Sólskin, sumar og sinadráttur

Hlakkaði til að geta sofið til hádegis ... nei, það var ekki hægt heldur var ég vakin af lúmskum, erfiðum, sársaukafullum, viðbjóðslegum, fáránlegum, óvelkomnum, óvæntum, krampakenndum, asnalegum, hallærislegum sinadrætti í kálfanum ... Kisurnar lágu báðar ofan á sænginni minni og hentust í allar áttir þegar mér tókst undarlegan hátt að takast lárétt á loft og einhvern veginn enda standandi og argandi á gólfinu. Hver fann upp á þessum andskota?

Og hvað ætli þetta tákni að morgni sumardagsins fyrsta?
Kannski veit þetta á eldgos í Kötlu, afsögn forsætisráðherra, sigur okkar í Evróvisjón ... jafnvel allt þetta!!!

 
Næstum búin að gleyma einu, það er svona þegar maður vaknar öskrandi

                                                        GLEÐILEGT SUMAR!

Vonandi verður dagurinn dásamlegur og ég vona heitt og innilega að enginn fái sinadrátt í dag.

Athugasemdir

[Jenný Anna Baldursdóttir, 19.4.2007 kl. 11:17]

Þú átt samúð mína alla.  Kannast við vandamálið.  Gleðilegt sumar!

[Hólmgeir Karlsson, 19.4.2007 kl. 11:25]

Mætti halda að þú hafir verið á "ráspól" inní sumarið ...
Gleðilegt sumar miss superblogger

[Gunna-Polly, 19.4.2007 kl. 11:40]

einhverstaðara las ég að sinadráttur væri betri en (ritskoðað)

 Gleðilegt sumar !!

[Svava S. Steinars, 19.4.2007 kl. 11:49]

Gleðilegt sumar !  Öfunda þig ekki af sinadrættinum!  Kannski boðar þetta gott sumar ?

[bara Maja..., 19.4.2007 kl. 12:18]

Hmmm ég las einhverstaðar það sama og Gunna-Polly...  en hverju sem því líður, þá GLEÐILEGT SUMAR til þín og þinna  Það verður spennandi að lesa í sumarið þegar það er liðið og geta þá td. bætt við "og ef að Gurrí vaknar með sinadrátt í fæti (var það hægri eða vinstri ??) á sumardaginn fyrsta þá verður heyskapur mikill hjá bændum í austri"

[gua, 19.4.2007 kl. 12:39]

Gleðilegt sumar svo gæti (ritskoðað) verið verra en sinadráttur mér dettur í hug ónefnt myndband sem gekk á netinu í vetur úps

[ókunnug (IP-tala skráð) 19.4.2007 kl. 12:41]

ég les bloggið þitt oft á dag....þetta er yndisleg lesning og því langar mig að koma með eitt ráð til þín varðandi sinadráttinn...drekka nóg af vatni og jafnvel smá tónik líka...:=) takk fyrir skemmtilegt og upplífgandi síðu

[Doddi - Þorsteinn G. Jónsson (IP-tala skráð) 19.4.2007 kl. 13:02]

Gleðilegt sumar, sæta dúlla!

[Jónsi (IP-tala skráð) 19.4.2007 kl. 13:14]

Fátt er svo með öllu illt að ei boði gott.... kannski að annar betri komi í kjölfarið.....

[Kristín Katla Árnadóttir, 19.4.2007 kl. 13:33]

Gleðilegt sumar Gurrí mín ég er svo hjartanlega sammála henni Örnu. Þú ert gleðigafi.

[Anna Ólafsdóttir Björnsson, 19.4.2007 kl. 14:16]

Gleðilegt sumar, sinadrátturinn getur að mér skilst stafað af kalíumskorti (mikið af því í banönum) þannig að ef þetta gerist oftar þá er bara að kaupa kalíum í apótekinu, engin hætta á uppsöfnun í skrokknum og því vitameinlaust.

