Blautbolir valda uppnámi ...

Ein samstarfskona mín, sem kemur oft frekar snemma í vinnuna, kom og spjallaði aðeins við mig í morgun.

Hún er löngu orðin amma og sagði mér að hún hafi rifið síður úr ónefndu tímariti (ekki Vikunni) til að barnabörnin gætu skoðað það en þyrftu ekki að horfa á berbrjósta stelpur í blautbolskeppni og glápandi, kappklædda karla á jakkafötum í kringum þær.

Henni fannst þetta niðurlægjandi fyrir konurnar og ekki holl innræting fyrir barnabörnin, svona hegðun (stúlknanna) stuðlaði að skorti á virðingu fyrir öllum konum ... og lægri launum ...

Ég starði steinhissa á þessa samstarfskonu mína. Ekki hafði mér dottið í hug að hún hataði karlmenn!

Athugasemdir

[Doddi - Þorsteinn G. Jónsson (IP-tala skráð) 26.3.2007 kl. 09:57]

Ef það hjálpar ... og ef samstarfskona þín vill það - þá get ég alveg boðist til að senda henni myndir af mér í hvítum bol, rennandi blautum ... það yrði bara hressandi eftir helgina og ég verð ekkert niðurlægður af því

[Guðríður Hrefna Haraldsdóttir, 26.3.2007 kl. 10:32]

Hahahhaah, ég var bara að rifja upp þessi fáránlegu samskipti á dögunum þar sem enginn mátti opna munninn til að tala gegn t.d. klámi (sumir gengu vissulega mun lengra en aðrir) þá voru þetta femínistabeljur og karlahatarar!

Þetta gerðist reyndar nákvæmlega svona í morgun. Samstarfskonan sagði þetta við mig ...  en ég ákvað að kalla hana karlahatara í stað femínistabelju.

[Hildigunnur Rúnarsdóttir, 26.3.2007 kl. 10:38]

hehehe

Þegar öll lætin voru þarna um daginn var ég ekki búin að sjá Smáralindarbæklinginn, spurði bóndann hvort hann vissi hvar hann væri. Svarið: Nú, undir rúmi...

[Guðríður Hrefna Haraldsdóttir, 26.3.2007 kl. 10:42]

Svo held ég að konan hafi viljað konur í meiri föt ... ekki karlana úr (þar erum við ósammála ... múahahahahah)!

Anna, þú ert heit!!! 

[Sigríður Jósefsdóttir, 26.3.2007 kl. 11:25]

Nýyrði sem ég sá einhversstaðar, "Feminálfur"

[Kristín Katla Árnadóttir, 26.3.2007 kl. 12:28]

Það er nú meiri lætin útaf þessum Smáralindarbækling.

[Ólafur fannberg, 26.3.2007 kl. 12:31]

best að fara að kikja i þennan margrómaða  Smáralindabækling

[Guðríður Hrefna Haraldsdóttir, 26.3.2007 kl. 12:59]

Já, Katla, meiri vitleysan sem þetta fór út í. Þetta hófst sem mjög berorð gagnrýni á uppstillinguna á stelpunni og breyttist í stríð milli karla og kvenna (sumra). Algjört bjakk. Já, Fannberg, ég verð líka að sjá þennan bækling!

[SigrúnSveitó, 26.3.2007 kl. 13:15]

Hvaða Smáralindarbækling eru allir að tala um?

[Guðríður Hrefna Haraldsdóttir, 26.3.2007 kl. 15:02]

Hmmm, hittumst bráðum, ég skal útskýra allt fyrir þér!