Þrennir tvíburar og einn í fríi ...

Mikið var þetta góður dagur. Komst óvenjusnemma úr vinnunni og heimsótti elskuna hann Halldór frænda. Fékk vöfflur og latte hjá honum og var kölluð herfa, belja og slíkt, eins og venjulega. Það er hrós af hans vörum ... og maður grenjar úr hlátri. Fæ alltaf góða útrás fyrir laumu-masókismann með að heimsækja hann. Mamma hefur ekki enn fyrirgefið honum fyrir að dissa Breiðholtið fyrir tíu árum eða svo þegar hann var að skutla henni í Asparfellið og spurði hvort hann mætti fleygja henni út á ferð svo að hjólkoppunum yrði ekki stolið!

Elsku Davíð kom og sótti mig til Halldórs og poka fullan af baðbombum og förinni var heitið í Kópavoginn með viðkomu í Breiðholti þar sem við sóttum mömmu. Hjá Hildu beið okkar sjúklega góður kjúklingaréttur ... og húsið fylltist af tvíburum, ýmist í pörum eða ekki. Þarna er ég að tala um Úlf og Ísak í pari og mömmu (tvíbura) sem var stök.

Þegar ég fór inn á bað hjá Hildu og gramsaði aðeins inni í skápum þar mér til dægrastyttingar fann ég skrýtinn hlut ... eða svona kristilegan klósettpappír!!! Hverju safnar fólk ekki að sér?

Við horfðum á X-Factorinn og hrifumst mjög af frammistöðu Guðbjargar. Rosalega hefði Ellý verið snjöll og slegið tvær flugur í einu höggi ef hún hefði sent Hara heim á dögunum þegar Alan þurfti að kveðja. Þá væri Einar ekki (enn) í fýlu út í hana og Guðbjörg væri sennilega inni eftir kvöldið. Svona er hægt að vera vitur eftir á! Múhahahaha!

Elsku frænkurnar Margrét og Dagbjört kíktu í heimsókn og ég smellti mynd af þeim með mömmu. Þetta er nú fallegt fólk. Verst að ég erfði ljósu fegurðina úr pabbaætt. Það hefði kannski verið tú möts að fá dökka sjarmann líka ... brúnu augun og svona.   

Þegar Guðbjörg datt út átti Halldóra litla Ellýjardóttir voða bágt og hágrét ... hún var farin að brosa aftur þegar Ellý kom og sótti okkur, keypti ís, tók bensín og brunaði með okkur á Skagann.  

Ég breyttist mikið í útliti við að fara til Hildu í kvöld.

Var óskaplega hugguleg framan af en svo settist ég fyrir framan nýja Makkann hennar og hviss, bang, ég eignaðist evil twin ... nema önnur hliðin á mér sé svona huggulegt teratoma-æxli! Hvor?

Búin að strauja handklæðin og brjóta þau vel saman fyrir handklæðavaktina á morgun þegar brjálaða veðrið skellur á ...

Eins og ég hef áður sagt þá endurnýti ég að sjálfsögðu vatnið úr handklæðunum, vind þau og sýð vistvæna regnsúpu úr.

Erum við ekki sætar hér til vinstri. Heiðdís á milli okkar Halldóru. 

Athugasemdir

[Doddi - Þorsteinn G. Jónsson (IP-tala skráð) 31.3.2007 kl. 04:35]

Ég get vel trúað því að margir sakni Guðbjargar, en mig grunar að uppsöfnuð aðdáun á Hara hafi riðið baggamuninn, því sannarlega var Guðbjörg frábær í kvöld á meðan Hara klikkuðu dálítið. Það breytir því ekki að ég hélt með Hara og anda því léttar ... mér fannst Guðbjörg taka þessum úrslitum frábærlega og ótrúlegt að hún sé bara 16 ára!! Frábært kvöld hjá henni og hún skoraði hátt. En úrslitaþátturinn ... má fara þannig séð hvernig sem er, ég hef alltaf fílað Hara og Jógvan.

