Fann páskaeggin ... og Rondo!

Reif mig óvart upp klukkutíma of snemma til að horfa á Formúluna en ákvað að nota tímann til að leita að páskaeggjunum. Það tók enga klukkustund, ég mundi fullvel hvar ég faldi þau. Tók mynd af þeim til að sanna að þau eru númer 50 og 60, ekki 5 og 6. Stóra espressókannan mín er til samanburðar.
Næ samt auðveldlega að klára þau áður en Formúlan hefst ef ég þekki mig rétt.

 
Ég uppgötvaði svolítið alveg nýtt í gærkvöldi ... eitthvað alveg dásamlegt. Ég fór inn á ruv.is og ætlaði að drepa tímann í tilhlökkuninni til páskanna og fara að horfa á vefmyndavél Kötlu. Að vísu var myrkur en ef það kæmi nú gos þá sæist það ... jæja, en ég nennti ekki að horfa á svartan skjá og klikkaði á eitthvað sem heitir Rondó og reyndist vera klassísk tónlistarrás Ríkisútvarpsins. Þvílík snilld! Hún næst bara á Faxaflóasvæðinu enn sem komið er EÐA Á NETINU! Ég sofnaði við eitthvað yndislegt eftir Mozart eða Bach og stöðin hefur verið stanslaust á síðan. Nú er fiðlukonsert ... mmmmm!

Vona að dagurinn ykkar verði dásamlegur, minn verður það. Er enn á náttfötunum. Páskagulu fötin mín eru í þurrkaranum ...  

Athugasemdir

[Heiða Þórðar, 8.4.2007 kl. 12:25]

Gleðilega páska til þín Gurrý sömuleiðis! Ég trúi því bara ekki að þú hafir rifið þig upp til að horfa á formúluna.....! Karlmenn hljóta að ELSKA þig....horfirðu kannski líka á boltann (alla boltana)...hehe

[Hólmgeir Karlsson, 8.4.2007 kl. 12:29]

Þú ættir að fá þér minni kaffikönnu, he he ....  það er ekki hollt að drekka svona mikið kaffi með súkkulaðinu það rýrir næringargildið.  og gleðilega Páska

[gua, 8.4.2007 kl. 12:37]

Gleðilega páska, mikið er þetta krúttleg kaffikanna

[Guðríður Hrefna Haraldsdóttir, 8.4.2007 kl. 12:44]

Heiða mín, karlar líta ekki við mér! Ekki síðan í lok áttunda áratugar síðustu aldar. Ég ræktaði bara karlinn í sjálfri mér og horfi til skiptis á Nágranna og já, fótbolta, held fínu jafnvægi. Hehehhe.

Sömuleiðis, Hólmgeir minn! 

[Guðríður Hrefna Haraldsdóttir, 8.4.2007 kl. 12:44]

Krúttleg kaffikanna ... hún er risastór, GUA!!!

[Heiða B. Heiðars, 8.4.2007 kl. 12:52]

Það eru svo margar HEIÐUR að blogga og ég er alltaf að sjá nafnið mitt út um allt! Skildi ekkert í því hvað þú varst að röfla um karla við mig góða mín!
Soldið sjálfhverf sko

Gleðilega páska Gurrí!! Og ekki éta bæði páskaeggin með einum (litlum) kaffibolla!!  

[Guðrún Eggertsdóttir, 8.4.2007 kl. 12:59]

Gleðilega páska! 

Sjálf er ég að fara að pakka fyrir heimferð.  Lendi í Keflavík í fyrramálið 6:30.  Sjáumst fljótlega!

[Guðríður Hrefna Haraldsdóttir, 8.4.2007 kl. 13:09]

Gleðilega páska, elskurnar. Hlakka til að sjá þig, Guðrún!

Heiða mín, segi þér í trúnaði ... ég er búin með nokkra bita af fyrra egginu og alveg búin að fá nóg ... usss!  

[Kristín Katla Árnadóttir, 8.4.2007 kl. 13:11]

Gurrí mín  passaðu þig á henni Kötlu hún getur gosið hvenar sem er hí ha ha.

[Guðríður Hrefna Haraldsdóttir, 8.4.2007 kl. 13:17]

Hehhehehe, ókei, best að fara á vaktina!

[Jónsi (IP-tala skráð) 8.4.2007 kl. 13:21]

Þér veitir nú ekkert af þessum páskaeggjum - þú sagðir jú að súkkulaði kæmi í staðinn fyrir kynlíf.........

