Hvar eru allir rjómantísku riddararnir?

Ég ákvað að æfa mig aðeins í páskaeggjaáti og keypti páskaegg númer eitt. Súkkulaðið var gott en þetta voru samt mistök hjá mér. Málshátturinn: „Margt er hjóna hjalið“ gerði ekkert nema minna mig á þá fáránlegu staðreynd að enginn karl (af réttu kaliberi) hefur viljað mig síðan á áttunda áratug síðustu aldar. Ég veit satt að segja ekkert hvernig erfðaprinsinn varð til. Þarf kannski að rifja upp biblíusögurnar mínar til að finna skynsamlega skýringu.

Kröfurnar sem ég geri til mögulegs eiginmannsefnis eru eðlilegar. Hann þarf að vera myndarlegur, kunna að búa til mat, vera vel lesinn, frægur og með góðan húmor.
Annar hver Íslendingur af réttu kyni og á réttum aldri uppfyllir þessi skilyrði (sjá Séð og heyrt) en líklega er einmitt sá hluti með einhverjar glyðrur í eftirdragi.

Eitt í stöðunni er að slaka aðeins á kröfunum ... en þá eru eiginlega bara hommar og kaþólskir prestar eftir sem uppfyllta þetta með útlitið og húmorinn.

Ég er núorðið virkilega hlynnt innflutningi á harðduglegum mönnum frá öðrum löndum en gallinn er sá að þeir vinna svo mikið að ég finn þá hvergi. Ég gleymi því ekki hvað ég leitaði mikið að Damon Albarn á sínum tíma þegar ég frétti að hann hefði keypt íbúð í 101 Reykjavík. Gekk hús úr húsi og þegar ég loksins fann hann í Pósthússtræti 13 þá var hann ekki heima, var að halda tónleika með Blur í Höllinni! Hann er einmitt þessum tíu árum yngri sem mér finnst svo hentugt því hann endist miklu betur fyrir bragðið.  

Jamm, það er fyrsti apríl í dag. Ekki trúi ég orði sem einn eða neinn segir í dag, ég hló yfir fréttunum. Real Madrid vann leikinn, my ass! Hafnfirðingar höfnuðu álveri, sjúr.

Athugasemdir

[www.zordis.com, 1.4.2007 kl. 19:27]

Amma krútt gifti sig í dag fyrir mörgum árum  ............... Ég held að margir flottir dyttu inn ef þú slepttir orðinu frægur!  Gurri, frægir menn eru yfirleitt slappari! 

[Guðríður Hrefna Haraldsdóttir, 1.4.2007 kl. 19:51]

Sko, frægðin skiptir öllu. Hann má vera frægur vélsagarmorðingi fyrir mér! Bara frægur! Þá kemst ég kannski í Séð og heyrt!!! Hélt að þú þekktir mig betur en þetta ... Hmmmmm

[Kristín Katla Árnadóttir, 1.4.2007 kl. 20:12]

Gurri ég prógaði 1 apríl gabbið á vinkonu minni  en það gekk ekki upp því hún ætlað fara að hringja í 118  til vita hvaða kona þetta væri ég varð að stoppa hana af ansk.

[Guðríður Hrefna Haraldsdóttir, 1.4.2007 kl. 20:14]

Þú áttir að skrifa nafnið þitt undir ... prófaðu þetta á einhverja aðra! Eða einhvern annan. Múahahhahaha

[Kristín Katla Árnadóttir, 1.4.2007 kl. 20:15]

Gurri ég prógaði 1 apríl gabbið á vinkonu minni  en það gekk ekki upp því hún ætlað fara að hringja í 118  til vita hvaða kona þetta væri ég varð að stoppa hana af ansk.

[Kristín Katla Árnadóttir, 1.4.2007 kl. 20:16]

Sorry ég gerði 2 sinnum.

[Kristín Katla Árnadóttir, 1.4.2007 kl. 20:17]

hahaha reyni.

[Ester Júlía, 1.4.2007 kl. 20:17]

'Eg held að Damon Albarn eigi ennþá hús hérna rétt hjá mér í Grafarvoginum.  Það stendur tómt en er þó með fullt af flottum húsgögnum, ( kíkti á gluggann í fyrrasumar). 

Hann myndi ekkert taka eftir því þótt þú flyttir inn, væri eflaust bara ánægður með ef það væri eðalkaffi á könnunni þegar hann loks kemur heim.  Mér finnst þetta mjög hentugt hús fyrir þig, kattvænt og útsýni yfir hafið, styttra í vinnuna og sonna. 

