Brúðkaupsveisluleiftur og fylgst með Kötlu

Eftir skilnaðinn hef ég tekið upp fyrri iðju og geri það sem mér er bæði ljúft og skylt; stend Kötluvaktina.

Prófið að kíkja ... www.ruv.is/katla ... í dagsbirtu.

Fyrir þremur árum, næstum upp á dag, sagði Freysteinn Sigmundsson jarðeðlisfræðingur í viðtali í Mogganum að Kötlugos verði líkast til innan tveggja, þriggja ára og mjög líklega innan fimm ára. Viðvarandi merki um það síðan 1999: viðvarandi landris, aukin jarðskjálftavirkni og aukinn jarðhiti á undanförnum árum.

 
Gamlar endurminningar úr brúðkaupinu rifjuðust upp fyrir mér áðan og hversu skemmtileg stund þetta var í alla staði. Þetta var kannski stutt hjónaband en afar eftirminnilegt, jafnvel notalegt á köflum. Hér sést tilfinningaþrungið brot úr veislunni:

http://www.grapheine.com/bombaytv/index.php?module=see&lang=uk&code=1adfddb104a8df2b9254c07f287609be

Athugasemdir

[Ólafur fannberg, 16.4.2007 kl. 20:52]

Katla mun gjósa nákvæmlega kl.......þann......árið.......

[Guðríður Hrefna Haraldsdóttir, 16.4.2007 kl. 20:54]

Takk, kæri Fannberg ... þú klikkar aldrei á þessu!

[Heiða Þórðar, 16.4.2007 kl. 21:34]

Innlitskveðja

[Guðríður Hrefna Haraldsdóttir, 16.4.2007 kl. 21:57]

Hmmm ... skrifaði aðeins á föstudaginn ... Það eina sem gerðist markvert í dag var að Jackie (fv. kona Massimos, mamma Nicks, núverandi óvinur Stefaníu og vinkona Brooke) deitaði hjartalækninn hennar Stefaníu til að fá játningu upp úr honum um að hjartaáfallið hafi verið uppgerð. (Stefanía hefur dælt milljörðum í þennan spítala). Jackie ber á sér lymskulegt segulbandstæki. Framhald á morgun. 

[Guðný Anna Arnþórsdóttir, 16.4.2007 kl. 22:48]

En elskan mín, Kötluvaktin....?

[Vilborg Valgarðsdóttir, 16.4.2007 kl. 22:53]

Sko Helga mín, þetta virkar þannig að það gerist ekkert í 10 þáttum samfleitt en venjulega getur maður treyst því að Gurrí komi þá bara með eitthvað  úr framtíðinni (ameríkuþáttunum sko). Ég er hrædd um að íslenskir áhorfendur væru fluttir til Færeyja ef við leyfðum okkur að vera svona lengi að leysa málin í okkar íslensku framhaldsþáttum. Ef við gerðum einhverja ... einhvern tímann. Ohf hvað?

[Guðríður Hrefna Haraldsdóttir, 16.4.2007 kl. 23:09]

Ég klikka ekki á Kötluvaktinni ... Keypti mér sér tölvu bara fyrir hana. Nú horfi ég á tvo skjái, sjónvarpið og sjóinn til skiptis.