Hvað gera konur nú?

Veit ekki hvað gerðist ... en í angist minni yfir netsambandsleysi í gærkvöldi afplánaði ég eina og hálfa DVD-mynd. Little Miss Sunshine (dýrleg) og Eragon (líka góð). Allt í lagi með hljóðið í sjónvarpinu í stofunni þá ... en svo ákvað ég að kíkja á sjálfan imbann, athuga hvað væri í gangi og þá heyrðist ekkert hljóð. Get horft á hin tvö sjónvörpin mín (allar stöðvar) með hljóði, þannig að það sem er að er hljóðið í flatskjánum mínum. Tengist ekkert afruglara eða neinu.

Kettirnir slógust aðeins í gær, að sjálfsögðu fyrir aftan sjónvarps"skápinn", smáséns að þeir hafi tekið eitthvað úr sambandi. Ellý tæknitröll var hérna áðan, slökkti á öllu og kveikti aftur, gekk úr skugga um að allt væri í sambandi ... enn hljóðlaust. Getur verið að hægt sé að laga svona með fjarstýringunni? Hvað segja tækniáhugamennirnir, bloggvinirnir? Á ég kannski að slökkva aftur á öllu, færa skápskrattann og leita að snúrum sem ættu kannski að vera í sambandi? Horfi reyndar mest á sjónvarpið hér inni í bókaherbergi ... þótt ég þurfi að hlaupa nokkra kílómetra til að skipta um stöð ... en afruglarinn er í stofunni.

Á myndinn, sem tekin var sl. sumar, sést hvað ég er alltaf svakalega vinsæl. Sérstaklega á Írskum dögum þegar heimsmeistarakeppni í fótbolta stendur yfir.  

Athugasemdir

[Guðríður Hrefna Haraldsdóttir, 5.4.2007 kl. 20:52]

Ég sé ekkert ... einu sinni varð sjónvarpið hljóðlaust og ástæðan tengdist afruglaranum. Ef hin sjónvörpin væru hljóðlaus þá myndi ég skilja þetta.

[Jenný Anna Baldursdóttir, 5.4.2007 kl. 21:05]

Það eina ráð sem ég kann og hefur oftast dugað vel er hin margrómaða "kjéddlingarviðgerð" sem felst í því að sparka duglega í hinn bilaða hlut. Voila! Annaðhvort lagast fjárinn eða eyðileggst að eilífu.  Do or die Gurrí mín, do or die

[Jónsi (IP-tala skráð) 5.4.2007 kl. 21:25]

Það er takki á fjarstýringunni sem á stendur "MUTE"  - prófaðu að smella á hann...... aldrei að vita hvar þú hefur lagt niður fingur þína á þessari sjónvarpsfjarstýringaleikfimi þinni í gærkvöld.....

[Guðríður Hrefna Haraldsdóttir, 5.4.2007 kl. 21:25]

Búin. Stofan er í rúst. Slökkviliðsmennirnir nýfarnir. Hljóðið farið í hinum sjónvarpstækjunum. Takk fyrir gott ráð. 

[Guðríður Hrefna Haraldsdóttir, 5.4.2007 kl. 21:26]

Jónsi, ég er ekki hálfviti!!!

[Jónsi (IP-tala skráð) 5.4.2007 kl. 21:31]

Nebb.... en viskan kemur með aldrinum.....

[Guðríður Hrefna Haraldsdóttir, 5.4.2007 kl. 21:41]

hahahahahahahahaha!

[Ólafur fannberg, 5.4.2007 kl. 22:11]

páskakvitt

[Jónsi (IP-tala skráð) 5.4.2007 kl. 22:57]

Vissi það....... það var sem sé mutarinn!!!

[Guðríður Hrefna Haraldsdóttir, 5.4.2007 kl. 23:05]

Onei, Jónsi minn. Það var auðvitað það fyrsta sem ég tékkaði á!

[Jónsi (IP-tala skráð) 5.4.2007 kl. 23:08]

Aha - aldurinn farinn að segja til sín........

[Bertha Sigmundsdóttir, 5.4.2007 kl. 23:27]

Ég veit ekki, læt kallinn um að laga þetta hjá mér. Þú kannski bankar uppá hjá einhverjum í blokkinni, einhverjum einhleypum kannski og biður þá um að hjálpa þér Vonandi kemst þetta í lag fljótlega!!!!

[Guðríður Hrefna Haraldsdóttir, 5.4.2007 kl. 23:30]

Aldurinn, ekki aldeilis, tækið er rétt rúmlega ársgamalt, Jónsi minn.

Bertha, ég finn einhvern til að hjálpa mér, nó prob!