Maríneruð kona, logið að Bretum og hysknir kettir

Hætti á hádegi og mun vinna heima í dag, líka á morgun. Aumingja Ásta að vera ein í strætó í fyrramálið, fær kannski konuna með steinkvatnið við hliðina á sér. Við höfum báðar kvalist við hlið hennar í 40 mínútur. Það er algjör óþarfi að marinera sig upp úr vellyktandi og gerir ekkert nema kvelja samferðafólkið. Þegar ég var í Kór Langholtskirkju var farið fram á við okkur að nota ekki ilmvatn (strákarnir rakspíra) á tónleikum. Hugsið ykkur 100 manns með mismunandi ilm/lykt/fýlu á sér!

Tvær breskar stelpur sátu við hlið mér, hinum megin við ganginn, á leiðinni uppeftir og voru að fara í sund á Kjalarnesi of oll pleisis! Þær görguðu af gleði þegar dimmt él skall á ... ég laug að þeim að undir venjulegum kringumstæðum væri komið hásumar á Íslandi á þessum árstíma, þetta væri gjörningaveður. Þær lugu á móti að það væri 20 stiga hiti í London núna ... sjúr!

Greip kisurnar glóðvolgar við að liggja í leti en þær eru óvanar því að fá mig svona snemma heim.

Kubbur er að setja í uppþvottavélina núna og Tommi að ryksuga.

Öldurnar eru flottar, alveg týpískt þegar ég á að vera í vinnunni að sjórinn glenni sig! Býst þó við að hann verði jafnvel enn flottari á eftir, á venjulegum heimkomutíma!

Athugasemdir

[Kristín Katla Árnadóttir, 10.4.2007 kl. 15:26]

Finnst þér ekki næs að vera heima og vinna bara verst með Ástu að fara ein í strætó.

[Guðríður Hrefna Haraldsdóttir, 10.4.2007 kl. 15:34]

Jú, það er mjög notalegt að vinna heima og hægt að einbeita sér miklu betur. 

[Guðný Anna Arnþórsdóttir, 10.4.2007 kl. 15:40]

Velkomin heim og gangi þér vel að vinna við undirleik sjávar og vinnustuna kattanna. Dásamlegt líf!

[Jenný Anna Baldursdóttir, 10.4.2007 kl. 16:12]

Svo getur þú hangið á blogginu í kvöld og skrifað ódauðlega pistla fyrir mig og fleiri af því þú þarft ekki að misnota almenningssamgöngurnar í fyrramálið. Láttu kettina vinna fyrir kost og logi.  Þó það nú væri.  Annars voru þær ensku "sjúrlí" að ljúga, það er 23 stiga hiti í London á þessari mínútu mín kæra.

Smútsj

[Guðríður Hrefna Haraldsdóttir, 10.4.2007 kl. 16:15]

Ég VISSI að þær hefðu logið þessu með 20 stigin! Takk fyrir að láta mig vita.

[Guðríður Hrefna Haraldsdóttir, 10.4.2007 kl. 16:34]

Þú nærð þeim í sundlauginni á Kjalarnesi núna!!! Tvær breskar stelpur um þrítugt!

[Guðríður Hrefna Haraldsdóttir, 10.4.2007 kl. 16:45]

Ég fékk Tomma hjá góðu fólki í Þórufelli en Kubbur er af hinni víðfrægu Pakkhússætt af Hvammstanga. Mamman var svört með hvítum doppum en Kubbur er hvít (stelpa, ef þú varst búin að gleyma því) með svörtum doppum, svona dalmatíukisa!

[Jónsi (IP-tala skráð) 10.4.2007 kl. 20:29]

Vinnuþrælkun dýra, þetta er ljótt að heyra   Hvað á nú að gera við alla Pólverjana ?????