Matarkostnaði haldið í lágmarki án sparnaðar

Lærði nýtt trikk í dag. Maður heimsækir nágranna sína á matmálstíma, þá er heilmikil von til þess að fá steiktan fisk, kartöflur og remúlaði. Þetta ætla ég að fara að stunda grimmt en halda dagbók svo að ég heimsæki ekki sama fólkið of oft og þetta fattist. Ég átti erindi við Sigrúnu "Sveitastúlku", öllu heldur dóttur hennar, sunddrottninguna, fór til að borga henni örlitla rest vegna sundáheits og var boðið í mat! Held að steiktur fiskur sé með besta mat sem ég fæ ... nú verður trikkí að finna út hverjir verða með steiktan fisk í matinn hjá sér. Ég gæti auðvitað staðið vaktina í Einarsbúð.

Fór einmitt í Einarsbúð í dag ... Einar lét sig hverfa um leið og ég hugsaði um að taka upp myndavélina en Erna, konan hans, er sönn hetja og þorði að sitja fyrir á mynd og það með einum kúnnanum.

Athugasemdir

[Helgi Már Barðason, 2.4.2007 kl. 20:54]

Snjöll ertu, Gurrí mín (sem ég hef ekki hitt í alltof langan tíma! Skyldi ég þekkja þig á götu?) Þetta með matinn ætla ég að taka til fyrirmyndar - taka alla fjölskylduna með og gá hvort ég get ekki snapað frí míl einhvers staðar! Ég á stundum leið á Skagann - kannski hittumst við bara í Einarsbúð? Kær kveðja að norðan!

[Jónsi (IP-tala skráð) 2.4.2007 kl. 21:22]

Flokkast svona máltíðir ekki undir "hlunnindi" sem ber að telja fram til skatts samkvæmt kostnaðarútreikningum skattstjóra...

[Guðríður Hrefna Haraldsdóttir, 2.4.2007 kl. 22:00]

Helgi minn, þú notar bara trikkið mitt og heimsækir mig með familíuna á matartíma ... hver veit nema ég verði með steiktan fisk .... hahahhaha! Arna, þú líka!

Jónsi! Þá fá gestgjafar mínir frádrátt og þá eiginlega fattast allt! Hvað segir kostnaðarútreikningurinn um það?   

[Jónsi (IP-tala skráð) 2.4.2007 kl. 22:40]

Hafðu það bara á "svörtu" - það fitnar enginn á því sem ekki er til

P.s. ég var ekki að segja að þú værir feit...

[Guðríður Hrefna Haraldsdóttir, 2.4.2007 kl. 22:45]

[SigrúnSveitó, 2.4.2007 kl. 23:17]

hélt þú ætlaðir SNEMMA að sofa!!  Var þetta bara afsökun til að losna frá okkur??!!!

[Guðríður Hrefna Haraldsdóttir, 2.4.2007 kl. 23:29]

Heheheh, nei, er að drolla eins og asni. Sagðist ekki vilja kaffi því að þá sofna ég ekki fyrr en klukkan þrjú í nótt! Þetta er reyndar besta sjónvarpskvöld vikunnar. Gray´s Anatomy, síðan Heroes og American Idol, sem var að klárast á Stöð 2 plús og glæpaþáttur hálfnaður, svo fer ég að sofa! Flúði sko ekki, það var rosalega gaman að koma til ykkar! Kem aftur um hálfsjöleytið á morgun, og hinn, og hinn, og hinn ... heheheh, djók!

[Ólafur fannberg, 3.4.2007 kl. 00:08]

byrja í sparnaði fer í heimsóknir á matmálstímum hehehe og lifi frítt

[Doddi - Þorsteinn G. Jónsson (IP-tala skráð) 3.4.2007 kl. 01:27]

Ég hef einmitt verið í því að hringja í kunningja og vini og ættingja um matmálstíma ... fatta svo auðvitað að þetta virkar ekki þannig ... þetta er víst ekki heimsending ... damn!

En engu að síður ... gott trikk ... hilsen, knusen og kyssen.

[Steinunn Helga Sigurðardóttir, 3.4.2007 kl. 05:22]

góð hugmynd, á góða nágranna skelli mér til þeirra, þeim munar heldur ekker um okkar, það búa 6 fjölskyldur saman.

ljós til þín steina 

[Steingerður Steinarsdóttir, 3.4.2007 kl. 09:16]

Útsjónarsöm. Verst að þú skreppur ekkert til mín. Ég væri sko til í að steikja handa þér fisk á hverjum degi.

[Sigríður Jósefsdóttir, 3.4.2007 kl. 12:03]

Sofnaði fyrir CSI í gærkveldi (ekki alveg í lagi með konuna).  Það er næstum alltaf steiktur fiskur hjá mér á sunnudagskvöldum.  Láttu mig samt vita ef þú ætlar að mæta, svo ég geti látið Ómar minn bæta við flaki.  Er á leið í dal dýranna (Hnífsdalinn) um páskana, kveðjur á Skagann

[Guðríður Hrefna Haraldsdóttir, 3.4.2007 kl. 12:22]

Vara ykkur við, frú Sigríður, og Steingerður mín, ég undirbý nú flutning þinn upp á Skaga! Svandís, þú geymir bara börnin úti þar til búið er að bjóða þér í matinn ... þá getur þú kallað á börnin. Hehhehe.

[SigrúnSveitó, 3.4.2007 kl. 14:11]

segi nú bara; Vertu velkomin.  Það er grjónagrautur í kvöld (sjúllinn pantaði það...)

[Bertha Sigmundsdóttir, 3.4.2007 kl. 15:39]

Elsku Gurrí mín

Þegar þú leggur leið þína til San Jose, Kaliforníu þá verðurðu að koma hér við. Að vísu steiki ég ekki mikið fisk, en ég skal sko bjóða þér uppá grillaðan silung, elskan, með villtum hrísgrjónum og grilluðum aspas. Svo skal ég baka fyrir þig súkkulaðitertu með vanilluís í eftirrétt. Svo getum við sprungnar horft á Grey´s Anatomy, Heroes og American Idol á tivo, ég skal líka tivoa (frábær íslenska) Bold and the Beautiful fyrir þig.

Láttu mig bara vita hvenær þú ert að koma, elskan. Ands.... núna er ég orðin svöng

[Guðríður Hrefna Haraldsdóttir, 3.4.2007 kl. 16:19]

Heheheheh, passaðu þig bara, ég á ættingja í Kaliforníu og gæti alveg droppað við (ekki óvænt) þegar ég dríf mig loksins í heimsókn til liðsins! Rosalega líst mér vel á matseðilinn hjá þér. Engar hnetur, döðlur, möndlur eða rúsínur. Sjúkkitt! 

[Jenný Anna Baldursdóttir, 3.4.2007 kl. 20:16]

Þú hlýtur að vera algjör plága þarna á Skaganum með myndavélina kona. É myndi flýja í umvörpum.  Er með fisk í matinn á þriðjudag komanda.

[Guðríður Hrefna Haraldsdóttir, 4.4.2007 kl. 11:07]

Hahahah, ég gleymdi vélinni ofan í tösku og strórgræddi á því ... Ef strætó fýkur út af vil ég líka vera við öllu búin, t.d. selja Life, Hello, OK og Time myndirnar og þess háttar! Ávallt viðbúin!