Eldvarnardyrnar ógurlegu

Smiðurinn mætti þegar Prison Break var að hefjast og kettirnir gjörsamlega biluðust af ást til hans. Ég er farin að halda að þeim finnist ég leiðinleg.

Það getur vel verið að biðji þennan ágæta mann að smíða allt fyrir mig ... hjálpa mér með eldhúsdæmið, baðið og bara allt saman. Hann segist vera til í að skreppa með mér í bæinn og kíkja á IKEA-innréttingar. Það er ódýrara en að láta sérsmíða fyrir sig! 

Það virtist allt vera svo lítið mál hjá honum ... nema að snúa eldvarnarhurðinni við, það sem ég hélt að væri fyrirhafnarminnst. Ég vil að dyrnar opnist þannig að fólk fari til vinstri þegar það kemur inn í himnaríki. Þær opnast í átt að svefnherberginu og ég þarf alltaf að hrinda gestum mínum (sem hafa ekki komið áður) hranalega í hina áttina, eða að eldhúsi og stofu. Hann segir að ég gæti þurft nýja hurð og karm. Kannski er bara ódýrara að fá sér grimman varðhund sem hræðir fólk frá því að fara til hægri. Hvað segja kettirnir þá! Kannski er hægt að þjálfa þá í eitthvað svona.

Athugasemdir

[Heiða Þórðar, 27.3.2007 kl. 22:21]

Ég sem hélt að svefniherbergið væri himnaríki

[Kristín Katla Árnadóttir, 27.3.2007 kl. 22:36]

Guð, Gurri varstu ekki pirruð þegar smiðurinn kom þegar Prison Break var. Kisurnar hafa greinilega ekki áhuga að horfa á prison break, hihi 

[Guðríður Hrefna Haraldsdóttir, 27.3.2007 kl. 22:42]

Ég var svo glöð að vera búin að fá smiðinn loksins (þótt hann komist ekki í verkið fyrr en í þarnæstu viku) að ég horfi bara á endursýninguna á Prison Break. 

[Hugarfluga, 27.3.2007 kl. 22:55]

Já, var þaggi! Tælandi gestina inn í hergibergi .... Gurrí þó!!

[Guðríður Hrefna Haraldsdóttir, 27.3.2007 kl. 23:12]

Ég hrinti smiðnum EKKI inn í herbergið mitt ... í alvöru!

[Saumakonan, 27.3.2007 kl. 23:13]

Dýrara að fá sér hund (nema það sé ódýr blendingur hehe)...   eldvarnarhurð kostar eitthvað á bilinu 40-60þús en hundur allt að 200þús!    Miklu ódýrara að fá sér skerm eða já bara spegil sem er stillt upp beint fyrir framan þegar gengið er inn þannig að það sjáist ekki inn í svefnherbergið en aftur á móti inn í eldhús/stofu hehehehe

[Guðríður Hrefna Haraldsdóttir, 27.3.2007 kl. 23:18]

Snilldarsaumakona!!! Er orðin þreytt á því að hrinda gestunum mínum til og frá!

[Brynja Hjaltadóttir, 27.3.2007 kl. 23:27]

Skemmtilegt að heimsækja fólk sem hrindir manni um húsið

[Guðríður Hrefna Haraldsdóttir, 27.3.2007 kl. 23:37]

Já, segðu

[halkatla, 28.3.2007 kl. 00:07]

alltaf að taka mark á köttunum, þeir þekkja góðu gæjana miklu betur en við þú gætir kannski leyft þeim að ala upp lítinn varðhundshvolp....

prison break!!! næstum of spennandi

[Svava S. Steinars, 28.3.2007 kl. 00:58]

Kettirnir gætu ráðist á gesti og hreinlega nuddað sér upp við þá malandi þar til að þeir ná að mjaka liðinu inn í stofuna.  Svo er alltaf hægt að fá sér stórt neonskilti með ör og orðunum ÞESSA LEIÐ EÐA ÞIÐ HAFIÐ VERRA AF

[Ólafur fannberg, 28.3.2007 kl. 02:42]

maður mætir bara í ruby galla tilbúinn í hrindingar og frákast hehehe

[Guðríður Hrefna Haraldsdóttir, 28.3.2007 kl. 07:49]

Hahahahahahah!  

[Sigga (IP-tala skráð) 30.3.2007 kl. 10:50]

Fáðu þér þá dobermann og fóðraðu hann bara á hráu kjöti, þá verður hann verulega grimmur og enginn þorir inn í svefnherbergið þitt.......

En þú verður þá sennilega að kenna honum að borða ekki litla sæta ketti eða loka hann inni einhversstaðar þar sem hann kemst ekki í kettina