Misst af jarðskjálfta .... og súkkulaðibindindi

Vaknaði fáránlega spræk klukkan 6.13 í morgun, tveimur mínútum ÁÐUR en klukkan hringdi. Óskiljanlegt því að ég gældi við að „sofa út“ í klukkutíma í viðbót því að ég sofnaði ekki fyrr en eftir eitt í nótt ... Svo gat ég valið um ótrúlega marga svarta boli eða farið í þennan nýja gula sem ég keypti í Nínu áður en aldurslöggan fór að vinna þar (beiskj, beiskj). Þar sem vinnufélagar mínir skamma mig stundum fyrir að vera of mikið í svörtu ákvað ég að vera í nýja, þunna, gula, stuttermabolnum innan undir svörtu peysunni, við svörtu buxurnar og svörtu sokkabuxurnar. Til að  þóknast vinnufélögunum enn meira ... setti ég fallega bláa perlufesti um hálsinn. Eftir góðan kaffibolla var þotið út á stoppistöð ... en vá, maður minn, kuldinn!!! Þegar handleggirnir voru frosnir við síðurnar varð ég beisk út í vinnufélagana og ákvað að þetta með ofnotkun svartra og hlýrra (langerma) fata minna væri ekkert annað en íhutun í innanríkismál ... 

                    - -  - O  -  -  - O  -  -  - O -  -  - 

Ég var ekki hress þessar fimm mínútur sem ég beið á stoppistöðinni. Einhverjir strákasnar höfðu troðið sér í sætið okkar Ástu fremst og hrutu þar eins og bjánar alla leiðina. Ásta valdi næsta sæti fyrir aftan og ég þurfti að sitja á dónalegan hátt til að fá ekki krampa í langa fyrirsætuleggina.

Ásta mín var mædd á svip, enda svaf hún ekki vel fyrir JARÐSKJÁLFTUM ... og ég missti af þeim! Hef án efa "vaknað" við þennan stærsta kl. 6.13 (eða svo) og samt ekki fattað neitt! Arggg!

 Ég sem elska allt svona ... garggggg! 

Strætó var á góðum tíma í morgun og þar sem góði bílstjórinn þolir ekki að sjá fínar dömur rúlla niður brekkur ók hann aðeins lengra fyrir mig en stoppistöðin segir til um. Gat ég því skokkað með virðuleika niður í Stórhöfða. Í fyrsta skiptið fékk ég ekkert skjól fyrir vindi af ljósastaurnum við stoppistöðina þar og er hér með komin í súkkulaðibindindi!   

Athugasemdir

[SigrúnSveitó, 10.4.2007 kl. 08:33]

Jarðskjálfti????

[Guðríður Hrefna Haraldsdóttir, 10.4.2007 kl. 08:54]

Aha ... hlustaðu á fréttirnar ... það var jarðskjálftahrina á Reykjanesi í nótt og morgun. Við misstum af!

[Doddi - Þorsteinn G. Jónsson (IP-tala skráð) 10.4.2007 kl. 10:01]

Hmmm... er ekki súkkulaðibindindi svolítið drastískt? Ég meina ... súkkulaði er hollt (grænmeti, skilst mér ... ) og maður á alltaf að borða eins mikið súkkulaði og maður getur - skilst mér ... vona ég ... æi, who cares ... I'm eating my egg tonight!!

Knús knús að norðan!

[Guðríður Hrefna Haraldsdóttir, 10.4.2007 kl. 10:12]

Anna, vertu ekki að gera lítið úr þessu. Ekki séns að ég vakni á undan klukkunni eftir svona lítinn svefn nema jarðskjálfti veki ... Það datt e-ð úr hillu hjá dóttur Ástu ... Þótt´þú hafir ekki fundið fyrir þessu ... Kíktu á jarðskjálftavakt Veðurstofunnar, þá sérðu þetta betur, gamla geit!!!

Jú, Doddi .... nú verður það súkkulaðibindindi fram í ágúst!!! Fékk alveg nóg um páskana!

[Kristín Katla Árnadóttir, 10.4.2007 kl. 10:37]

Ég hlýt að hafa sofið svona fast ekki vaknaði ég.

[Guðríður Hrefna Haraldsdóttir, 10.4.2007 kl. 11:07]

Vá, ég fann sko 17. júní skjálftann. Það nötraði allt, lengi, lengi ... ég var meira að segja pínku smeyk ...