[Guðríður Hrefna Haraldsdóttir, 1.4.2007 kl. 20:23]

Aha! Þú segir nokkuð! Þetta er einstaklega hentugt. Fer í þetta mál eftir páska. Þekkir þú einhvern lásasmið?

[Ester Júlía, 1.4.2007 kl. 20:30]

Ég er sjálf ansi laginn við lása .  Skal koma með þér og kíkja á aðstæður og sonna..

[Guðríður Hrefna Haraldsdóttir, 1.4.2007 kl. 20:32]

Jesssss

[Jenný Anna Baldursdóttir, 1.4.2007 kl. 21:17]

Stelpur bendi á að vísakortið er fúlprúf við innbrot.  Hef sjálf prófað það með góðum árangri.  Braust reyndar inn hjá sjálfri mér þegar ég læsti lyklana inni en eigi að síður það besta í stöðunni.

[Doddi - Þorsteinn G. Jónsson (IP-tala skráð) 2.4.2007 kl. 00:36]

Rjómantísku riddararnir eru þarna á sveimi, Gurrí mín. Mér skilst að Brad Pitt og fleiri stjörnur séu bara að giftast kvenstjörnum sem eitt lítið þrep á leiðinni til þin ... hold on and believe, sweetie!!! Damon Albarn, ... really???

Knús knús til þín! Og kossar auðvitað!

[Guðríður Hrefna Haraldsdóttir, 2.4.2007 kl. 00:45]

Hehhehe, ég get opinberað það núna, 2. apríl ... að þetta var 1. apríl gabb. Gaurinn þarf ekkert að vera neitt af þessu nema kannski vel lesinn og fyndinn og kunna að elda. Hitt er aukaatriði!

[Ólafur fannberg, 2.4.2007 kl. 00:47]

[Svava S. Steinars, 2.4.2007 kl. 01:41]

 Ég var einu sinni næstum dáin við tærnar á Damon Albarn í Höllinni.  Það var samt ekki af hrifningu - ég bara lenti í troðningi og þrýstist loks upp að sviðinu.  Hefði verið vandræðalegt að láta lífið á þennan hátt, allir hefðu haldið að ég hefði verið æstur aðdáandi.  Er aðdáandi tónlistarinnar en hefði ekki hætt lífinu fyrir Damon sjálfan.  Vil gjarnan stela húsinu hans fyrst hann notar það ekki

[Bertha Sigmundsdóttir, 2.4.2007 kl. 01:53]

Já, að finna einhvern góðan mann er oft ekki auðvelt, en þeir eru þarna úti, einhversstaðar... en hvar þá? Mér finnst bara að sá kall sem fær þig verður sá heppni, þú ert sko góð veiði (good catch,heheheheheheh) Sá rétti kemur, þegar hann er tilbúinn og þú tilbúin í hann

[Steinunn Helga Sigurðardóttir, 2.4.2007 kl. 05:49]

góður,

ljós til þín steina 

[Jónsi (IP-tala skráð) 2.4.2007 kl. 10:02]

Æææ slæmt að heyra, þú þarft greinilega að hressa upp á sjálfstraustið í kynja samskiptum. Gott ráð til að fá egó búst að hætti Bjarkar Jakobs er að skreppa í göngutúr niður á Sundahöfn snemma á sunnudagsmorgnum og heyra flautið í rússnesku togarasjómönnunum  hún segir að allar konur tvíeflist við þessar móttökur og sjálfstraustið skýni sem aldrei fyrr....    P.s. Getur líka hringt í síma 8931820

[Magga (IP-tala skráð) 2.4.2007 kl. 10:35]

Hahaha Gurrí......Þessi Jónsi er með húmor í lagi

[Hrönn Sigurðardóttir, 2.4.2007 kl. 11:35]

....ef ég hringi í þetta númer, flautar þá Jónsi? Eða er það bara fyrir Gurrí? Og hvað flautar hann? Eitthvað kristilegt? Eða eitthvað rokkað? Blúsað?

Ég er alveg ringluð.....

[Jónsi (IP-tala skráð) 2.4.2007 kl. 11:52]

...hringdu Hrönn........

[Guðríður Hrefna Haraldsdóttir, 2.4.2007 kl. 12:02]

Jónsi, þú ert sko í ónáð! Ég er búin að hringja ...