Einkennileg sambönd og varúð á vegum

Ég veit ekki alveg hvaða sambönd systir hans Tomma bílstjóra hefur en það ríkti hreinlega rómantískt andrúmsloft í strætó í morgun.

Í útvarpinu var Labbi og grét eitt fallegasta lag í heimi: „Aleinn, í ókunnu landi, einmana reika um framand' og ókunna strönd ...“  

Þetta var rosaleg stemmning, tala nú ekki um þegar kom þessi líka rómantíska sólaruppkoma á meðan lagið hljómaði ...  

Ásta hvíslaði að mér: „Finnst þér Tommi ekki vera duglegur? Hann hefur náð 15 kílóum af sér síðan um áramót!“ („Rosalega ertu feit, Gurrí!“). 

Þegar ég hoppaði lipurlega út úr vagninum sagði ég við Tomma: „Passaðu þig,!“ Held að hann hafi haldið að ég meinti að hann ætti að passa sig á bílunum ...

P.s. Ekki hægt að setja inn mynd og svo klessist textinn allur saman eftir að ég hef ýtt á Vista færslu og birta. Greinarskil verða engin ... arggggg! Þetta gerist ekki í tölvunni heima!

Athugasemdir

[Hrönn Sigurðardóttir, 28.3.2007 kl. 08:49]

....Labbi á heima í minni sveit  

[Guðríður Hrefna Haraldsdóttir, 28.3.2007 kl. 08:55]

Montrass!

[SigrúnSveitó, 28.3.2007 kl. 09:10]

Var með Jóhannes í 3½ árs skoðun í gær, og rákum við þar augun í Vikuna.  Ég fann mynd af þér og sagði; "Þekkirðu þessa?"  Hann horfði á mig lymskulega en svaraði ekki.  Þá sagði ég; "Þetta er Gurrí".  Þá gellur í mínum; "Er það ekki hún sem drekkur EKKI mjólk?!"

[Jenný Anna Baldursdóttir, 28.3.2007 kl. 09:12]

Kjútipæ sem sérfræðingur í umfangsmálum fólks þá er þarna greinilega verið að ýja að því að þú megir nú fara að: hreyfa þig, borða minna, hætta að drekka (svo margar kaloríur í bjór og rauðvíni), sofa betur og hætta í namminu.

HÚN ER AÐ SEGJA ÞÉR AÐ ÞÚ SÉRT FEIT!!!!!!

[bara Maja..., 28.3.2007 kl. 09:35]

AAaaRRrrGGggHHhh helv. moggablogg, tók úr mér allan bloggmátt í gær...

[Guðríður Hrefna Haraldsdóttir, 28.3.2007 kl. 09:50]

Heheheheh, ég veit, Sigrún sveitamær, ég á aldrei til mjólk þegar Jóhannes kemur í heimsókn, bara kaffirjóma!

Já, Jenný, ég er sko búin að fatta þetta ...

Darling María ...

[Guðríður Hrefna Haraldsdóttir, 28.3.2007 kl. 09:51]

Skrýtið þetta með að geta ekki sett inn myndir ... ætli sé vírus í Moggablogginu? Hef heyrt fleiri barma sér yfir þessu!

[Kristín Katla Árnadóttir, 28.3.2007 kl. 10:19]

Sko Gurrí þú ert ekki feit

[Guðríður Hrefna Haraldsdóttir, 28.3.2007 kl. 10:32]

Ehehehehe, veit það ... ég er það kannski við hliðina á t.d. Kate Moss ... þess vegna hef ég ekki viljað kynnast Kate Moss.

[SigrúnSveitó, 28.3.2007 kl. 10:47]

Já, einmitt.  Enda ef það er minnst á að fara til þín þá er það fyrsta sem þau segja; "Við verðum að taka mjólk með"

Ekki langar mig heldur að kynnast Kate Moss...hver sem hún er...!! 

[Jón Svavarsson, 28.3.2007 kl. 11:24]

Jááám, ég held að feitur sé afstæt, sjálfur er ég all myndarlegur þeas aðeins þéttur, en fólk gleymir líka hvað það er mikil vinna við þetta allt, hugsið ykkur fólk sem er í þeim störfum, eins og ég, að þurfa að smakka á öllu mögulegu til að geta sagt til og hrósað fólki fyrir góðan mat. Au þess er ég mikið í því að taka myndir af mat og hef það fyrir reglu að borða hann á eftir, það er hryllilega gott,uuuuuuhhhhmmm. Þið ættuð bara að vita :-)

[Sigríður Jósefsdóttir, 28.3.2007 kl. 11:35]

Gurrí mín, þú ert flottust

[Jónsi (IP-tala skráð) 28.3.2007 kl. 11:52]

Það er sko munur að vera karlmaður, meira að segja í tísku að vera hinn mjúki maður

P.s. ég er sko ekki að segja að þú sért feit...

[Doddi - Þorsteinn G. Jónsson (IP-tala skráð) 28.3.2007 kl. 12:02]

Eru menn duglegir fyrir að tapa kílóum?????? Missa kíló???

I've been doing this all wrong! ...

Ég hef nefnilega bætt svo mörgum kílóum á mig og finnst ég vera æðislega duglegur!!!

[Guðríður Hrefna Haraldsdóttir, 28.3.2007 kl. 12:09]

Doddi, ég tek svo undir þetta! Fólk sem MISSIR viljandi kíló er ekki í lagi! Jón, flott hjá þér ... fórnfúst að smakka svona allt sem þú myndar!

Jónsi, víst, ég heyrði sko alveg hvað þú sagðir!!!!

Já, frú Sigríður ... æ nó!

[bara Maja..., 28.3.2007 kl. 12:18]

Ég er búin að senda fyrirspurn á yfirstrumpinn í  blogginu... þeir eru að skoða málið  sko varðandi myndirnar, ekki þetta með kílóin... hef aldrei skilið að fólk skuli vilja missa, já missa kíló... bilun. *hristi haus*

[Jenný Anna Baldursdóttir, 28.3.2007 kl. 16:10]

Já og tapa sér yfir misstum kílóum.

[Magga Tomma systir (IP-tala skráð) 28.3.2007 kl. 18:01]

Ég er farinn að senda góða strauma i stætó á morgnana.....mig er virkilega farið að langa í mákonu.....ég á tvo bræður og enga mákonu....(nema allar systur mannsins míns) held áfram að leggja galdra á strætó ....

[Guðríður Hrefna Haraldsdóttir, 28.3.2007 kl. 19:54]

Farðu varlega svo að þau Ásta harðgifta endi ekki saman ... múahahhahaha ...