[Jenný Anna Baldursdóttir, 10.4.2007 kl. 11:07]

Ha jarðskjálfti hvað?? Var að vakna as we speek.  Gerist ALLT hjá ykkur þarna á Skaganum?  Gurrí GULT er í tísku.  Var að lesa það í Fréttablaðinu. Rífðu þig úr peysunni og dinglaðu þér um á hátískubolnum í vinnunni.  Það þaggar niður í íhlutunarmönnum, þau verða einfaldlega "gul" af öfund

[Guðríður Hrefna Haraldsdóttir, 10.4.2007 kl. 11:12]

Hehehhehe, welll, held að ég sýni ekki öll vopn strax! Vil ekki vera eins og páskaungi!

Já, það gerist ALLT á Skaganum!!! Nú ætla ég að HÆTTA að sofa ... tek ekki í mál að missa aftur af jarðskjálftum!

[Jónsi (IP-tala skráð) 10.4.2007 kl. 11:28]

Kom það virkilega fram á skjálftamælum að Gurrí hafi bylt sér kl. 06:13 í morgun?????? Ekki nema von að þú farir í súkkulaðibindindi... 

P.s. Ég er ekki að segja að þú sért of feit... 

[Sigríður Jósefsdóttir, 10.4.2007 kl. 11:47]

Missti alveg af þessum jarðskjálfta, enda ekki nema von, pústið fór í sundur í Djúpinu í gær, þannig að maður var alveg kominn upp að efri geðheilsumörkum eftir aksturinn.  Svaf svo sætt og vært á mínu græna, og lét ekki einu sinni hrotur míns heittelskaða trufla mig.  Bestu kveðjur upp á hæðina,

[Ólafur fannberg, 10.4.2007 kl. 12:40]

þessi skjálfti fór algjörlega framhjá mér...

[frænkubeib (IP-tala skráð) 10.4.2007 kl. 13:05]

Gurrí mín.  Farðu í búðina Nínu og keyptu rauða rúllukragabolinn sem þig langaði í.  Og verslaðu alveg sérstaklega við þessa ókurteisu afgreiðsludömu, þá er næsta víst að þú missir ekki af næsta skjálfta á Skaganum þar sem þú verður við upptök hans...muhahahaha

[Nanna Rögnvaldardóttir, 10.4.2007 kl. 14:25]

Gurrí mín, það er einföld lausn á þessu með súkkulaðið:

Geymdu súkkulaðið uppi á ísskápnum. Kaloríurnar eru ferlega lofthræddar og þær stökkva út úr súkkulaðinu og bjarga sér hver sem betur getur. (Ég man reyndar ekki hvað ísskápurinn þinn er hár en þú getur þá bara sett súkkulaðið upp á efri skáp.)

[Guðríður Hrefna Haraldsdóttir, 10.4.2007 kl. 14:30]

Takkkkkk, ég geri það! Hahahahahhaah!

[Guðríður Hrefna Haraldsdóttir, 10.4.2007 kl. 14:46]

Einhver hjá blog.is að fríka út á teljaranum ... kannski bara drukkin/n! Múahahaha!

[SigrúnSveitó, 10.4.2007 kl. 15:10]

Ja hérna hér...ég steinsvaf af mér alla skjálfta. Það þarf greinilega að vera vakandi til að meðtaka allt sem gerist hérna á Skaganum!!!

[Jenný Anna Baldursdóttir, 10.4.2007 kl. 16:15]

Varðandi vinsældalista þá telst ég MJÖG vinsæll bloggari eða nr. 20.  En það hlýtur að vera af því ég fréttablogga annað slagið

[Guðríður Hrefna Haraldsdóttir, 10.4.2007 kl. 16:20]

Anna er númer FJÖGUR, ég kíkti áðan! Maður rýkur alveg upp listann ef maður tengir sig krassandi frétt ... það hefur alla vega tvisvar gerst hjá mér! Annars er ég svo sjálfhverf að ég blogga yfirleitt bara um strætóferðir, ketti og þess háttar.  

[Guðríður Hrefna Haraldsdóttir, 10.4.2007 kl. 16:22]

Anna tengir sig reyndar sjaldan fréttum, svo að það sé á tæru! Hún er bara svona krassandi sjálf ... múahahhahaha

[Jónsi (IP-tala skráð) 10.4.2007 kl. 20:26]

Ja... það skemmir greinilega ekki fyrir að koma með smá kynlífsreynslusögur.......... spurning hvort Gurrí breyti ekki aðeins út af venjulegu Skagaspjalli í næstu pistlum??