..ja teygjan hlítur að hafa verið biluð hjá langafa.... Vona að þetta komi ykkur rækilega á sporið Elsku hjartans frænkur.....   Og þetta er engan veginn illa meint...sver mig verulega í þessa ætt sjálf....eins Gurrí hefur væntanlega séð sjálf...

[Guðríður Hrefna Haraldsdóttir, 27.3.2007 kl. 23:16]

Fyndið, frænkubeib ... að vinkona mín og næstum jafnaldra, Halla frænka okkar, skuli vera barnabarn Jónasar frá Hróarsdal. Ég ætti að vera á sama aldri og barnabörnin hennar ... en svo er hún bara með grislinga sjálf!