Kúffullur kaggi af greind og fegurð

Þegar Ásta kom og sótti mig var hún með Rammstein á hæsta, Mutter. Ekki leiðinlegt að stíga upp í glæsivagninn hennar. Hún lækkaði aðeins og þá gat ég sagt henni að búið sé að sanna (sjá Fréttablaðið í dag) að fólk sem hlustar á rokktónlist væri gáfaðra en fólk sem hlustaði ekki á rokktónlist. Eins og við höfum ekki vitað það. Kagginn, kúffullur af greind og fegurð, skilaði okkur með örskotshraða á Skagann. Í göngunum misstum við næstum stjórn á okkur þegar Sonne fór að hljóma en greindin bjargaði okkur fyrir horn. Annars efast ég ekki um að Tommi bílstjóri hafi verið með góða tónlist í strætó, hann er rokkari, ég meina gáfaður.

 
Hef fylgst frekar lítið með Boldinu en sé núna að Nick er fúll út í Bridget sína fyrir að hafa talað náið við (kysst) Dante (bjargvætt Brooke). (Það nýjasta að frétta frá ameríska boldinu að Brooke er afbrýðisöm út í Taylor sem er að fara að giftast Nick. Nick er að verða hinn nýi Ridge og ég er búin að fatta plottið. Brooke vill kannski fá allt sem Taylor á ... samt fíla ég Brooke betur, gæti stafað af collagen-fordómum.)
Nú er Jackie, mamma Nicks, orðin óvinur Stefaníu og ætlar að koma upp um uppgerðarhjartaáfallið ef það var þá uppgerð, ég er farin að efast. Á meðan spjallar Stefanía við Massimo, gamla kærastann sinn og blóðföður Ridge, og varar hann við að taka aftur saman við Jackie ... alveg rétt, Nick og Ridge eru hálfbræður. Brooke og Jackie handsala með sér samkomulag um að eyðileggja Stefaníu þar sem hún gerir ekki annað en að sundra fjölskyldum.

-    -    -    -    -    -    -    -        --    -    -    -    -    -    -     

Á meðan þurftu Gurrí litla og Hilda litla að afplána myndatöku. Móðir þeirra var beðin um að vera fjallkona á Akranesi 1967 en Ridge hafði stolið myndavél heimilisins.

Sonur Stefaníu frænku (ekki þeirrar í boldinu), síðar frægur ljósmyndari (Kristján Pétur), raðaði móðurinni upp, eftir að hún hafði flutt ættjarðarljóð á Akratorgi, og lét svo litlu, saklausu og sætu dætur hennar pósa með íslenska fánann.   

Athugasemdir

[Jenný Anna Baldursdóttir, 13.4.2007 kl. 18:59]

Asskoti eruð þið allar mikil krútt í sjónvarpinu.  OMG

[SigrúnSveitó, 13.4.2007 kl. 19:19]

Ok, ég viðurkenni þá að ég er minna gáfuð!!  Og mér er alveg sama, svona áróður fær mig EKKI til að hlusta á rokk!! hnuss!!!

[Guðríður Hrefna Haraldsdóttir, 13.4.2007 kl. 19:41]

Ég viðurkenni að það eru alltaf undantekningar sem sanna regluna ... bloggvinir mínir sem fíla ekki rokk eru þær! Ekki spurning, kæra sveitamær.

[Katrín Snæhólm Baldursdóttir, 13.4.2007 kl. 20:15]

Ég fíla rokk þegar ég er ekki fjallkonan!!!!!!

[SigrúnSveitó, 13.4.2007 kl. 20:20]

[Steinunn Helga Sigurðardóttir, 13.4.2007 kl. 22:36]

ljós í koti

steina 

[Guðný Anna Arnþórsdóttir, 13.4.2007 kl. 23:36]

[Anna Ólafsdóttir Björnsson, 14.4.2007 kl. 01:07]

Elska rokk og myndin af fjallkonunni og dætrum hennar er himnesk!