Far með Ástu ... og slæm myndameðferð

Steingleymdi að hlaða gemsann minn allan gærdaginn og til kvölds en hann varð batteríslaus í fyrrakvöld. Ef ég hefði ekki rétt svo munað eftir þessu um kl. 23 hefði ég misst af guðdómlegu SMS-i frá Ástu: „Verð á bíl, viltu far?“

-------               ---------------               --------------           -----------------  

Ég er voða óhress með myndina af Hildu systur inni í blaðinu ... hún lítur út fyrir að vera komin marga mánuði á leið ... Hún vefur sjali utan um sig á myndinni með þessum slæma árangri, hún tvöfaldast að þykkt ... Svona hluti eiga ljósmyndarar að fatta og ég bað líka um að settur yrði rammi yfir aukamallann eða eitthvað gert en ekki var tekið tillit til þess. „Hvaða vitleysa, hvaða vitleysa ...“ Eins og ég viti ekki hvernig eigin systir lítur út í raunveruleikanum? Hilda hlær bara að þessu en ég er fúl. Hér verður skammast í dag! Frétti af sjokkeruðum frænda yfir því hvað Hilda hefði fitnað mikið ... það tókst nú að leiðrétta það við hann og honum sagt að þessi annars fallega mynd hefði kannski sýnt trén í réttu ljósi en ekki sjálft myndefnið, Hildu.

---------            ----------------             -------------            ------------  Einu sinni kom mynd af mér í Mogganum og ég leit út á henni eins og afspyrnuljótt ... ummm ... svín. Rosalega stórar kinnar og pínulítil augu. (ég sem var kölluð ugla um tíma í sjö ára bekk vegna stórra augna) Myndin var tekin eitthvað asnalega, minnir að ég hafi kropið við uppþvottavélina mína (uppáhaldsheimilistækið) og ljósmyndarinn lagst í gólfið til að ná mynd upp til mín. Ég fletti fram og til baka í Mogganum um næstu helgi á eftir og leitaði að myndinni ... þekkti mig ekki, enda afskræmd. Ljósmyndun er vandaverk en í blöðum og tímaritum vilja allir líta sem best út og það ber að virða. 

Þar fyrir utan: Góðan dag!  Þessi vinnuvika sem hófst í dag verður stutt; eða einn dagur. Bara minna á það.

Athugasemdir

[Bragi Einarsson, 20.4.2007 kl. 09:33]

Var bara ekki hægt að Fótosjoppa hana Hildi? Þeir gera það hjá stóru tímaritunum! En gleðilegt sumar

[Ingibjörg Gunnarsdóttir, 20.4.2007 kl. 09:45]

Er það ekki bara við fallega fólkið sem myndast svona illa - mér er spurn?

[Guðríður Hrefna Haraldsdóttir, 20.4.2007 kl. 09:48]

Jú, það hefði verið hægt ... að sjálfsögðu!

Held að fallegasta fólkið myndist ekki alltaf best ...

[Guðríður Hrefna Haraldsdóttir, 20.4.2007 kl. 10:01]

Jú, það hefði verið hægt ... að sjálfsögðu!

Held að fallegasta fólkið myndist ekki alltaf best ...

[Jenný Anna Baldursdóttir, 20.4.2007 kl. 10:06]

Ég á við sama vandamál að stríða.  Er íðilfögur en það skilar sér ekki nógu vel á myndum.  Það eru þessar minna fallegu sem myndast ágætlega...þegar búið erð að fótósjoppa þær

[Ester Júlía, 20.4.2007 kl. 10:08]

Skelltu myndinni inn !! 

 Óþolandi hvað myndir afskræma mann oft á tíðum.  Myndin af mér á innranetinu hefur skannast skakkt inn og ég er öll skökk á henni, skakkur munnur, eyrun mishá, augun pínkulítil - glæsileg!!  Ja ekki nema spegillinn ljúgi og ég sé bara svona ...  

Gleðilegt sumar Gurrý mín..

[Guðríður Hrefna Haraldsdóttir, 20.4.2007 kl. 10:41]

Gleðilegt sumar, Ester Júlía mín ... (ekki Ý í Gurrí ... fremur en Júlýu)

Á debetkortinu mínu er mynd af mér þar sem ég líkist vélsagarmorðingja og ef búðarfólk rýnir í hana segi ég alltaf: "Now I will have to kill you!" Þetta vakti lukku hjá karli á lestarstöð í New York sem var að dást að því að Íslendingar hefðu ljósmyndir í kortum.  

