Flutt í Kópavoginn ... nauðug ... algjör martröð

Vorið kom í morgun. Svanahjónin voru mætt á tjörnina sína rétt hjá Miðgarði, samkomuhúsi fyrir utan Skagann (Skagfirðingar eru ekki einir um Miðgarðshallir). „Sérðu svanahjónin, þau eru bara komin!“ sagði Ásta,  sumarglöð í röddu. „Svo var næstum orðið bjart þegar ég lagði af stað út úr dyrunum!“ sagði ég. „Það er komið vor!“ sagði Ásta væmnislega.„Hvað ertu þá að gera með vettlinga og trefil?“ spurði ég. „Segðu,“ sagði Ásta og hjúfraði sig betur upp að mér til að fá hlýju. Ég var bara með einn trefil sjálf í stað þriggja, og það voru mistök. Það er ekkert að marka almanakið, svani eða birtustig!  

Tommi hressi með yfirvaraskeggið, eða brosmildi bílstjórinn, sat undir stýri og við hlustuðum á dásamlega tónlist á Rás 2. Litli tónlistarmaðurinn hljómaði þegar við keyrðum áleiðis að göngunum. Lagið Í stuði hljómaði á Kjalarnesi ...

....... og svo var ljómandi gaman að heyra í Guðrúnu Gunnarsdóttur með honum Gesti Einari. Sjúklega gott að hlusta á þau á morgnana.     -      -       -      -      -      -      -      -      -      -      -      -       -      -      - 

Er enn að jafna mig eftir skelfilega martröð ... mig dreymdi í nótt að ég hefði flutt í Kópavoginn of oll pleisis. Veit ekki ástæðuna en þetta var gert í hasti og blessaðir kettirnir gleymdust meira að segja á Skaganum. Ég var með nagandi samviskubit út af þeim ... og líka fannst mér skrýtið að vera að fara að kjósa í öðru kjördæmi! Kópavogsíbúðin var stórglæsileg, á jarðhæð, sýndist mér en tilfinningin var svo skrýtin ... eins og ég hafi flutt í fljótfærni eða hálfnauðug, samþykkt það í hita augnabliksins. Man líka eftir því frá því í nótt að hafa laumað góðum upplýsingum til rannsóknarlögreglunnar sem hefur án efa hjálpað þeim við lausn málins.

Það er ekki skrýtið þótt ég sé stundum þreytt á morgnana ef ég stend í flutningum á nóttunni og mati auk þess lögguna á ómetanlegum upplýsingum. Ég vil sofa!

Athugasemdir

[Ólafur fannberg, 26.3.2007 kl. 08:17]

hæ hó innlitskvitt

[SigrúnSveitó, 26.3.2007 kl. 08:21]

Já, ég hef tekið eftir því að þegar mig dreymir mikið þá er ég miklu þreyttari á morgnana en ella.  Ég stóð í stórræðum í nótt...og var gjörsamlega búin á því þegar ég vaknaði!!  

[Eydís Rós Eyglóardóttir, 26.3.2007 kl. 08:24]

Kópavog af öllum stöðum!  Mér er sama hvað Gunnar Birgisson segir oft ;"það er gott að búa í Kópavogi"! Ég trúi því ekki enn og mun ekki gera það !

Sveitin er lang best að mínu mati.... Svanirnir eru löngu mættir á vatnið hjá mér.... samt er ekki enn komið vor... ja nema kannski svona smá forsýning á því.....

[Anna Benkovic Mikaelsdóttir, 26.3.2007 kl. 08:30]

það er gott a' búa í Kópavogi og verður mikið betra þegar Gunnar slóði fer á eftirlaun!

[Gunna-Polly, 26.3.2007 kl. 08:48]

sko !! það er nógu erfitt að rata í kópavogi hvað þá að flytja þangað , ég er á því að kópavogsbúar séu Reykvíkingar sem villtust í Kópavogi og rötuðu ekki heim aftur heldur urðu að setjast að þar 

[Guðríður Hrefna Haraldsdóttir, 26.3.2007 kl. 08:55]

Hehehe, ég var aðallega að stríða Hildu systur með þessu Kópavogur of oll pleisis! Langar ekki fet að flytja af Skaganum, þess vegna var sjokkið. Bið alla Kópavogsbúa að fyrirgefa mér þetta spaug!

[Doddi - Þorsteinn G. Jónsson (IP-tala skráð) 26.3.2007 kl. 09:53]

Kópavogur er eitt flóknasta völundarhús sem ég veit hús ... þannig að ég skil þreytuna - ef þú þarft hins vegar hjálp við flutninga í svona draumum, smelltu þá bara hælunum þínum saman og ég birtist á einhyrningnum mínum

[Guðríður Hrefna Haraldsdóttir, 26.3.2007 kl. 10:49]

Ohhh, Doddi .. ég geri það! Takkkkkkkk

[Steingerður Steinarsdóttir, 26.3.2007 kl. 10:55]

Vertu velkomin í Kópavoginn Gurrí mín. Bendi á að þar má sjá lygnan sjó og gott fólk.

[Guðríður Hrefna Haraldsdóttir, 26.3.2007 kl. 12:17]

Hugsaði ekki til þín í nótt, Steingerður mín, annars hefði mér verið rórra!

[Hugarfluga, 26.3.2007 kl. 12:41]

Ég, Vesturbæingurinn sjálfur, hélt ég myndi aldrei segja þetta, en það er best að búa í Kópavogi!! KR-svuntan og grillhanskarnir njóta sín líka einstaklega vel á svölunum á sumrin. Verð áreiðanlega skotin á færi einn góðan veðurdag.

[Svala Jónsdóttir, 26.3.2007 kl. 22:56]

Kópavogur er yndislegur bær. Þar er best að búa. :)

[Sigga sem les stundum bloggið þitt því þú ert fyndin (IP-tala skráð) 30.3.2007 kl. 10:14]

Þú veist að kvennafangelsið er í Kópavogi eða Ópavogi eins og það var kallað fyrir ca 11 árum síðan........

Getur verið að þetta sé slæmur fyrirboði?  Varstu nokkuð að gera eitthvað af þér?