En ég fíla þig í tætlur, dúlla!!  Jafnvel þótt þú eigir evil twin!! Knús knús til þín ... góða nótt (James Bond maraþon fær nú 4 klst. hvíld)  

[Steinunn Helga Sigurðardóttir, 31.3.2007 kl. 09:10]

frábær þessi með hjólkoppana ! húmor sem mér finnst góður.

ljós til þín á laugardegi

steina 

[www.zordis.com, 31.3.2007 kl. 09:55]

Evil Twin ... nokkuð scary Jedúddamía, mér finst það að henda mömmu þinni út á ferð ógisslega gróft fyndið hjá frænda þínum.  Það er mikilvægt að láta sér ekki leiðast og þessi færsla ber vott um það. Smúts á laugardegi!

[Saumakonan, 31.3.2007 kl. 09:56]

Innrás frá öðrum hnetti!!!!   kræps það sem er hægt að gera við myndir! hehehehehe

[Brynja Hjaltadóttir, 31.3.2007 kl. 10:02]

Svona kristilegur klósettpappír fékkst í Byko fyrir jólin og það vakti kátínu gesta að þurrka bossan með hreindýrum og jólasveinum

Ef manni er illa við jólasveina þá bara skeina sig á þeim

[Jenný Anna Baldursdóttir, 31.3.2007 kl. 12:01]

Þetta með hjólkoppana "made my day"

[Hrönn Sigurðardóttir, 31.3.2007 kl. 13:31]

frábær maður Halldór frændi - greinilega maður að mínu skapi! Er hann á lausu?

[Guðríður Hrefna Haraldsdóttir, 31.3.2007 kl. 13:52]

Held svei mér þá að hann sé á lausu ... fæddur ´71 ... og með besta húmor í heimi. 

[Jenný Anna Baldursdóttir, 31.3.2007 kl. 14:20]

Jesús Gurrí af hverju eru alltaf allir "yngri" en ég? Var búin að sjá Halldór fyrir mér sem mann á mínum aldri (er vel gift ekki í neinum vafasömum hugleiðingum) en mér finnst allir vera á mínum aldri.  Drengurinn er skamkvæmt ártali ári yngri en elsta dóttir mín.  Ég er OLD

[Guðríður Hrefna Haraldsdóttir, 31.3.2007 kl. 14:37]

Er þetta ekki óþolandi? Einu sinni hringdi maður í mig í útvarpið, daðraði einhver ósköp og vildi endilega vita hvað ég væri gömul. Ég sagði honum að ég væri 38 ára, sem ég var þá. Þögn ... svo eftir smástund kom: „Vá, þú ert ári yngri en mamma!“ Þá áttaði ég mig á því að ég væri ekki lengur krakki!  

Jenný mín, mundu að sumir vildu gefa annað nýrað á sér til að vera jafnungir og þú ...  Við erum kannski gamlar skrukkur miðað við börnin ... en ekki miðað við aðra.

Verst að aldurinn færir fólki ekki aukna virðingu hér á landi, frekar hið gagnstæða, annar væri miklu meira tilhlökkunarefni að eldast!

[Hrönn Sigurðardóttir, 31.3.2007 kl. 15:35]

...áttu kannski annan frænda aaaaaaðeins eldri?

[Guðríður Hrefna Haraldsdóttir, 31.3.2007 kl. 15:38]

Ég á nú ansi sætan bróður ... sem er 40+. Veit ekki hvort hann er á lausu núna. Skal tékka á málum ... múahahhahaha!

[Hrönn Sigurðardóttir, 31.3.2007 kl. 15:40]

....leyfið mönnunum að koma til mín og bannið þeim það ekki......

var þetta ekki einhvern veginn svona?

tíhíhíhíhíhíhíhíhí flissaði konan lymskufull