Skuggalega góð súpa ... hér er uppskrift

Besta súpa í heimi a la Sigga Dögg

1 msk olía

2-3 laukar

5-8 gulrætur, fer eftir stærð

2 dósir Hunts-tómatar (best í sósu)

2 pínulitlar dósir tómatpuré

1 chili pipar, með fræjum og alles

3 hvítlauksrif

salt og svartur pipar

1-2 grænmetisteningar

vatn

1 peli rjómi (alvörurjómi)

Súpan er frábær alltaf, hvar og hvenær sem er. Svo er hún rosalega flott á litinn, appelsínugul. Ég man ekki hvernig upphaflega uppskriftin var en eftir nokkurra ára naglasúpugerð er hún nokkurn veginn svona. Man að það má líka setja kartöfluteninga út í. Sigga Dögg, gömul nágrannakona og síðar skólasystir í HÍ, gaf mér þessa uppskrift.

AÐFERÐ: Skerðu laukinn og gulræturnar smátt og láttu malla smástund í olíu í potti, ekki steikja. Skelltu tómatsósunni úr dósunum og tómatpuréinu saman við. Chili-piparinn er skorinn niður og settur út í, síðan hvítlaukurinn. Leystu grænmetisteningana upp í heitu vatni og bættu út í. Til að ná réttri þykkt á súpuna er vatni bætt við. Saltið og piprið eftir smekk og látið súpuna malla í dágóða stund, alla vega þar til gulræturnar eru orðnar mjúkar. Þegar þú smakkar súpuna á að hún að rífa svolítið í ... kannski þarf að bæta við meiri chilipipar.
Síðast er rjómanum, heilum pela, bætt út í og látið malla, í guðanna bænum ekki nota kaffirjóma, þá koma hvítir, litlir kekkir sem samlagast ekki súpunni. I´ve been there, done that! Súpan á að vera sterk en rjóminn mildar mikið. Þessi uppskrift ætti að duga alla vega fyrir fjóra ... eða einn í marga daga. Borið fram með góðu brauði eða bollum og ... það er algjör dýrð að setja smá sýrðan rjóma út í hvern súpudisk.

Athugasemdir

[Kristín Katla Árnadóttir, 11.4.2007 kl. 20:15]

Gurrí er búinn að prenta uppskriftina þína út. Mér líst vel á hana.

[Guðríður Hrefna Haraldsdóttir, 11.4.2007 kl. 20:19]

Hún er svoooooo góð! Þú sérð ekki eftir því að prófa hana! 

[bara Maja..., 11.4.2007 kl. 20:50]

*slurp*slef* úps sorry ætlaði ekki að slefa á lyklaborðið... prófa þessa örugglega ! takk fyrir mig

[Jenný Anna Baldursdóttir, 11.4.2007 kl. 20:52]

Þetta fer í möppuna góðu. Takk.

[Guðríður Hrefna Haraldsdóttir, 11.4.2007 kl. 21:04]

Prófaðu matreiðslurjóma ef þú færð leiðinlega gesti í súpuna ... láttu mig vita ef það er í lagi! Þú verður samt líka að prófa alvörurjómann til að hafa samanburð. kannski er enginn munur ...

[Jenný Anna Baldursdóttir, 11.4.2007 kl. 21:39]

Þegar maður býr til eitthvað gott þá tjaldar kona því sem til er.  Fer ekki út í svona rjómapælingar

[Guðríður Hrefna Haraldsdóttir, 11.4.2007 kl. 21:44]

Hjartanlega sammála! Megrunar- og meinlætasúpa næst kannski ...

[Guðný Anna Arnþórsdóttir, 11.4.2007 kl. 22:30]

Hljómar ge-eikt. Ætla að prufa á morgun, nei, hinn. Læt vita ef mér dettur í hug betrumbót - hvort sem hún reynist betrun eða versnun...Er þetta ekki svona kynslóðasúpa?

[Guðríður Hrefna Haraldsdóttir, 11.4.2007 kl. 22:47]

Kynslóða? Er stjörf af syfju ... var að búa til góða nótt kvikmynd ... kemur eftir smá ...

[Svava S. Steinars, 12.4.2007 kl. 00:54]

Slurp, súpan hljómar æðislega.  Me must try !!!