Úti verður veður vont ...

Mikið var gott að komast alla leiðina heim á einkabíl ... hefði þó verið betra á morgun þegar spáð er trylltu, snargeggjuðu veðri akkúrat þegar ég er að fara heim. Roki og mikilli rigningu.

Á leiðinni sagði Guðrún mér skemmtilegar sögur af veru sinni í DC. Ég keypti kjúklingasalat handa okkur í kvöldmatinn, Zinger-salat frá KFC, algjört æði.

Guðrún datt ofan í nýju Vikuna og er byrjuð að skipuleggja þrifin hjá sér, sýnist mér. Þess vegna stalst ég til að blogga. Kvöldið verður síðan annasamt, þarf að klára sitt af hverju en svo skellur á helgarfrí seinni partinn á morgun. Jesssss! Best að gefa kisunum rosalega mikinn mat í fyrramálið ef ég kemst ekki heim annað kvöld vegna heigulsháttar strætó bs. Kannski set ég líka tíu handklæði í hvern glugga. Eða fer á puttanum heim. Allt er hægt!

Athugasemdir

[Jenný Anna Baldursdóttir, 12.4.2007 kl. 19:24]

Væri ekki nær að vinna heima á morgun?  18m/sek. er spáð um það leyti sem þú ferð heim svona ca.

Í upphafi skyldi endirinn skoða (tískumálsháttur á blogginu)

[Diana Sigurðardóttir (IP-tala skráð) 12.4.2007 kl. 19:54]

Mín kæra,

Bloggið mitt er á 123.is/diana vertu velkomin !!!!!!!!!!

[Kristín Katla Árnadóttir, 12.4.2007 kl. 19:57]

 Vertu bara heima Gurri mín

[www.zordis.com, 12.4.2007 kl. 20:05]

Jedúdda mía ........... þarf á hressilegu veðri að halda eða öskra jafnvel upp á háum hól ...........................  smúts á þig strætóstelpa!

[Diana Sigurðardóttir (IP-tala skráð) 12.4.2007 kl. 20:28]

Takk fyrir komuna Gurrí mín við verðum þá að skáskjótast þetta á milli síðna, þar sem ég er nú daglegur gestur hjá þér !!!  Hef nú verið svolítið löd undanfarið en þetta kemur vonandi. Velkomin í kaffi til mín í Þingholtsstræti.

[Guðríður Hrefna Haraldsdóttir, 12.4.2007 kl. 20:30]

Föstudagarnir eru verstir til að vera heima ... þannig að ég verð bara að treysta á hetjulund Tomma míns (strætóbílstjóra) klukkan 18.30. Þegar við Guðrún komum á Skagann mættum við honum strætó og ég reiknaði út að hann verður þá . Svo verður sunnanátt og hviðurnar á Kjalarnesinu ekki jafnslæmar og þegar áttin er austlæg!

[Guðríður Hrefna Haraldsdóttir, 12.4.2007 kl. 20:31]

Díana, var að skoða myndirnar af húsinu þínu ... vá, hvað það er FLOTTTTT! Kem sko í kaffi einn góðan veðurdag, vertu viss.

[Diana Sigurðardóttir (IP-tala skráð) 12.4.2007 kl. 20:38]

Vertu velkonmin !!

[Magga (IP-tala skráð) 12.4.2007 kl. 21:04]

Bróðir kemur þér í heilu lagi heim, það er öruggt Annas kemur aldrei almennilegt rok þegar þeir spá því...það kemur alltaf þegar þeir spá því ekki !!

[Guðríður Hrefna Haraldsdóttir, 12.4.2007 kl. 21:22]

Ég legg allar vonir mínar við að þú hafir rétt fyrir þér!

[www.zordis.com, 12.4.2007 kl. 21:54]

Í öruggum og traustum faðmi strætóbílstjórans ... það ætti að hækka laun þeirra er aka um á eðal vögnum strætó.is!  Er það ekki?

[Guðríður Hrefna Haraldsdóttir, 12.4.2007 kl. 22:05]

Laun bílstjóra eru mjög lág, held ég, alveg til skammar. Hugsa að ég verði nú ekki í fanginu á Tomma á meðan hann keyrir ... en ég spjalla nú ábyggilega við hann á leiðinni.