Leitin að laxerolíunni, Hara-systur eða O´Hara-systur

Þvílíkt dekur í gærkvöldi. Austurlenskur matur, Evróvisjón-lögin með dómunum, Taggart með djúsí morðum, nudd með frábæru nuddtæki og síðan laxerolía á herðar og háls ... og aðeins í hárið. Svaf í stofusófanum og vaknaði eins og fólkið í kornflexauglýsingunum ... vöðvabólgan á bak og burt og eintóm gleði. Flatur latte með 150°F heitri mjólk í Kringlunni, apóteksferð í Smáratorg en engin laxerolía til þar. Fyrra mótlæti dagsins og fremur lítilvægt.

Við skruppum aðeins austur YFIR fjall ... eins og á að segja það, heimsóttum vinafólk, spiluðum manna í tvo tíma, keyptum ís í “áður kallað Essó” á Selfossi og héldum í Mosó ... þar var búið að loka apótekinu þannig að apótekið missti af stórinnkaupum; einni flösku af laxerolíu. Seinna mótlæti dagsins, aðallega fyrir apótekið. Hef aldrei smakkað slíka olíu en hún virkar alla vega stórvel útvortis.

 
Fréttum að síminn hefði ekki stoppað í Smáralind í dag en fólk ætlaði að skrá börn sín í karaókí-keppnina sem verður ekki fyrr en á morgun (skráning kl. 13). Til að leiðrétta smáskilmysing ...Guðbjörg, Jógvan og Hara-systur munu dæma í keppninni á morgun, ekki Guðbjörg, Jógvan og við Hilda systir, við erum nefnilega O´Hara-systur. Bara láta vita!

Svo var það bara elsku strætó á Skagann! Kisurnar komu hlaupandi og mjálmuðu undarlega, mér heyrðist þær segja túnfiskur svo að ég gaf þeim túnfisk. Þær voru ekki einu sinni búnar með matinn sinn síðan á föstudagsmorguninn, hafa greinilega sofið af sér söknuðinn. Það var dásamlegt að koma heim. Drekk nú dásamlegt kaffi sem ég keypti í Kaffitári, nýjustu espressóblönduna sem hentar svona líka vel í espressóvélar ... himnaríkissæla hér á bæ. 

Athugasemdir

[Jenný Anna Baldursdóttir, 21.4.2007 kl. 17:42]

Gaman hjá þér en mér finnst voðalega gott að vita af þér heima í Himnaríki.  Vill hafa alla og allt á sínum stað.  Smútsj

[Karolina , 21.4.2007 kl. 17:50]

innlitskvitt

[Guðríður Hrefna Haraldsdóttir, 21.4.2007 kl. 17:52]

Heima er sko best! Svo þarf ég að fara aftur að heiman á morgun!!! Arrrggg ... í Smáralindina í karaókíkeppni ... gæti verið verra, hlakka reyndar rosalega til. Það var svo gaman í hittiðfyrra. 

[gjóh (IP-tala skráð) 21.4.2007 kl. 18:47]

Góða skemmtun í Smáralindinni. Gaman að heyra þetta með laxerolíuna, þarf að prófa hana við tækifæri

[Guðrún Jóhannesdóttir, 21.4.2007 kl. 19:10]

púff !   nú veit ég bara ekkert hvað ég var að gera   en átti gamla síðu hér, ætlaði að skrá mig inn til að geta kommentað hjá þér :)

Gjóh 

[Guðríður Hrefna Haraldsdóttir, 21.4.2007 kl. 19:18]

Mér tókst ekki að samþykkja þig þótt ég reyndi ítrekað þannig að ég sneri á kerfið og heimtaði þig sem bloggvin! Takk fyrir að samþykkja mig!

[Guðrún Jóhannesdóttir, 21.4.2007 kl. 19:24]

úps ! já velkomin, en ég blogga ekki þarna, þetta er eeeldgamalt (held ég)  blogga http:www.123.is/velkomin :)  en jæja gott má, he óskaplega gaman að blogginu þínu. Takk fyrir skemmtilear stundir hérna :)

[Guðný Anna Arnþórsdóttir, 21.4.2007 kl. 21:57]

Hvar getur maður komist í svona rítrít fyrir handan fjall? Viltu bjóða mér?

[Guðríður Hrefna Haraldsdóttir, 21.4.2007 kl. 22:08]

Þetta var nú bara heima hjá Hildu systur, engin nekt eða neitt ... Svona rítrít verður tekið upp í himnaríki við fyrsta tækifæri ... og manni spilaður á eftir!

[Anna Ólafsdóttir Björnsson, 22.4.2007 kl. 23:21]

Hugsaði til þín um helgina, fullt af afmælum þessa dagana, Sveinn Rúnar frændi í dag, Auður á Hvoli og fullt af góðu fólki.