Draugagangur

Hádegishlé. Þarf alls ekki frið og ró þegar ég vinn þótt fátt trufli mig heima. Það hefur verið ágætt að hafa sjónvarpið lullandi þótt ég hafi svo sem ekkert fylgst með því fyrr en fréttirnar hófust klukkan tólf. Gamall draugaþáttur (Most Haunted) var endurtekinn fyrr í morgun, ofboðslega leiðinlegur að mínu mati. Miðill fer á þekktan draugastað í Bretlandi með draugahræddri umsjónarkonu, sæmilega smeyku þáttagerðarfólki og svo hefst miðilsfundur. Miðillinn fellur í trans og talar um ýmsar persónur sem hann finnur fyrir, brak heyrist og konan skrækir.

Myndatakan er höfð draugaleg til að magna áhrifin ... líklega er ég of jarðbundin til að geta haft gaman af svona.

Mætti ég þá frekar biðja um Þórhall miðil í Höfða ... það yrði nú svolítið skondið.  

Athugasemdir

[Jenný Anna Baldursdóttir, 17.4.2007 kl. 12:35]

Ég sé..ég sé.. að á bak við þig í Himnaríki þar sem þú situr við tölvuna, stendur gamall maður í sauðskinnskóm, bíddu.. ábyggilega smali og/eða sauðaþjófur.  Hann er með tómar augnþóftir Muhahahahahahahaha.........

[Jenný Anna Baldursdóttir, 17.4.2007 kl. 12:36]

Sorry, meina augnTÓFTIR

[Guðríður Hrefna Haraldsdóttir, 17.4.2007 kl. 12:47]

Ég sé ... uuuuu, gamla konu með gráar fléttur ... hún heitir annað hvort Sigríður eða Guðrún ... Hún segir þér að hafa ekki áhyggjur af þessum verk sem þú finnur stundum fyrir í vinstri fæti. Ég sé að þú verður leiðinlegt gamalmenni  og þú ættir að reyna að taka betur til heima hjá þér! Hehehhehehe! (Þetta síðasta með leiðindin og húsverkin er víst stundum notað á opinberum miðilsfundum til að létta andrúmsloftið og láta alla hlæja, nema þá sem fá þetta yfir sig). 

Vertu svo ekki að reyna að gera mig draugahrædda, þarna FEMÍNISTINN þinn! 

[Guðríður Hrefna Haraldsdóttir, 17.4.2007 kl. 13:04]

Hahahhahahahaha ... já, ég er sátt. Segðu mér meira um þennan dökkhærða ...

[Jenný Anna Baldursdóttir, 17.4.2007 kl. 13:20]

Það dimmir ennþá á kvöldin Gurrí mín muhahahahahaha Kv. frá feministanum ógurlega

[Ólafur fannberg, 17.4.2007 kl. 13:22]

búúúúú......

[Guðríður Hrefna Haraldsdóttir, 17.4.2007 kl. 13:44]

Tek það fram að ég er ekki að dissa miðla, þekki nokkra sem eru yndislegt fólk!

[Steinunn Helga Sigurðardóttir, 17.4.2007 kl. 14:06]

Spennani, já höfði væri fínn, kannski kemur Ronald Regan

Ljós

Steina 

[Kristín Katla Árnadóttir, 17.4.2007 kl. 14:24]

Þessi enski miðill er bara að leika

[Guðríður Hrefna Haraldsdóttir, 17.4.2007 kl. 14:31]

Hef reyndar séð hann auglýstan sem miðil í breskum blöðum ...

[Sigríður Jósefsdóttir, 17.4.2007 kl. 15:27]

Var beðin um að panta tíma í tarotspilalestri.  Verðurðu heima eitthvað kvöldið?

[Guðríður Hrefna Haraldsdóttir, 17.4.2007 kl. 15:34]

Hehehhe, ég er ekki spákona! Ef ég væri það myndi ég sko ekki viðurkenna það á svona opinberum vettvangi nema ég þyrfti auglýsingu.