[frænkubeib (IP-tala skráð) 19.4.2007 kl. 14:19]

Gleðilegt sumar kæra frænka!!  Þú byrjar það greinilega með stæl.  Mér var einu sinni sagt af manni sem þóttist vita sitthvað um líkamann að sinadráttur stafaði af D-vítamín skorti...og svo benti hann á mjólk í framhaldi af því.  Veit ekki hvort satt er..en kannski þess virði að prufa annaðhvort 1 mjólkurglas á dag eða D-vítamín pillu..  Vona svo bara að sumarið verði jafn sólríkt og þessi dagur virðist ætla að verða (með hæfilegri rigningu inn á milli til að sprettan hjá bændum verði almennileg)

[Hildigunnur Rúnarsdóttir, 19.4.2007 kl. 15:00]

Gleðilegt sumar og takk fyrir veturinn :-)

[Magga (IP-tala skráð) 19.4.2007 kl. 15:07]

Magnesíum

Magnesíum er ásamt kalki og fosfór nauðsynlegt fyrir heilbrigð og sterk bein. Það er hvati til myndunar ýmissa ensíma í líkamanum, sérstaklega þeirra sem stjórna orkumyndun. Það er náttúrulega vöðvaslakandi, einnig nauðsynlegt fyrir starfsemi tauga. Skortur á magnesíum hefur áhrif á taugaboð og vöðvasamdrátt. Rannsóknir benda til hærri tíðni hjarta- og æðasjúkdóma hjá þeim sem hafa lítið af magnesíum í blóði.

Á sumum svæðum í heiminum hafa rannsóknir bent til að samband geti verið milli hárrar tíðni hjartaáfalla og lítils magnesíums í neysluvatni og svo hins vegar lágrar tíðni og mikils magnesíums í vatni eins og t d. á Grænlandi þar sem hjartasjúkdómar eru fátíðir. Einnig er algengt að einstaklingar sem neyta mikils magns af áfengi t.d. áfengissjúklingar séu með magnesíumskort þar sem áfengið rænir því úr líkamanum.

Magnesíum er að finna í tofu, grænmeti, fræjum, hnetum, heilkorni, þara, sojabaunum, hýðishrísgrjónum og grænu laufguðu blaðgrænmeti. Einnig í fersku kryddi svo sem papriku, steinselju og piparmyntu. Þvagræsilyf, getnaðarvarnarlyf og áfengi eru gagnvirk magnesíumi.  

Einkenni magnesíumskorts geta m.a. lýst sér í minna mótstöðuafli gegn sjúkdómum, háþrýstingi, nýrnasteinum, fyrirtíðarspennu, þreytu og beinþynningu. Þá geta skotið upp kollinum vandamál tengd taugum og vöðvum, einnig lystarleysi, hraður hjartsláttur, flogaköst og krampar, þannig virðist sinadráttur t.d. tengjast magnesíumskorti.

[www.zordis.com, 19.4.2007 kl. 15:58]

Sundkennarinn hún Hrafnhildur, Olympíufari mælti með D vítamína ... lýsisinntöku til að losna við krampa. Ekki lýgur hún, ó nei!  Gurrí, nú er málið að auka lýsisinntökuna ... Fá eina skeið af lýsi þegar þú kaupir latte í Skrúðgarðinum

[Guðríður Hrefna Haraldsdóttir, 19.4.2007 kl. 16:23]

Vá, takk fyrir öll góðu ráðin. Þið eruð best! Ég mun að sjálfsögðu fara eftir þessu. Kaupa lýsi og fara að taka það inn, verst að Sana Sol er ekki lengur til, það hefði verið snjallt að taka eina teskeið af því til að bragðið hyrfi ... nota bara Frískamín, held að það sé gott. Bananar verða síðan í öllum skálum á þessu heimili í framtíðinni. Ef þetta veit á góðan heyskap í sumar þá er ég alveg til í að vakna með sinadrátt á hverjum sumardeginum fyrsta! 

[Bragi Einarsson, 19.4.2007 kl. 17:28]

Gleðilegt sumar einhver sagði; Sinadráttur er betri en enginn

[Kikka (IP-tala skráð) 19.4.2007 kl. 19:07]

Þetta er bæði greinilegt og augljóst þó ekki sé þetta draumur. Hekla mun gjósa á besta degi sumars (Sem er einmitt afmælisdagurinn þinn, erþaðekki?) og mér reiknast til,  miðað við kraftinn í sinadrættinum,  að þú verðir með þeim fyrstu á svæðið...

 Gleðilegt sumar