[Ester Júlía, 20.4.2007 kl. 10:45]

Gleðilegt sumar GurrÍ mín   Veit ekki afhverju ég skrifa alltaf nafnið með Ý, ég sem er hræðilega góð í stafsetningu

[gua, 20.4.2007 kl. 10:55]

Ég á við þetta sama vandamál að stríða, lýt alltaf út eins og ég sé á 5 glasi á myndum, þegar það á að taka af mér mynd, finn ég hvernig ég herpist öll saman í andlitinu og útkomnan eftir því ss hrein hörmung

[Jónsi (IP-tala skráð) 20.4.2007 kl. 11:08]

Verð að segja að þessi mynd er miklu betri en sú sem birtist þarna efst til vinstri á síðunni !!

P.s. Minnir samt óþarflega mikið á Smáralindarbæklinginn - opinn munnur, tungan út..... eins gott að Kolbeins sjái þessa mynd ekki.

[gjóh (IP-tala skráð) 20.4.2007 kl. 12:38]

ég var einmitt að velta þessu fyrir mer með hana Hildu, hvað hún væri orðin framsett ?  langt síðan ég hef séð hana en samt...................  hvað er að ljósmyndara sem og þeim sem setja upp forsíðuna að sjá þetta ekki !!! :( annars svo sætar myndir af henni. Las greinina með tár í augum, þetta er mikil og skelfileg lífsreynsla.

Svo er það þetta með nöfnin sem maður veit aldrei hvernig á að skrifa, eins og t.d. Svava/Svafa  Elva/Elfa   Gurrý/Gurrí  o.sv.frv.    Takk fyrir skemmtilegheit hérna á blogginu Gurrí.

[gjóh (IP-tala skráð) 20.4.2007 kl. 12:43]

ég var einmitt að velta þessu fyrir mer með hana Hildu, hvað hún væri orðin framsett ?  langt síðan ég hef séð hana en samt...................  hvað er að ljósmyndara sem og þeim sem setja upp forsíðuna að sjá þetta ekki !!! :( annars svo sætar myndir af henni. Las greinina með tár í augum, þetta er mikil og skelfileg lífsreynsla.

Svo er það þetta með nöfnin sem maður veit aldrei hvernig á að skrifa, eins og t.d. Svava/Svafa  Elva/Elfa   Gurrý/Gurrí  o.sv.frv.    Takk fyrir skemmtilegheit hérna á blogginu Gurrí.

[www.zordis.com, 20.4.2007 kl. 13:42]

Vinnuvikan er bara einn dagur og svo er helgin tveir!  Dásamlegt alveg.....njóttu lífsins þú fagra kona!  Ljósmyndarar eiga að sjálfsögðu að átta sig á svona atriðum   Ooooog ég sem myndast varla.  3 dagar í viku hljóma óneitanlega yndislega

[Gunna-Polly, 20.4.2007 kl. 14:09]

hvar fékkstu fermingarmyndina af mér?

[Ólafur fannberg, 20.4.2007 kl. 15:02]

flott mynd hehehe

[Bertha Sigmundsdóttir, 20.4.2007 kl. 16:16]

Kannast við þetta með myndirnar af manni, maður er auðvitað aldrei ánægður með myndir af sjálfum sér, nema að þær séu fiffaðar til í Photoshop Annars finnst mér svínið mjög flott, góð mynd bara, nema soldið skrítið að sjá svínið borða sjálft sig...cannibalism

Gleðilegt sumar elsku Gurrý mín (haha, auðvitað meina ég Gurrí...)

[Svava S. Steinars, 20.4.2007 kl. 23:50]

Myndavélin á alltaf að bæta á 10 pounds, amk samkvæmt bíómyndunum. Langar mikið að sjá grísamyndina, hanahhahahah  Oink (btw, til mynd af mér þar sem ég lít út eins og afskræmdur risahamstur, hún var líka birt opinberlega)

[Guðný Anna Arnþórsdóttir, 21.4.2007 kl. 01:34]

Þið eruð bara allra sætustu systur. Og ekki orð um það meir.

[Guðný Anna Arnþórsdóttir, 21.4.2007 kl. 01:35]

Post scriptum: Ætlaði að segja allra systra sætastar....

[Svala Jónsdóttir, 22.4.2007 kl. 21:16]

Æ, leiðinlegt að láta birta af sér ljóta mynd í blaði. Ein ljótasta mynd sem hefur verið tekin af mér var tekin af ljósmyndara DV. Reyndar hef ég líka verið á fínni mynd í DV. Var líka á frekar glataðri mynd í Se og hör einhvern tímann.

Hins vegar er fín myndin í debetkortinu mínu, sem var bara tekin í Kringlunni. Og myndin í ameríska ökuskírteininu mínu, sem var tekin af opinberum starfsmanni hjá D&V er ein sú best sem hefur nokkurn tímann verið tekin af mér. Þannig að kannski eru atvinnuljósmyndararnir alls ekki bestir!