Blaut eða ónothæf spariföt ... óvænt matarboð

Var farin að pæla í því hvernig ég ætti að elda páskamatinn, kjúklingabringuna, þegar Mía systir hringdi og bauð mér í mat. Dóttir hennar, tengdasonur og barnabörn; sætustu tvíburar í heimi, Úlfur og Ísak, koma líka. Til öryggis gáði ég að fötunum mínum inni í þurrkara ... þau voru ekki þar, heldur rennblaut í þvottavélinni síðan í gærkvöldi! Gurrí þó!!! Skellti þeim í þurrkarann í hvelli og nota bara hugarorkuna til að láta þau þorna hraðar.

Treysti mér ekki í „sparifötin“ sem láta mér líða eins og ég sé plusssófi. Valdi þau ekki á mig sjálf. Fékk þau gefins og nota í algjörri neyð ... þegar engir sætir strákar sjá mig! Ætla að sauma nokkrar hlýjar ábreiður úr þeim og gefa fátækum næsta haust.

Hef verið að hlusta á hina bráðskemmtilegu spurningakeppni fjölmiðlanna ... þar sem Formúlan var í gangi á meðan útsending stóð yfir. Mikið er ég þakklát fyrir Netið og að þurfa ekki að missa af neinu uppáhalds-dæmi! Úrslitin verða svo á morgun kl. 13!

 

Athugasemdir

[Guðríður Hrefna Haraldsdóttir, 8.4.2007 kl. 17:10]

Allt í þvottavélinni ...

[Jenný Anna Baldursdóttir, 8.4.2007 kl. 17:15]

"Kjúklingabringuna!" the one and only?  Ætlaði einbúinn að elda eina bringu.  Einhvernveginn finnst mér það svo skemmtileg tilhugsun.  Svona eins og að ætla að elda eina kjötbollu.  Ég ligg allavega í hlátri.  Þú kemur mér alltaf til að hlægja Frú Guðríður.  Góða skemmtun í matarboðinu þar sem örgla verður boðið upp á haug af "kjötum".

[Guðríður Hrefna Haraldsdóttir, 8.4.2007 kl. 17:31]

Hehhehe, haug af kjötum. Held að það sé rétt. Reyndar ætlaði ég að elda tvær bringur og eiga hina á morgun ... Æi, nennti ekki að sníkja mér matarboð neins staðar. Við Ellý hefðum bara átt að ákveða að borða saman, báðar tvær í kotinu, reyndar eitt barn ... en börn þurfa ekkert að borða um páskana nema páskaegg! Hefði getað farið til mömmu í haug af kjötum en það gengur ekki strætó í dag! 

Er komin í hrein og þurr föt og bíð nú eins og prinsessa eftir að verða sótt!  

[Anna Ólafsdóttir Björnsson, 8.4.2007 kl. 17:32]

Gleðilega páska héðan frá Nínu, og kveðja frá Nínu og Elísabetu.

[Guðríður Hrefna Haraldsdóttir, 8.4.2007 kl. 17:38]

Takkkkk fyrir kveðjurnar og gleðilega páska sömuleiðis. Bið innilega að heilsa á móti.

[bara Maja..., 8.4.2007 kl. 19:57]

Gleðilega páska Frú Gurrí

[Jónsi (IP-tala skráð) 8.4.2007 kl. 20:38]

Ja fussum svei, vélstýran heldur greinilega að allir séu á vélstýrulaunum - og hafi bara efni á að valsa á milli tískubúða og kaupa tuskur til skiptanna..... Þú værir sko flottust (alltaf smörtust) í þessu neðsta.....  

[Guðríður Hrefna Haraldsdóttir, 8.4.2007 kl. 20:44]

Já, segðu ... hatur á verslanaferðum á örugglega sök á spjaraleysinu. Líst líka mjög vel á fötin hennar nöfnu minnar. 

[Svava S. Steinars, 9.4.2007 kl. 02:13]

Gvöööð hvað tvíburarnir eru sætir

[Bertha Sigmundsdóttir, 9.4.2007 kl. 16:03]

Tvíburarnir eru algjörar dúllur, mig langar til þess að kyssa þá í bak og fyrir... Eggjahljóðin byrjuð hjá mér aftur, skammastu þín að ergja þau svona með þessum sætu myndum Njóttu dagsins og páskaeggjana og bringunnar...