Klökknað yfir Tunglskinssónötunni ...

Góður maturinn í kvöld ... þríréttað, allt lúxusmatur úr Einarsbúð! Tvíburarnir voru náttúrlega æðislegir eins og alltaf ! Þeir voru einstaklega hrifnir af sjónvarpinu, fréttirnar slógu algjörlega í gegn hjá þeim.

Svo þegar elskan hann Ómar Ragnarsson kom á skjáinn fóru þeir að gráta, alla vega annar þeirra. Það var samt tilviljun er ég viss um.

 
Heimiliskötturinn Bjartur starði á strákana, vissi greinilega ekki að svona pínulítið mannfólk væri til. Hann var á svipinn eins og þegar hann sá kanínu í fyrsta sinn, í algjöru sjokki.

 
Í aukaeftirmat fengum við Tunglskinssónötuna og flissuðum yfir því hvað Ísak klökknaði þegar amma hans fór á kostum við píanóið.

 
Við ákváðum að það hlyti að vera af hrifningu yfir þessum dásamlegu tónum. Úlfur var steinsofandi og missti af fjörinu.

Athugasemdir

[www.zordis.com, 8.4.2007 kl. 20:25]

Hryllilegt krútt ... Úlfur á náðinni   Yndislegt að fylgjast með!  Flottir píanóputtar hjá syss .....

[Guðríður Hrefna Haraldsdóttir, 8.4.2007 kl. 20:36]

Já, þetta var sko gaman.

[Guðmundur G. Hreiðarsson (IP-tala skráð) 8.4.2007 kl. 20:50]

Einhver trúði mér fyrir því að ef Tunglskinssónata Beethovens væri leikin aftur á bak þá kæmi út eitthvað sem líktist Because með Bítlunum. Ja nú vantar okkur gamla Ingimar Eydal til að staðfesta það.

[Guðríður Hrefna Haraldsdóttir, 8.4.2007 kl. 20:51]

Það væri gaman að prófa þetta! Spennandi ...

[Steingerður Steinarsdóttir, 8.4.2007 kl. 21:26]

Ekkert er nýtt undir sólinni var orðtak sem Örnólfur Thorlacius notaði mikið. Ég hallast að því að hann hafi rétt fyrir sér.

[Jenný Anna Baldursdóttir, 8.4.2007 kl. 22:01]

Þessar bollukinnar á hinum vakandi tvíbura beinlínis GARGA á mann um að knúsa sig

[Jenný Anna Baldursdóttir, 8.4.2007 kl. 22:02]

Btw segðu alla söguna.  Ég þarf að vita díteils ef ég á ekki að vera með svona "you had to be there" tilfinningu.  HVAÐ VAR Í MATINN KONA?

[Guðríður Hrefna Haraldsdóttir, 8.4.2007 kl. 22:11]

Já, þessir tvíburar eru hættulega mikil krútt. Samt þarf að varast að knúsa þá mikið áður en þeir fara í aðgerðina sína eftir tæpan mánuð. Þá verður gómskarðinu alveg lokað og þeir breytast helling. 

Sko, í forrétt var laxapaté með góðri sósu og avocado. Aðalréttur lambakjöt með kartöflum í lauk og sveppadæmi einhverju, dásamleg sósa með og guðdómlegt salat. Ís í eftirrétt, bananaís sem ég er hér með orðin brjáluð í. Hann var borinn fram í glæsilegu súkkulaðikexformi ... sem maður át svo á eftir! Malt og appelsín með matnum. Dásamlegt alveg!!!

[Jónsi (IP-tala skráð) 8.4.2007 kl. 23:09]

Alltso.. 1944 og EMMESS  og ekki einu sinni almennilegt að drekka með  

[Guðríður Hrefna Haraldsdóttir, 8.4.2007 kl. 23:10]

Hahahahahhaha!

[H. A. (IP-tala skráð) 9.4.2007 kl. 14:30]

Hæhæ, þakka ykkur fyrir hrósið á litlu snúllubollunum mínum þeim Úlfi og Ísak..
það verður lagað á þeim nefið og vörin í vor og svo fara þeir í gómaðgerð í haust þar sem gómnum verður lokað.. s.s. 3 aðgerðir í heild á fyrsta árinu (vonandi ekki fleiri) og svo verður vonandi langt aðgerðahlé

Aðgerðin í vor er varanleg, og verður nefið og vörin bara snyrt til ef það kemur tog eftir því sem þeir stækka.. Gómaðgerðin á að hjálpa til við að koma í veg fyrir nefmælgi seinna meir, og fl.  

Börn í fátækum ríkjum sem fæðast með skarð eins og þeir og gefst ekki kostur á að fara í sömu aðgerðir, eru oft á tíðum vannærð og jafnvel m. heyrnaleysi vegna endurtekinna eyrnabólga og mikils vökva í eyrum.. 

Hér er linkur inn á síðu aðstandenda barna m. skarð í vör og góm:

http://www.breidbros.is/

Hér er linkur inn á síðu Operation smile, en þar er læknateymi sem fer og hjálpar börnum sem lifa í fátækt.. Sum hver eru bara orðnir krakkar  þega þau fara í fyrstu aðgerðina:

http://www.operationsmile.org/

Kær kveðja,

Heiðdís tvíbura-mamma 

[Guðríður Hrefna Haraldsdóttir, 9.4.2007 kl. 14:39]

Takk, elskan ... og takk fyrir síðast!!!