P.s. Ertu búinn að finna eggið frá Hildu?

[Guðríður Hrefna Haraldsdóttir, 8.4.2007 kl. 13:22]

Ég hef aldrei sagt að súkkulaði kæmi í staðin fyrir ...bíbb ... eða gantaðist ég eitthvað með það um daginn? Ó ... Eggið frá Hildu ... hmmm, ég borðaði það í einum munnbita í gær.

Ertu að segja að ég sé feit? 

[Guðríður Hrefna Haraldsdóttir, 8.4.2007 kl. 13:24]

Anna mín, ég sá þig ekki! Takk fyrir að láta bloggvini mína halda að ég sé íþróttafrík! Kærlega! Ekki trúa Önnu!

Ég pant verða nr. 100.000 á síðunni þinni!!! Eru verðlaun? 

[Jónsi (IP-tala skráð) 8.4.2007 kl. 13:27]

Nebb... bara að segja að kynlíf sé hollt svona einu sinni á ári......

[Guðríður Hrefna Haraldsdóttir, 8.4.2007 kl. 13:33]

Einu sinni á ári????? Allt of oft! Einu sinni á ÖLD ... það væri nær lagi ... !

[Guðríður Hrefna Haraldsdóttir, 8.4.2007 kl. 13:33]

DAG ... ég meinti einu sinni á dag! Úps. 

[Jónsi (IP-tala skráð) 8.4.2007 kl. 13:37]

Aha... einu sinni á öld!! "Af litlu verður lítill glaður" eins og stóð í páskaegginu mínu.........

[Jónsi (IP-tala skráð) 8.4.2007 kl. 13:55]

Það er nú annað hjá okkur strákunum, 1 kg af páskaeggjum breytist sko í 500 gr af vöðvum...... og á réttum stöðum sko

[Hugarfluga, 8.4.2007 kl. 13:57]

Gleðilega páska, Gurrí!! Njóttu eggjanna þinna .... allra!!

[Guðríður Hrefna Haraldsdóttir, 8.4.2007 kl. 14:05]

Það sem amar helst að mér núna er að ég hef enga lyst á þessum fj ... páskaeggjum. Hefði átt að hlakka meira til! Mig langar meira í hafragraut núna ... samt er ég ekki mikið fyrir hafragraut eftir hræðilegar hafragrautsmartraðir í vöku í sveitinni í gamla daga! 

[Katrín Snæhólm Baldursdóttir, 8.4.2007 kl. 14:16]

Þegar Katla gýs þá fær Gurrí það. Kaffið.

[Guðríður Hrefna Haraldsdóttir, 8.4.2007 kl. 14:21]

Sjúr!!!!

[Heiða Þórðar, 8.4.2007 kl. 15:34]

Ég er nú svo sjálfhverf líka HEIÐA, að ég hélt við værum bara tvær...að blogga! Gurrý - hnefaleikaáhugakona? oh, my god, ég gæti nú sko alveg kynnt þér fyrir einhverjum jólasveininum...

[Guðríður Hrefna Haraldsdóttir, 8.4.2007 kl. 16:05]

Jólasveinn ... páskakanína ... whatever ...

[Hildigunnur Rúnarsdóttir, 8.4.2007 kl. 17:38]

Gurrí! Vissirðu ekki af Rondó? Og ég að segja þér ekki frá...

[Guðríður Hrefna Haraldsdóttir, 8.4.2007 kl. 20:38]

Sem betur fer rambaði ég á Rondó ... sjúkkitttt! Er að hlusta á hana núna!

[Sigga (IP-tala skráð) 9.4.2007 kl. 11:12]

Gott að það er einhver þarna úti sem fílar þetta ands...... sinfóníugarg.  Ég sjálf er með ör á heilanum eftir að hafa verið ofgert á sinfóníugargi á gömlu gufunni þegar ég var að alast upp.  Það var nefnilega til siðs að hafa gömlu gufuna á hvínandi botni alla daga allann ársins hring þegar ég var að alast upp.  Enda mun ég bera þess merki alla ævi að hafa þurft að alast upp við þetta árans garg.......

[Guðríður Hrefna Haraldsdóttir, 9.4.2007 kl. 14:23]

Ég segi sama, hataði gargið, enda oft valin einstaklega leiðinleg tónlist í útvarpinu. Þegar ég fann þetta var verið að spila einhverja algjöra dýrð ... passíu með kór og hljómsveit og því fell ég fyrir! Slíkt var bara spilað á hátíðum á gömlu gufunni.