Snögg ferð, ókurteisi og piparjúnka á ný

Elskan hann Tommi strætóbílstjóri kom okkur í bæinn á mettíma ... munaði líklega mest um að aukabíllinn hirti upp krúttin á Kjalarnesinu og Karítas í brekkunni. Við vorum 6-7 sem fórum út við "rennibrautina", eins og Tommi kallar vegkantinn við Vesturlandsveg ... en hann stoppaði á öruggum stað (þar sem strætóstoppistöðin ætti að vera, þá þyrfti ekki kostnaðarsamar framkvæmdir við tröppur eða slíkt) þannig að enginn rúllaði niður brekkuna, afsakið, rennibrautina.

-                       -------                  ---------              ------- 

Hér var allt sallarólegt til átta, þá kom Sveinn W samstarfsmaður ... Ég nennti ekki að endurtaka mig og æpa góðan daginn á hann eins og ég gerði um daginn til að hann tæki undir kveðju mína. Þótt ég sé ekki þrítug og þokkafull samstarfsstúlka þá hef ég nú tilfinningar.... Þetta verður þó leiðinlegt fyrir hann því að ég tók kveðjuna til baka í huganum og þessi dagur verður hreinn viðbjóður hjá honum.

---------          ----------         -----------         ------------         ----------        ------------          -------------

 

Vona að dagurinn verði dásamlegur hjá bloggvinum mínum, þ.e. öllum sem lesa þetta.

Þið, skynsömu, gáfuðu, fallegu og frábæru bloggvinir höfðuð rétt fyrir ykkur. Maðurinn minn er horfinn og Bond-bækurnar líka. Sjá harmþrungna bíómynd:

http://www.grapheine.com/bombaytv/index.php?module=see&lang=uk&code=b289a453d42b57cc4624a36a27c2a723     

Athugasemdir

[Ólafur fannberg, 16.4.2007 kl. 08:42]

kvittun

[Jenný Anna Baldursdóttir, 16.4.2007 kl. 09:00]

Velkomin á fætur, takk fyrir strætósöguna og Sveinn W mun eiga hreint hörmulega viku.

[Sigga (IP-tala skráð) 16.4.2007 kl. 10:07]

Ég var að skoða þessa síðu hér http://www.obeislud.it.is/frettir/ og var mjög hissa að sjá að þú ert ekki skráð sem ein af keppendum.  Howcome? 

[Gurrí rosasár (IP-tala skráð) 16.4.2007 kl. 10:21]

WHAT!!!!!!!!!!! ... FINNST ÞÉR ÉG VIRKILEGA EIGA HEIMA Í ÞESSARI KEPPNI?

[Gurrí ekki sár (IP-tala skráð) 16.4.2007 kl. 10:23]

Mér finnst ég ekki eiga heima í neinni fjandans keppni ... ehehhehehe. (Þessi keppni er reyndar algjör snilld!!!)

[Heiða Þórðar, 16.4.2007 kl. 10:48]

Eigðu sjálf dásamlegan dag, þakka skemmtilega lesningu. Og nei nei, átt ekki erindi í umrædda keppni

[gua, 16.4.2007 kl. 10:59]

Hvaða dónar eru eigilega að vinna með þér ? var hann ekki einhvern tíman fyndnasti maður 'Islands þessi gaur pú á hann bara.  Mér finnst að fröken Guðríður ætti að breygða sér á Ísafjörð og vinna þessa keppni, þarna eru líka sætir gaurar allstaðar að úr heiminum svo það er aldrei að vita hvort þú hittir draumaprinsinn.

Fjórtán keppendur í Óbeislaðri fegurð 

[Guðríður Hrefna Haraldsdóttir, 16.4.2007 kl. 12:04]

Veistu Gua mín að mér líður langbest með þessum indversku í Bollywood en mér finnst þessi fegurðarkeppni fyrir vestan algjört æði ... Kíkti á þetta áðan og fannst mikið til um!

Ég held að allir samstarfsmenn mínir aðrir brosi blíðlega og bjóði góðan dag ... nú er ég hætt að bjóða góðan dag, segi bara Vondan dag, svona af og til. Hann er svo fyndinn og hefur því örugglega gaman af því ... heheheheheh!

[Bragi Einarsson, 16.4.2007 kl. 12:32]

svaraði Sveinn W þér, elskan?

[Guðríður Hrefna Haraldsdóttir, 16.4.2007 kl. 12:42]

Neibbs ... en það er allt í lagi, nennti ekki að eyða orku í að hækka róminn og bjóða góðan daginn geðvonskulega eins og síðast. Ætla bara að segja Vondan daginn hér eftir ... eða bara ekkert. Múahahahhaah! Annars er þetta ekkert stórmál ... Meira mál með eiginmann minn sem er horfinn og ég sit uppi með skilnaðarpappíra á undarlegu tungumáli, líklega urdu!

[Guðríður Hrefna Haraldsdóttir, 16.4.2007 kl. 13:05]

Það er úr brúðkaupinu ... skelli því inn í kvöld, var of deprímeruð til að sýna það í dag.

[Sigga (IP-tala skráð) 16.4.2007 kl. 15:11]

Þú rúllar náttla upp þessari keppni, ferð létt með það.  Svo eru kannski fagrir sveinar með fúlgur fjár þarna að bíða eftir þér.  Ég held þú ættir að slá til.

[Kristín Katla Árnadóttir, 16.4.2007 kl. 15:31]

Hafðu það gott í dag Gurrí min

[Bertha Sigmundsdóttir, 16.4.2007 kl. 15:35]

Góðan daginn, Gurrí mín, ég vildi bara vera viss um að segja það svo að þú takir engar kveðjur tilbaka úr huganum sem voru einkaðar mér... Njóttu dagsins, og skilnaðarins, og ég hlakka til þess að heyra um strætóferðina heim í dag

[gjoh (IP-tala skráð) 16.4.2007 kl. 15:44]

það er víst aldrei á vísan að róa þar sem HÚNVETNINGAR eru annars vegar

[Guðríður Hrefna Haraldsdóttir, 16.4.2007 kl. 19:04]

[Guðný Anna Arnþórsdóttir, 16.4.2007 kl. 22:37]

Já, var þetta ekki bara skemmtilegt meðan það varði? Verst með Bond...nú verður einn af mælikvörðum á næsta eiginmann, að hann eigi Bondsafnið.