Jamm ...

Bókin sem ég er að lesa fjallar um fornleifafræðing og lögreglumann sem þeytast út í heim í leit að lævíslega földum skjölum (síðan á 12. öld, minnir mig) sem geta komið páfagarði á annan endann og öllum hinum kristna, ja, trúaða heimi. Morðóður starfsmaður kirkjunnar, sem hefur sallað nokkra niður, eltir þau. Að öðru leyti líkist bókin ekki Da Vinci lyklinum.

Athugasemdir

[Þóra Guðmundsdóttir, 16.4.2007 kl. 22:41]

Hmm, athyglisvert.

[Þóra Guðmundsdóttir, 16.4.2007 kl. 22:45]

Ég hef haft áhyggjur af þessu strætólalli ykkar þarna ofan af Skaga. Eru þið ekki örugglega öll með öryggisbelti ? alltaf ?

[Vilborg Valgarðsdóttir, 16.4.2007 kl. 22:45]

Hvað heitir bókin?

[Guðný Anna Arnþórsdóttir, 16.4.2007 kl. 22:47]

 er að hugsa til þeirrar nýfráskildu  vonandi hefurðu nú komizt yfir áfallið að mestu  og tekið gleði þína að nýju

[Guðríður Hrefna Haraldsdóttir, 16.4.2007 kl. 22:59]

Hvaða karli? Ahhh, þessum sem ég var gift. Jú, allt í lagi með mig ... heheheh

Jú, Þóra, við erum alltaf með öryggisbelti og bílstjórarnir okkar er varkárir og fínir.

Vilborg, hún heitir Musterisriddararnir, var að koma út, virkar spennandi þótt hún sé auðvitað lík Da Vinci Code. Í kjölfar t.d. Lord of the Rings og Harry Potter komu ýmsar ævintýrabækur, sumar ansi góðar, eins og t.d. Eragon. 

[Vilborg Valgarðsdóttir, 16.4.2007 kl. 23:05]

Gott þú minntir mig á Eragon, hef ætlað að fá hana á bókasafninu en aldrei munað eftir því. Takk kærlega. Þú kommenterar um Musterisriddarana þegar þú klárar, ha?

[Guðríður Hrefna Haraldsdóttir, 16.4.2007 kl. 23:06]

Jebbs ...

[Jenný Anna Baldursdóttir, 17.4.2007 kl. 00:32]

Hún er alveg eins og DVC.  Þú summeraðir þá bók allvel upp þarna.  Með leiðinlegri bókum sem ég hef lesið

[Magga (IP-tala skráð) 17.4.2007 kl. 08:52]

Spennandi ... þó ég sé fornleifafræðingur lendi ég aldrei í morðóðum starfsmönnum kirkjunar og ég fer bara upp á Héraðskjalasafn að leita að skjölum  Bið að heilsa Tomma bróðir

[Guðríður Hrefna Haraldsdóttir, 17.4.2007 kl. 11:25]

Hahhahah, ó, Magga mín, ég veit alveg hvernig lífi fornleifafræðingar lifa ... Ef prelátar og munkar elta þá ekki með hnífa á lofti þá eru það bölvanir faraóa og múmíur sem halda þeim á tánum. Ertu að reyna að plata mágkonu þína?

Jenný, mér fannst reyndar gaman að lesa DVC, enda afar hraðlæs, fannst hún myndræn (sá hana og aðrar bækur Dans Brown fyrir mér sem kvikmynd) en ég hef ekki getað endurlesið hana, eins og ég get yfirleitt gert. Þetta eru engar stórkostlegar bókmenntir, bara ágæt afþreying.